وزیر داخلہ کی قطر کے وزیراعظم سے ملاقات، پاک بھارت کشیدگی پر پاکستان کا مؤقف پیش
اشاعت کی تاریخ: 6th, May 2025 GMT
وزیر داخلہ کی قطر کے وزیراعظم سے ملاقات، پاک بھارت کشیدگی پر پاکستان کا مؤقف پیش WhatsAppFacebookTwitter 0 6 May, 2025 سب نیوز
وفاقی وزیر داخلہ محسن نقوی نے قطر کے وزیراعظم محمد بن عبدالرحمن الثانی سے ملاقات کی، جس میں انہوں نے خطے میں امن و استحکام، پاک بھارت کشیدگی اور حالیہ پہلگام واقعہ سے متعلق پاکستان کے اصولی اور واضح مؤقف سے آگاہ کیا۔
وزیر داخلہ محسن نقوی نے کہا کہ بھارت کی جانب سے پہلگام واقعے پر لگائے گئے الزامات بے بنیاد اور غیر ذمہ دارانہ ہیں، جو خطے کے امن کے لیے سنگین خطرہ بن سکتے ہیں۔ انہوں نے واضح کیا کہ پاکستان نے اس واقعے کی غیرجانبدارانہ تحقیقات کی پیشکش کی ہے، جو ہمارے مؤقف کی شفافیت اور اصولی پالیسی کو ظاہر کرتی ہے۔
محسن نقوی کا کہنا تھا کہ دنیا کو جاننا چاہیے کہ اس واقعے کے اصل ماسٹر مائنڈ کون ہیں اور اس سے فائدہ کس نے اٹھایا۔ انہوں نے کہا کہ بھارت نے اس واقعے کو بنیاد بنا کر سندھ طاس معاہدے پر وار کیا جو پاکستان کے لیے لائف لائن کی حیثیت رکھتا ہے۔ پاکستان خطے میں دیرپا امن کا خواہاں ہے، تاہم کسی قسم کی جارحیت پر خاموش نہیں رہا جا سکتا۔
قطر کے وزیراعظم محمد بن عبدالرحمن الثانی نے ملاقات کے دوران کہا کہ ان کی حکومت خطے میں کشیدگی کے خاتمے اور سفارتی ذرائع سے مسائل کے حل کی حامی ہے۔ انہوں نے امید ظاہر کی کہ سفارتی کوششوں سے موجودہ کشیدگی کم ہوگی۔
وزیراعظم قطر نے وزیر اعظم محمد شہباز شریف کے لیے نیک خواہشات کا پیغام بھیجا اور کہا کہ وہ پاکستان کی معیشت کو درست سمت میں لے جانے کے لیے محنت کر رہے ہیں۔ ملاقات میں قطر میں پاکستانی سفیر محمد عامر اور اعلیٰ حکام بھی موجود تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایف بی آر کے غیرمنصفانہ ایس آر او اور پوائنٹ آف سیل انضمام کے خلاف نجی تعلیمی اداروں کی اپیل منظور ایف بی آر کے غیرمنصفانہ ایس آر او اور پوائنٹ آف سیل انضمام کے خلاف نجی تعلیمی اداروں کی اپیل منظور مسلم لیگ ق کے انٹرا پارٹی الیکشن تسلیم کر لیے گئے عالمی برادری اور اقوام متحدہ پاک بھارت کشیدگی ختم کروائے،اکرم گِل پاکستان دہشت گرد نہیں، خود دہشت گردی کا شکار رہا ہے، بلاول بھٹو قومی اسمبلی اجلاس؛ بھارتی جارحیت کا منہ توڑ جواب دینےکےلئے پورا ایوان یک زبان ایڈیشنل ڈی جی کی حسن ابدال میں دبنگ کارروائیاں، 6 لاکھ 50 ہزار کے جرمانے عائدCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: پاک بھارت کشیدگی قطر کے وزیراعظم وزیر داخلہ
پڑھیں:
پاک امریکا تعلقات میں نئی پیش رفت
فیلڈ مارشل سید عاصم منیر نے وائٹ ہاؤس میں امریکی صدر ڈونلڈ ٹرمپ سے ملاقات کی، پاک فوج کے سربراہ نے دوران ملاقات امریکی صدر کو پاک بھارت جنگ کے حوالے سے آگاہ کیا جب کہ پاک، امریکا تعلقات، ایران اسرائیل جنگ پر بھی تبادلہ خیال ہوا۔ ملاقات کے بعد میڈیا سے گفتگو کرتے ہوئے امریکا کے صدر ڈونلڈ ٹرمپ نے کہا کہ پاکستان اور بھارت دونوں جوہری طاقتیں ہیں، فیلڈ مارشل کو جنگ روکنے پر شکریہ ادا کرنے کے لیے مدعو کیا تھا۔ پاکستان اور بھارت سے دونوں سے تجارتی معاہدے پر بات چیت ہورہی ہے۔
پاک فوج کے سربراہ فیلڈ مارشل جنرل سید عاصم منیر اور امریکا کے صدر ڈونلڈ ٹرمپ کے درمیان ہونے والی ملاقات دونوں ملکوں کے باہمی تعلقات کی تاریخ کا ایک اہم مرحلہ ہے، اس ملاقات کے دونوں ملکوں کے باہمی تعلقات پر گہرے اثرات مرتب ہو سکتے ہیں۔ اس کے پسِ پردہ عوامل اور آیندہ ممکنہ نتائج کو نظر انداز نہیں کیا جا سکتا، کیونکہ یہ ایک بڑے اسٹرٹیجک بیانیے کا پیش خیمہ ہے جس میں پاکستان کی خارجہ پالیسی، سفارتی تعلقات اور خطے کی جغرافیائی سیاست کے کئی پہلو شامل ہیں۔
پاکستان اور بھارت کے درمیان حالیہ کشیدگی کے پس منظر میں، جس میں دونوں ممالک کے درمیان سرحدی جھڑپیں اور ڈرون حملے شامل تھے، امریکا کا ثالثی کردار ایک اہم پیش رفت کے طور پر سامنے آیا۔ صدر ڈونلڈ ٹرمپ کی جانب سے فیلڈ مارشل سید عاصم منیر کو اس بحران کو ٹھنڈا کرنے میں کردار ادا کرنے پر خراج تحسین پیش کرنا غیر معمولی بات تھی۔ اس کے ساتھ ہی بھارت کو بھی سراہنا اور امن کے لیے اس کی کوششوں کو سراہنا ایک متوازن سفارتی پیغام تھا، یہ بھی پیغام دیا گیا کہ پاکستان کی عسکری قیادت کو امریکا ایک کلیدی شراکت دار کے طور پر دیکھتا ہے۔ یہی عنصر اس ملاقات کو زیادہ اہم اور اثر انگیز بناتا ہے۔
اس ملاقات کے اقتصادی پہلو بھی انتہائی اہم ہیں۔ اسپیشل انویسٹمنٹ فسیلیٹیشن کونسل (SIFC) کا قیام اس بات کا مظہر ہے کہ پاک فوج پاکستان کی اقتصادی بحالی میں بھی اہم کردار ادا کر رہی ہے۔ امریکا کے ساتھ بڑھتی ہوئی قربت سے معدنیات، ٹیکنالوجی اور ڈیجیٹل فنانس کے شعبوں میں سرمایہ کاری کے امکانات کھل رہے ہیں۔ خاص طور پر کرپٹو منصوبے پاکستان کے لیے ایک نئی راہ ہموارکر سکتے ہیں، اگر ان منصوبوں میں شفافیت اور قانونی تقاضے پورے کیے گئے تو یہ پاکستان کو ڈیجیٹل معیشت میں ایک اہم ملک بنا سکتے ہیں۔
انسداد دہشت گردی میں امریکی حمایت اور ٹیکنالوجی کا اشتراک پاکستان کی عسکری صلاحیتوں کو بڑھا سکتا ہے۔ خاص طور پر افغانستان اور ایران کی سرحدوں پر بڑھتی ہوئی کشیدگی اور داعش خراسان جیسی تنظیموں کے پھیلاؤ کے تناظر میں امریکا کے ساتھ انٹیلیجنس اشتراک بہت اہمیت رکھتا ہے۔ بھارت کی جانب سے اس ملاقات پر تحفظات کا اظہار بھی متوقع ہے۔ بھارت ہمیشہ سے پاکستان کو امریکی پالیسی میں حاشیے پر رکھنے کی کوشش کرتا رہا ہے اور امریکا کے پاکستان سے براہِ راست فوجی سطح پر رابطے بھارت کے لیے باعث تشویش ہو سکتے ہیں۔
پاکستان کو اس موقع سے فائدہ اٹھاتے ہوئے اپنی اقتصادی اصلاحات کو تیز کرنا چاہیے، اگر امریکا کے ساتھ تعلقات معاشی ترقی، روزگار، تعلیم اور ٹیکنالوجی کی منتقلی جیسے شعبوں میں فائدہ دے سکتے ہیں تو ان کے لیے راہیں ہموار کی جائیں۔صدر ڈونلڈ ٹرمپ اور فیلڈ مارشل سید عاصم منیر کے درمیان ملاقات پاکستان کو بین الاقوامی منظر نامے پر دوبارہ نمایاں کررہی ہے۔
یہ ایک موقع ہے کہ پاکستان خود کو ایک فعال، متوازن اور ذمے دار عالمی طاقت کے طور پر پیش کرے۔ پاکستان کے لیے اب وقت ہے کہ وہ ان بین الاقوامی رابطوں کو قومی ترقی، خارجہ پالیسی کی بحالی اور خطے میں امن کے فروغ کے لیے استعمال کرے۔ اگر ہم نے ہوشیاری، دور اندیشی اور قومی اتفاق رائے کے ساتھ قدم اٹھائے تو یہ ملاقات ہماری تاریخ کا ایک اہم موڑ ثابت ہو سکتی ہے۔
اسرائیل کھلم کھلا دہشت گردی پر اتر آیا ‘مولانافضل الرحمن