بھارت بغیر جنگ کئے پاکستان سے ہار چکا:بھارتی تجزیہ کار
اشاعت کی تاریخ: 6th, May 2025 GMT
اسلام آباد(ڈیلی پاکستان آن لائن )پہلگام فالس فلیگ کے بعد مودی کے خلاف بھارت سے تنقیدی آوازیں اٹھنا شروع ہوگئیں، بھارتی تجزیہ کار کا کہنا ہے کہ اقوام متحدہ اجلاس کے بعد بھارت کو بغیر جنگ کے پاکستان سے شکست ہوچکی۔
نجی ٹی وی ایکسپریس نیوز کے مطابق مودی سرکار کو آئینہ دکھاتے ہوئے بھارتی تجزیہ کار نے کہا کہ ”آج پوری دنیا پاکستان کے ساتھ کھڑی نظر آتی ہے“۔
ویڈیو پیغام میں بھارتی تجزیہ کار نے کہا کہ اقوامِ متحدہ اجلاس میں کمال کی بات تو یہ ہے کہ 5 ویٹو پاور بھی پاکستان کے ساتھ ہیں۔ وہ برطانیہ، وہ فرانس جس سے ہم رافیل خریدتے ہیں، وہ امریکا جس سے ہم نے ہزاروں کروڑ کے کا اسلحہ خریدا، وہ بھی پاکستان کے ساتھ، صرف یہی نہیں روس جو ہمارا دیرینہ دوست ہے اور چین بھی پاکستان کا ساتھ دے رہا ہے۔
تجزیہ کار کا کہنا تھا کہ گزشتہ ہفتے اقوام متحدہ کے سلامتی کونسل کے اجلاس میں جب پاکستان نے کہا کہ ” ٹی آر ایف اور پاکستان کا نام نہیں آئے گا تو کسی کی بھی ”پی فائیو ملک“ کی ہمت نہ ہوئی کچھ کہنے کی اور سب ہی پی فائیو ممالک نے کہا ہٹا دو۔ ان سب باتوں سے سب پی فائیو ممالک کا چہرہ سامنے آگیا نا!
بھارتی تجزیہ کار نے کہا کہ وہ فرانس جس نے ہمیں ہتھیار بیچے، رافیل بیچا، وہ بھی ا±س پاکستان کا ساتھ دے رہا ہے جبکہ امریکا بھی، برطانیہ بھی، روس بھی اور چین تو پہلے ہی پاکستان کے ساتھ ہے، تو آخرکار پاکستان اقوام متحدہ میں بھی کامیاب ہوگیا جبکہ ہمیں وہاں بھی پچھاڑا گیا۔
بھارتی تجزیہ کار کے مطابق اب تو ہر طرف سے یعنی سعودی ہو، قطر ہو، یورپی یونین ہو، امریکا ہو، کینیڈا ہو، جاپان ہو، روس ہو اور چین سے بھارت پر دباﺅ ڈالا جا رہاہے کہ جنگ مت کرو، سب کہہ رہے ہیں
جنگ مت کرو، میں بچانے آ رہا ہوں۔ ایران بھی کہتا ہے جنگ مت کرو۔
انہوں نے کہا کہ ہم ہر گزرتے دن کے ساتھ سفارتی طور پر کمزور پڑتے جا رہے ہیں لیکن لگتا ہے کہ بھارت حکومت کی حکمت عملی یہی ہے کہ ”جنگ کرنی ہی نہیں“ لیکن اس جنگ میں پسے گی تو بھارتی عوام اور عوام تو پس رہی ہے، دوسروں کے سہارے آپ اوپر نہیں جا سکتے، آپ کو اپنی لاش اپنے ہی کندھوں پر اٹھانی پڑے گی، وہ چاہے اس جنگ میں ہو یا کسی اور جنگ میں۔
واضح رہے کہ پاکستان اقوام متحدہ کی سلامتی کونسل کے خصوصی اجلاس میں بھارت کا گھناو¿نا چہرہ بے نقاب کر چکا ہے، خصوصی اجلاس میں پاکستان نے پہلگام حملے میں ملوث ہونے کا بھارتی الزام سختی مسترد کر دیا۔
غزہ کے 20 لاکھ افراد کی جبری منتقلی کی تیاری؟ اسرائیل نے خطرناک منصوبہ بنالیا
مزید :.ذریعہ: Daily Pakistan
کلیدی لفظ: بھارتی تجزیہ کار پاکستان کے ساتھ اقوام متحدہ اجلاس میں نے کہا کہ
پڑھیں:
بھارت کی پاکستان کیخلاف ایک اور کارروائی بے نقاب، جاسوسی کرنیوالا ملاح گرفتار‘ فورسز کی وردیاں بھی برآمد
data-id="863a0a8" data-element_type="widget" data-widget_type="theme-post-content.default">
251102-01-27
اسلام آباد (مانیٹرنگ ڈیسک /آن لائن) بھارت کی پاکستان کے خلاف ایک اور کارروائی بے نقاب ہوگئی، جاسوسی کرنے والا ملاح گرفتار کرلیا گیا‘ فورسز کی وردیاں بھی برآمد بھی ہوئیں‘وفاقی وزرا کا کہنا ہے کہ ’’را‘‘نے پاکستانی مچھیرے کو پیسوں کا لالچ دے کر اپنے لیے کام کرنے پر آمادہ کیا۔ وزیراطلاعات عطا محمد تارڑ اور وزیر مملکت برائے داخلہ طلال چودھری نے مشترکہ پریس کانفرنس کرتے ہوئے پاکستانی اداروں کی جانب سے بھارتی سازش کو بے نقاب کرنے کی تفصیلات شیئر کیں اور بھارت کے لیے جاسوسی کرنے والے جاسوس ملاح کی وڈیو بھی نشر کی۔وزیر اطلاعات عطا تارڑ نے بتایا کہ آپریشن سندور کی ناکامی کے بعد بھارت نے جھوٹی مہمات شروع کیں، بھارت نے اعجاز ملاح نامی مچھیرے کو گرفتار کیا، بھارت نے اعجاز نامی ملاح کو گرفتار کرکے اسے نامعلوم مقام پر منتقل کیا اور پھر بھارتی خفیہ ایجنسی نے اعجاز کو اپنے لیے کام کرنے پر آمادہ کیا۔ عطا تارڑ نے بتایا کہ بھارت نے اعجاز ملاح کو آرمی، نیوی اوررینجرز کی وردیاں خریدنے کی ہدایت کی، جب اعجاز ملاح یہ وردیاں خرید رہا تھا تو پاکستانی ایجنسیوں نے اس کی نگرانی شروع کر دی، اعجاز ملاح کو بھارت جاتے ہوئے گرفتارکیا گیا۔وزیر اطلاعات نے پریس کانفرنس کے دوران بھارت کے لیے جاسوسی کرنے والے اعجاز ملاح کی وڈیو بھی نشر کی جس میں اس نے اعتراف کیا کہ بھارتی ایجنسیوں نے مجھے سمندر سے گرفتار کیا، بھارتی ایجنسیوں نے کہا کہ اگر ہمارے لیے کام نہ کیا تو جیل میں رہو گے۔اعجاز ملاح نے اپنے اعترافی ویڈیو بیان میں بتایا کہ بھارتی ایجنسی نے مجھے فوج کی وردیاں، موبائل سمز اور فون بلز وغیرہ لانے کی ہدایت دی، اس کے علاوہ 50 اور 100 روپے کے پرانے کرنسی نوٹ لانے کا بھی کہا گیا، میں نے سارا سامان اکٹھا کیا جس کی ایک تصویر بھارتی ایجنسی کے افسر اشوک کمار کو بھیج دی اور پھر میں اکتوبر کے مہینے میں دریا کی طرف نکل گیا لیکن مجھے راستے میں ہی پاکستانی سیکورٹی اداروں نے پکڑ لیا۔وفاقی وزیر اطلاعات نے کہا کہ اعجاز ملاح کی گرفتاری اس بات کا واضح ثبوت ہے کہ پاکستانی سیکورٹی ادارے اور انٹیلی جنس ایجنسیاں ملکی سرحدوں کے دفاع اور تحفظ کے لیے مکمل طور پر چوکنا ہیں۔ان کا کہنا ہے کہ بھارت نے گجرات اور کَچھ کے قریب فوجی مشقوں کی آڑ میں مذموم سرگرمیاں شروع کیں، بھارتی مشقوں کا مقصد پاکستان کے خلاف پروپیگنڈا اور تخریبی کارروائیاں تھا، بھارت نے فوجی مشقوں کو پاکستان مخالف پروپیگنڈا مہم سے جوڑنے کی کوشش کی، سیکورٹی اداروں نے بھارتی خفیہ ایجنسی کی سازش ناکام بنائی۔عطا تارڑ کا کہنا تھا بھارت کے جھوٹے بیانیے اور من گھڑت دعوے دنیا کے سامنے بے نقاب ہوگئے، پاکستان نے عالمی برادری کے سامنے بھارتی سازش کو بے نقاب کر دیا اس معاملے کوعالمی سطح پر بھی اٹھایا جائے گا،افغان وزیر خارجہ نے بھارت میں بیٹھ کر کشمیر سے متعلق بیان دیا، یہ نہ تین میں ہیں نہ تیرا میں۔وزیر مملکت برائے داخلہ طلال چودھری نے کہا کہ پہلے آپریشن سندور تھا اب یہ آپریشن پروپیگنڈا ہے ، پاکستانی میڈیا نے عالمی سطح پر اپنی ساکھ کی جنگ جیتی، یہ پہلی بار نہیں ہے، پہلے پہلگام میں چینی سیٹلائیٹ فون برآمد کرنے کا کہا گیا۔ بھارتی ہینڈلر کے اعجاز ملاح کے ساتھ فون کی آڈیو میسجز بھی پریس کانفرنس کے دوران چلائے گئے۔
اسلام آباد: وفاقی وزیر اطلاعات عطا تارڑ اور وزیر مملکت برائے داخلہ طلال چودھری پریس کانفرنس کر رہے ہیں
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف