حج سے محروم رہ جانے والے عازمین کے لئے بڑی خبر
اشاعت کی تاریخ: 5th, May 2025 GMT
حج آپریشن 2025 میں پرائیویٹ اسکیم کے تحت کچھ پرائیویٹ کمپنیاں عازمین کے بک کردہ ٹکٹس منسوخ کرنے پر مجبور ہے۔
تفصیلات کے مطابق حج آپریشن 2025 میں پرائیویٹ اسکیم کے تحت اب تک کوئی عازم حج پرروانہ نہیں کیا جاسکا ، ذرائع نے بتایا کہ کچھ پرائیویٹ کمپنیاں عازمین کے بک کردہ ٹکٹس منسوخ کرنے پر مجبور ہے۔ذرائع کا کہنا تھا کہ مکہ، مدینہ اور دیگر مقامات پر بڑی تعداد میں ہوٹلز بکنگ بھی منسوخ ہونے کا خدشہ ہے، ہوٹلز مالکان نے 10مئی تک باقی ادائیگیوں کا مطالبہ کردیا۔ذرائع نے کہا کہ عدم ادائیگی کی صورت میں بکنگ کی دی گئی رقم ضبط ہونے کا بھی خدشہ ہے، نجی اسکیم کے تحت صرف 23 ہزار 620 عازمین کی حج پر روانگی حتمی ہے۔
ذرائع کا کہنا تھا کہ 41 میں 39 کمپنیوں کو کوٹہ دیا گیا، جس میں سے 11 کمپنیاں محروم ہیں، ہدایات پر عمل درآمد نہ کرنے پر بڑی تعداد میں منتظمین ناکام رہے۔ذرائع کے مطابق پاکستان کو رواں سال ایک لاکھ 94ہزار 210عازمین کا کوٹہ دیا گیا ، 89 ہزار عازمین سرکاری اسکیم کے تحت بھجوانے کا فیصلہ کیا گیا ، 90 ہزار 210 عازمین پرائیویٹ اسکیم کے تحت بھجوانے تھے۔
حج آر گنائزرز نے 11سے 40لاکھ روپے تک عازمین کی بکنگ کرائی ، سعودی عرب کو پرائیویٹ اسکیم کے تحت 25فیصد ادائیگی 14فروری تک کرنی تھی۔ذرائع وزارت مذہبی امور کا کہنا تھا کہ حج آرگنائزرز کی بڑی تعداد بروقت یہ ادائیگی کرنے میں ناکام رہے، بروقت ادائیگیاں نہ کرنے پر 67ہزار عازمین اس سال حج سے محروم رہ گئے۔
.
ذریعہ
ذریعہ: Daily Ausaf
کلیدی لفظ: پرائیویٹ اسکیم کے تحت
پڑھیں:
کراچی: میاں بیوی پر بہیمانہ تشدد کرنے والے 2 ملزمان مبینہ پولیس مقابلے کے بعد گرفتار
ایس ایس پی ویسٹ طارق الٰہی مستوئی نے کہا ہے کہ کراچی میں میاں بیوی پر بہیمانہ تشدد کرنے والے دو ملزمان کو اقبال مارکیٹ پولیس نے مبینہ پولیس مقابلے کے بعد گرفتار کر لیا۔
دو روز قبل ولایت علی کالونی میں گھر کے اندر میاں بیوی پر تیز دھار آلے اور پتھر سے حملہ کیا گیا تھا، جس کے نتیجے میں 45 سالہ فیروزہ زوجہ مرشد اور 50 سالہ مرشد ولد جلال خان شدید زخمی ہو گئے تھے۔
پولیس نے رات گئے کارروائی کے دوران ملزم سہیل عرف اسلم کو زخمی حالت میں جبکہ اکرم عرف لنگڑا کو بغیر زخمی کیے گرفتار کر لیا۔
پولیس کے مطابق ملزمان عادی جرائم پیشہ ہیں اور ان کے خلاف ڈکیتی، اسلحہ اور موٹرسائیکل چوری کے مقدمات پہلے سے درج ہیں، جبکہ ان کے زیر استعمال برآمد ہونے والا موبائل فون اور موٹرسائیکل بھی اسلحے کے زور پر چھینی گئی تھی۔
تفتیش کے مطابق مضروبہ نے کچھ عرصہ قبل اپنا مکان ملزم اکرم کو کرائے پر دیا تھا، تاہم کرائے اور یوٹیلیٹی بلوں کی ادائیگی پر دونوں فریقین کے درمیان تنازع چل رہا تھا، خاتون نے مکان خالی کروانے اور بقایا جات کی وصولی تک کرائے دار کا سامان گھر میں تالا لگا کر روک رکھا تھا، جس پر ملزم اکرم مشتعل ہو گیا اور اپنے بہنوئی سہیل عرف اسلم کے ساتھ مل کر میاں بیوی پر حملہ کر دیا۔
ملزمان نے تیز دھار آلے اور پتھر کے وار کرکے دونوں میاں بیوی کو تشدد کا نشانہ بنایا، جو تاحال زیر علاج ہیں، پولیس نے ملزمان کی نشاندہی پر جائے وقوعہ سے تشدد میں استعمال ہونے والا پتھر بھی برآمد کر لیا ہے۔
واقعے کا مقدمہ زخمیوں کے بیٹے محمد شکیل کی مدعیت میں تھانہ اقبال مارکیٹ میں درج ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ