برنس روڈ کی گلیوں میں چھینا جھپٹی کی وارداتیں بڑھ گئیں
اشاعت کی تاریخ: 6th, May 2025 GMT
سورج ڈھلتے ہی سندھ سیکریٹریٹ کی پچھلی گلیوں میں راہگیروں سے لوٹ مار معمول بن گیا
آرام باغ پولیس لوٹ مار کی وارداتیں روکنے میں ناکام ،علاقہ مکینوں میں اشتعال پھیلنے لگا
کراچی کے قدیم علاقے برنس روڈ پر مسلح افراد کی لوٹ مارکے واقعات میں تشویشناک اضافہ ہوگیا ،سورج غروب ہوتے ہی سندھ سیکریٹریٹ کی عقبی گلیوں میں جہاں شام کو آمد و رفت نسبتا کم ہو جاتی ہے مسلح لیٹرے سرگرم ہو جاتے ہیں گزشتہ شب موٹر سائیکل سوار فیملی سمیت نصف درجن سے زائد افراد سے رقم موبائل فونز اور دوسرا سامان گن پوائنٹ پر لوٹ لیا گیا علاقہ مکینوں کے مطابق مسلح ملزمان لوٹ مارکے بعد باآسانی فرار ہو جاتے ہیں برنس روڈ کی جن گلیوں میں لوٹ مارکے واقعات بڑھ گئے ہیں وہ تھانہ آرام باغ کی حدود میں آتے ہیں پولیس لوگوں کو لوٹ مار سے بچانے میں ناکام ہو گئی ہے جس پر علاقہ مکینوں میں اشتعال پایا جاتا ہے انھوں نے آئی جی سندھ پولیس سے درخواست کی ہے کہ علاقے میں بڑھتی ہوئی وارداتوں کا نوٹس لیا جائے اور آرام باغ پولیس کو ملزمان کو فوری گرفتار کر نے کے احکامات جاری کیے جائیں ورنہ علاقے کے لوگ احتجاج کرنے پر مجبور ہو جائینگے
.
ذریعہ
ذریعہ: Juraat
کلیدی لفظ: گلیوں میں
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ