’’بہت فلمی ہو یار۔۔۔‘‘ کسی بات پر یہ جملہ سننے کو ملا تو سوچ میں پڑ گئے کہ ہاں فلمی تو ہم ہیں اور بھلا کیوں کر نہ ہوتے نوجوانی کا دور 1990ء کی اُس دَہائی میں گزرا، جہاں فلمیں ہی گھریلو لڑکیوں کی تفریح کا سامان، تربیتی کیمپ اور ٹائم مشین ہوا کرتی تھیں۔
سو، ان ہی فلموں کے ذریعے ہم نے گویا دنیا کے رنگ دیکھے، زندگی سیکھی اور خود کو آنے والے یا اپنے پسندیدہ وقت میں دیکھا۔ اچھی طرح یاد ہے ان دنوں ’گڈ گرل‘ کا تصور بہت زیادہ پیش کیا جاتا تھا۔ اچھی لڑکی سے مراد ہوتی ہے، وہ لڑکی جو ہر فن مولا ہو، مگر اس کی اپنی کوئی رائے نہ ہو، دوسرا سب کی خدمت اور سب کو خوش رکھنے کے لیے ہر طرح کی قربانی دے اور اُف نہ کرے۔
اب ہمارے پڑھنے والے سوچیں گے اس میں غلط کیا ہے۔ ہم بھی یہی کہیں گے کچھ بھی غلط نہیں ہے۔ تو ہوا کچھ یوں، نوجوانی کی عمر تھی۔ ’پرنس چارمنگ‘ کسی شادی میں دیکھنے کے بعد رشتہ ڈال چکے تھے۔ جہیز کی تیاریاں زور شور سے شروع ہو چکی تھیں۔
ہمارے پاپا کوئی بہت امیر آدمی تو نہ تھے کہ بیٹی کے منہ سے نکلی ہر چیز اس کے ساتھ کر دیں، تو ہر چیز ضرورت اور جیب کو مدنظر رکھ کر لی جا رہی تھی۔ مزے کی بات یہ تھی کہ ضرورت کی چیزوں کی فہرست سب کی الگ بنی۔ امی کے حساب میں ہمیں جن چیزوں کی ضرورت پڑ سکتی تھی۔
وہ فہرست الگ تھی، پھوپھی کے حساب سے وہ فہرست الگ تھی، پاپا کے حساب سے الگ، دادی کے حساب سے مختلف اور خالاؤں کے حساب سے جدا۔ ویسے ایک فہرست ہم نے بھی بنائی تھی، مگر سب نے یہ کہہ کر ٹال دیا کہ ’’بھئی پیسے بچ جائیں گے تو دِلا دیں گے!‘‘ ویسے ہمیں اس کی کوئی زیادہ پروا تھی بھی نہیں۔ ہم تو بس اس بات پر خوش تھے کہ ہماری شادی ہو رہی ہے اور اب ہم وہ تمام کام کر سکتے ہیں، جن کے لیے اب تک ہمارے اوپر’شادی کے بعد‘ کہہ کر پابندیاں لگائی گئی تھیں۔ (ایسے کاموں کی فہرست بھی کوئی چھوٹی تھی بھلا!)
لیکن کیا کیجیے، تھے تو ہم ادنیٰ سے انسان ہی۔ تو پھوپی کے ساتھ بازار گھومتے گھومتے ایک میٹھے کی پیالیوں کا سیٹ بڑا پسند آگیا۔ بڑا ہی نازک سا آئس کریم سیٹ تھا۔ جس پر سنہری رنگ سے بہت باریک سے نقش کسی بیل کی صورت میں بنے ہوئے تھے۔ دیکھتے ہی ہم بے چین ہو گئے، وہ واحد چیز تھی جس کے لیے ہم نے ضد کی تھی۔ اچھی طرح یاد ہے کہ دکان دار نے اس کی قیمت دو ہزار روپے بتائی تھی اور اس سے ایک پیسہ کم کرنے پر راضی نہیں تھا۔ پھوپھی نے سمجھا بُجھا کر بہلا لیا کہ ’’بیٹا بہت مہنگا ہے۔‘‘
مگر شاید وہ سیٹ ہمارے نصیب میں تھا کہ دکان دار نے گاہک ہاتھ سے جاتے ہوئے دیکھا تو 1500 روپے میں وہ سیٹ دینے پر راضی ہو گیا۔ اس سیٹ کے ملتے ہی اس سیٹ کے حوالے سے ہمارے ’منصوبے‘ شروع ہو گئے۔
’’یہ پیالیاں ہم سسرال کے کسی اچھے سے موقع پہ نکالیں گے۔ اور یوں کر کے اس میں آئس کریم پیش کریں گے اور سب لوگ دیکھ کے کہیں گے کہ واہ لڑکی میں سلیقہ اور ماڈرن انداز دونوں چیزیں ہیں۔
مگر جناب والا۔۔۔۔ جب ہم سسرال پہنچے، تو پتا چلا، وہاں تو کسی چیز کی ضرورت ہی نہیں! اللہ کا دیا سبھی کچھ ہے اور یہ بھی کہ، ’’ہم تو بہوؤں کی کسی چیز کو استعمال ہی نہیں کرتے، جو وہ لائی ہیں وہ اپنے لیے لے کر آئی ہیں۔ ہم نے نہ تو کچھ مانگا تھا اور نہ ہی کچھ دیکھا کہ ساتھ کیا آیا؟ سو جب یہ اپنے الگ الگ گھر بنائیں، تب استعمال کرتے پھریں جو ان کا سامان ہے۔‘‘
لیجے جناب، یہ سنتے ہی کتنی باتیں تھیں، جو ہم فقط سوچ کر ہی رہ گئے۔ کچھ وقت اور گزرا، تو معلوم ہوا، وہ پیالیاں تو صرف ایک چیز تھی اور بھی بہت کچھ تھا جو ’خوامخواہ‘ تھا اور وہاں اس کی کوئی ضرورت ہی نہیں تھی۔ جیسے ہم بہت اچھی مہندی لگاتے تھے، مگر وہاں کس کام کی؟ ہم کپڑوں پر اور کانچ پر بڑی اچھی پینٹنگ کرتے تھے، مگر یہ ہنر بھی وہاں بے کار تھا۔ گانا گانے کا شوق تھا۔ لکھتے بھی تھے، سونے سے پہلے کہانیاں پڑھنے کی عادت بھی تھی۔ زور سے قہقہہ مار کے ہنستے تھے اور بہت ہنستے تھے۔
بھلا ان چیزوں کی سسرال میں کیا ضرورت؟ وہاں تو ضرورت تھی ایک بہت ’پختہ ذہن عورت‘ کی جو ساس کے لیے مکمل خالص بہو ہو اور شوہر کے لیے خالص بیوی۔ یوں فقط 22 سال کی عمر ہی میں ہمیں احساس ہو گیا کہ جو سب سے اہم چیز تھی، وہ تو ہم لانا بھول گئے اور وہ چیز تھی 60 سالہ عورت کی پختگی! شوہر اور ساس کی رسّا کشی میں ایسا لگتا تھا کہ ہم یا تو دو پارٹوں میں پس رہے ہیں یا یہ ہمارے درمیان میں سے آری چلا کر کاٹا جا رہا ہے۔۔۔ جو سب کو خوش رکھنے کا سوچا تھا، وہ پلان تو سارا چوپٹ ہو گیا۔ نتیجہ نہ اچھی بہو پن پائے نہ اچھی بیوی۔۔۔!
خیر۔۔۔! وقت کی سب سے اچھی بات یہ ہوتی ہے کہ وہ گزر جاتا ہے۔ آج بہت دنوں کے بعد کچن کی الماری صاف کرتے ہوئے وہ پیالیاں سامنے آئیں، تو کانچ کی وہ پیالیاں بغیر استعمال ہوئے ہی اب پیلی سی پڑ رہی تھیں۔ کتنی یادیں انھیں دیکھ کر چڑیوں کی طرح سے ہماری پلکوں پر آ بیٹھیں۔ جنھیں جلدی سے پلکیں جھپک کر اڑانا پڑا۔ پھر ان پیالیوں کو اچھی طرح سے رگڑ کر دھویا، تو وہ بالکل نئے جیسی ہو گئیں۔ دل ایک دم جیسے اس چمک سے بھر گیا اور ایک بار پھر مسکراتے ہوئے وہ پیالیاں الماری میں بہت سنبھال کر رکھ دیں۔
’’اب جب بیٹی کو دیکھنے کے لیے لوگ آئیں گے ناں تب انھیں استعمال کروں گی۔ دیکھنے والے کہیں گے واہ کتنی سگھڑ اور سلیقہ مند خاتون ہیں۔‘‘
.ذریعہ: Express News
کلیدی لفظ: کے حساب سے چیز تھی کے لیے
پڑھیں:
فیلڈ مارشل عاصم منیر ایران کو بہت اچھی طرح اور دوسروں سے بہتر جانتے ہیں، امریکی صدر
امریکی صدر ڈونلڈ ٹرمپ نے کہا ہے کہ فیلڈ مارشل عاصم منیر ایران کو بہت اچھی طرح جانتے ہیں اور وہ موجودہ صورتحال سے خوش نہیں ہیں۔
امریکی صدر ڈونلڈ ٹرمپ اور پاکستان کے چیف آف آرمی اسٹاف فیلڈ مارشل سید عاصم منیر کی وائٹ ہاؤس، اوول آفس اور ظہرانے پر ملاقات ہوئی، جس میں کئی موضوعات پر اہم گفتگو ہوئی۔
ترجمان پاک فوج کے مطابق امریکا کی طرف سے ملاقات میں صدر ٹرمپ کے ساتھ سیکرٹری خارجہ مارکو روبیو اور خصوصی نمائندہ برائے مشرق وسطیٰ سٹیو ویٹکوف بھی موجود تھے۔ فیلڈ مارشل سید عاصم منیر کے ساتھ نیشنل سکیورٹی ایڈوائزر اس ملاقات میں شریک تھے ۔
فیلڈ مارشل نے پاکستان اور پاکستانی عوام کی جانب سے پاک بھارت کشیدگی کے بعد جنگ بندی میں مثبت اور نتیجہ خیز کردار ادا کرنے پر صدر ٹرمپ کا شکریہ ادا کیا ۔
آئی ایس پی آر کے مطابق انہوں نے صدر ٹرمپ کی اقوام عالم کو در پیش متعدد چیلنجز کو سمجھنے اور اُن سے نبرد آزما ہونے کی قائدانہ صلاحیتوں کی تعریف کی جب کہ صدر ٹرمپ نے پاکستان اور امریکا کے درمیان انسداد دہشت گردی کے حوالے سے جاری تعاون اور خطے میں پاکستان کی قیام امن کی کوششوں کو سراہا۔
اہم ملاقات میں دونوں ممالک کے مابین انسداد دہشت گردی میں تعاون کو جاری رکھنے پر اتفاق کیا گیا۔ صدر ٹرمپ نے پاکستان کے ساتھ باہمی مفاد پر قائم مثبت تجارت کے معاہدے کا اظہار کیا۔ علاوہ ازیں امریکا اور پاکستان کے درمیان معاشی و تجارتی تعاون، مائنز اینڈ منرلز، آرٹیفیشیل انٹیلیجینس، انرجی سیکٹر، کرپٹو کرنسی اور دیگر شعبوں میں تعاون بڑھانے پر بھی اتفاق ہوا۔
پاک فوج کے شعبہ تعلقات عامہ کے مطابق صدر ٹرمپ کے ساتھ فیلڈ مارشل کی ایران اسرائیل تنازع پر بھی تفصیلی گفتگو ہوئی۔ صدر ٹرمپ نے فیلڈ مارشل سید عاصم منیر کی قائدانہ اور فیصلہ کن صلاحیتوں کو سراہا۔
فیلڈ مارشل سید عاصم منیر نے صدر ٹرمپ کو حکومت پاکستان کی جانب سے دورۂ پاکستان کی دعوت بھی دی۔ پہلے سے طے شدہ ایک گھنٹہ دورانیہ کی یہ اہم ملاقات 2 گھنٹے تک جاری رہی۔
امریکی صدر ڈونلڈ ٹرمپ اور فیلڈ مارشل سید عاصم منیر کے درمیان ہونے والی یہ اہم ملاقات پاکستان اور امریکا کے درمیان دیرینہ شراکت داری کو مزید مضبوط بنانے کے لیے ایک اہم پیشرفت ہے، جس کی بنیاد مشترکہ مقاصد،امن، استحکام اور خوشحالی پر رکھی گئی ہے۔
فیلڈ مارشل عاصم منیر کے ساتھ لنچ اور ملاقات کے بعد صحافیوں سے گفتگو کے دوران جب ڈونلڈ ٹرمپ سے پوچھا گیا کہ کیا ان کی پاکستانی جنرل سے ایران کے حوالے سے کوئی بات ہوئی؟
غیر ملکی میڈیا کے مطابق اس پر جواب دیتے ہوئے امریکی صدر کا کہنا تھا ’وہ (فیلڈ مارشل) ایران کو بہت اچھی طرح جانتے ہیں، شاید دوسروں سے بہتر۔ اور وہ اس صورتحال سے خوش نہیں ہیں۔
امریکی صدر نے اپنی بات کو جاری رکھتے ہوئے مزید کہا کہ وہ ایران، اسرائیل دونوں کو جانتے ہیں، درحقیقت شاید وہ ایران کو زیادہ بہتر جانتے ہیں، لیکن وہ دیکھ رہے ہیں کہ کیا ہو رہا ہے‘۔
رپورٹ کے مطابق امریکی صدر نے مزید کہا کہ ’میں نے انھیں دعوت اس لیے دی کیونکہ میں ان کا شکریہ ادا کرنا چاہتا تھا کہ انھوں نے جنگ کی طرف قدم نہیں بڑھایا۔
قومی اسمبلی کا اجلاس 16 جون تک ملتوی