مچھ، سکیورٹی فورسز کی گاڑی پر دھماکہ، 7 اہلکار جانبحق
اشاعت کی تاریخ: 6th, May 2025 GMT
آئی ایس پی آر کے مطابق علاقے میں موجود دہشتگردی کو ختم کرنے کیلیے آپریشن جاری ہے اور یہ آئی ای ڈی کالعدم تنظیم نے نصب کر رکھی تھی۔ اسلام ٹائمز۔ فورسز کی گاڑی بلوچستان میں مچھ کے علاقے میں آئی ای ڈی سے ٹکرا گئی جس کے نتیجے میں سات جوان جانبحق ہو گئے ہیں۔ آئی ایس پی آر کے مطابق علاقے میں موجود دہشتگردی کو ختم کرنے کے لیے آپریشن جاری ہے اور یہ آئی ای ڈی کالعدم تنظیم نے نصب کر رکھی تھی۔ جانبحق ہونے والوں میں صوبیدار عمر فاروق، نائیک آصف خان، نائیک مشکور علی، سپاہی طارق نواز، سپاہی واجد احمد، سپاہی محمد عاصم اور سپاہی محمد کاشف خان شامل ہیں۔ آئی ایس پی آر کا کہنا ہے کہ اس گھناؤنے اور بزدلانہ فعل کے مرتکب افراد کو انصاف کے کٹہرے میں لایا جائے گا اور بلوچستان کی ترقی کو سبوتاژ کرنے کی کوششوں کو ناکام بنا دیا جائے گا۔ جاری بیان میں کہا گیا ہے کہ پاکستان سیکیورٹی فورسز قوم کے شانہ بشانہ بلوچستان کے امن اور استحکام کے لیے پر عزم ہیں۔ بہادر نوجوانوں کی قربانیاں ہمارے عزم کو مزید تقویت دیتی ہیں۔ ترجمان آئی ایس پی آر نے کہا کہ پاکستانی سرزمین پر بھارت اور اس کی پراکسیز کے مذموم عزائم کو شکست دیں گے۔
.ذریعہ: Islam Times
کلیدی لفظ: ا ئی ایس پی ا ر
پڑھیں:
بنوں میں ڈی پی او شمالی وزیرستان کی گاڑی پر فائرنگ، 6 پولیس اہلکار زخمی
میرانشاہ روڈ پر ممش خیل کے قریب نامعلوم مسلح افراد نے ڈی پی او شمالی وزیرستان کی گاڑی پر فائرنگ کردی۔ پولیس کے مطابق ڈی پی او فائرنگ کے واقعے میں محفوظ رہے تاہم شمالی وزیرستان پولیس کے 6 اہلکار زخمی ہوگئے۔
مزید پڑھیں: بنوں میں خفیہ اطلاع پر مبنی کامیاب آپریشن، خوارج کے 2 اہم کمانڈر ہلاک
زخمی اہلکاروں کو فوری طور پر بنوں ڈی ایچ کیو اسپتال منتقل کردیا گیا ہے جہاں انہیں طبی امداد فراہم کی جا رہی ہے۔
پولیس کا کہنا ہے کہ حملہ آور فائرنگ کے بعد قریبی علاقوں میں فرار ہو گئے، جن کی تلاش کے لیے سرچ آپریشن شروع کر دیا گیا ہے۔
مزید پڑھیں: عمران خان بھی کہیں تو وہ دوبارہ وزیراعلیٰ نہیں بنوں گا، علی امین گنڈا پور
واقعے کے بعد علاقے میں سیکیورٹی مزید سخت کر دی گئی ہے اور اضافی نفری تعینات کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنوں بنوں ڈی ایچ کیو اسپتال ڈی پی او شمالی وزیرستان ممش خیل میرانشاہ روڈ
کراچی، نادرن بائی پاس پر پلاسٹک کے گودام میں آگ لگ گئی