حجاج کرام ضابطہ اخلاق کی پابندی کریں
اشاعت کی تاریخ: 6th, May 2025 GMT
اسلام آباد (اُردو پوائنٹ اخبارتازہ ترین - این این آئی۔ 06 مئی2025ء)حجاج کرام کی خدمت ہمارا مشن ہے ، حج کے انتظامات کو حتمی شکل دینے کیلئے سردار محمد یوسف (کل )بدھ کو سعودی عرب روانہ ہوں گے ، چیئرمین پاکستان علماء کونسل و سیکرٹری جنرل انٹرنیشنل تعظیم حرمین شریفین کونسل حافظ محمد طاہر محمود اشرفی کی وفاقی وزیر مذہبی امور و بین المذاہب ہم آہنگی سردار محمد یوسف سے ملاقات ، حج کے ا نتظامات ، پرائیویٹ حجاج کے حوالہ سے مسائل اور دیگر اہم امور پر تبادلہ خیال کیا گیا ، وفاقی وزیر مذہبی امور و بین المذاہب ہم آہنگی سردار محمد یوسف نے کہا کہ حجاج کرام کی خدمت ہمارا مشن ہے ، پرائیویٹ حجاج کے معاملہ میں ہر ممکن کوشش کر رہے ہیں اور کی ہے، ہم چاہتے ہیں کہ پاکستان کا ایک حاجی بھی حج سے باہر نہ ہو لیکن 22 دسمبر کا معاہدہ اور اس کے بعد کی صورتحال کی وجہ سے مصائب اور مشکلات پیدا ہوئی ہیں، سعودی عرب میں جانے والے ہر پاکستانی اور حاجی و زائر کو سعودی عرب کے قوانین پر مکمل عمل کرنا چاہیے اور کسی بھی صورت حج و عمرہ سعودی عرب کے ضابطوں اور وزارت داخلہ سعودی عرب کے قوانین کی خلاف ورزی نہیں کرنی چاہیے۔
(جاری ہے)
انہوں نے کہا کہ مذہبی سیاحت عالمی سطح پر اہمیت اختیار کر چکی ہے اس سے پاکستان کو بھی استفادہ کرنا چاہیے۔ چیئرمین پاکستان علماء کونسل و سیکرٹری جنرل انٹرنیشنل تعظیم حرمین شریفین کونسل حافظ محمد طاہر محمود اشرفی نے کہا کہ حج کے امور کے حوالہ سے وزارت مذہبی امور کی کوششیں قابل تحسین ہیں ، حج کے امور اور دیگر معاملات میں پاکستان کے علماء و مشائخ کا تعاون ہمیشہ وزارت کے ساتھ رہا ہے اور رہے گا۔ انہوں نے کہا کہ مذہبی سیاحت کے فروغ کیلئے وزارت مذہبی امور کا اہم کردار ہے اور اس حوالہ سے مختلف عرب اسلامی ممالک کے ساتھ انٹرنیشنل ریلیجئس ٹورازم کونسل روابط کو بڑھا رہی ہے اور حج کے بعد عالمی مذہبی سیاحت کانفرنس اسلام آباد میں ہو گی۔.ذریعہ: UrduPoint
کلیدی لفظ: تلاش کیجئے حج کے ا
پڑھیں:
ٹرمپ 13 مئی کو سعودی عرب کا دورہ کریں گے، 6 خلیجی ممالک سربراہان سے ملاقات بھی متوقع
امریکی صدر ڈونلڈ ٹرمپ رواں ماہ کے آخر میں ریاض کے دورے کے دوران 6 خلیجی ممالک کے سربراہان سے ملاقات کریں گے۔
یہ بھی پڑھیں: 163 ارب ڈالر کا بجٹ کٹوتی پلان: تعلیم، صحت اور ہاؤسنگ ٹرمپ کے نشانے پر
اے ایف پی کے مطابق صدر ٹرمپ کا 13 سے 16 مئی تک سعودی عرب، قطر اور متحدہ عرب امارات کا دورہ ان کی دوسری مدت کا پہلا غیر ملکی دورہ ہوگا۔ تاہم انہوں نے پوپ فرانسس کی آخری رسومات کے لیے روم کے مختصر دورہ کیا تھا۔
امریکی صدر کے ریاض میں خلیج تعاون کونسل (جی سی سی) کے رہنماؤں سے ملاقات کا مقصد سیاسی اور اقتصادی تعاون کو تقویت دینا ہے۔
خبر رساں ایجنسی کے مطابق فی الحال سربراہی اجلاس میں دیگر عرب ممالک کے رہنماؤں کو مدعو کرنے کا کوئی منصوبہ نہیں ہے لیکن اس میں تبدیلی ہو سکتی ہے۔ اس دورے سے قبل امریکا نے جمعے کو سعودی عرب کو 3.5 بلین ڈالر کے میزائلوں کی فروخت کی منظوری دی تھی۔
مزید پڑھیے: نہیں معلوم مجھے آئین کی پاسداری کرنی چاہیے یا نہیں، ڈونلڈ ٹرمپ
ریاض کا دورہ امریکا اور ایران کے درمیان ایران کے جوہری پروگرام پر بالواسطہ مذاکرات شروع ہونے کے بعد کیا جا رہا ہے۔
مزید پڑھیں: ایران سے تیل خریدنے والے ملک پر پابندیاں لگائیں گے، ٹرمپ نے خبردار کردیا
امریکی صدر، جنہوں نے سنہ 2018 میں پہلے کے جوہری معاہدے کو توڑ دیا تھا، نے خدشات کو دور کرنے اور ایران پر اسرائیلی فوجی حملے کے امکان کو روکنے کے لیے ایک نئے معاہدے کے حوالے سے پرامید ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرمپ کا دورہ سعودی عرب ٹرمپ کی خلیجی سربراہان سے ملاقات ڈونلڈ ٹرمپ
عدالتی حکم کے باوجود عمران خان سے بہنوں، رہنماؤں اور وکلا کی ملاقات آج بھی نہ ہوسکی