بھارت نے پاکستان کے خلاف آپریشن کو ” آپریشن سندور” نام کیوں دیا؟ جانیے
اشاعت کی تاریخ: 7th, May 2025 GMT
بھارت نے چھ اور سات مئی کی درمیانی شب پاکستان اپنی فضائی حدود میں رہتے ہوئے پاکستان پر حملہ کیا جس دوران اپنے کئی طیارے بھی تباہ کروا بیٹھے ہیں ، اس آپریشن کو بھارت نے ” آپریشن سندور” کا نام دے رکھا تھا اور اب یہ نام دے جانے کی وجہ بھی سامنے آگئی۔
ہندوستان ٹائمز نے ذرائع کے حوالے سے بتایا کہ ’آپریشن سندور‘ کا نام اس سرخ سندور کا حوالہ ہے جو بہت سی ہندو خواتین اپنی شادی شدہ حیثیت کی نشاندہی کے لیے اپنے بالوں میں لگاتی ہیں، پہلگام دہشت گردانہ حملے کے دوران کئی خواتین نے اپنے شوہروں کو کھو دیا تھا جنہیں ان کے سامنے مار دیا گیا”۔
ذرائع نے مزید کہا کہ ’’آپریشن سندور‘‘ کا نام پہلگام قتل عام کے متاثرین اور زندہ بچ جانے والوں کو اس بات کی یقین دہانی کرانا ہے کہ ان کی قربانیوں کو یاد رکھا جائےگا۔
یادرہے کہ مقبوضہ کشمیر کے علاقے پہلگام میں ہونے والے حملے میں درجنوں افراد اپنی جان سے ہاتھ دھو بیٹھے تھے اور اس واقعے کو بنیاد بنا کر بھارتی فوج نے مقبوضہ کشمیر میں مظالم کا ایک نیا سلسلہ شروع کردیا جبکہ بھارت کے اندر سے ہی اس حملے پر سوالات اٹھنا شروع ہوگئے تھے ، کئی لوگوں نے اسے سیکیورٹی ناکامی قرار دیا تھا تو کسی نے بہار کا الیکشن جیتنے کے لیے مودی سرکار کا ہتھکنڈا قرار دیا تھا ، صحافی بھی یہ سوالات اٹھاتے دکھائی دیے تھے کہ ایک ایسا علاقہ جہاں جانے کے لیے ایک عام آدمی کی 10 جگہوں پر چیکنگ ہوتی ہے، شدت پسند کیسے اسلحہ سمیت حساس علاقے میں پہنچ کر واردات کرنے میں کامیاب ہوگئے ہیں۔
.ذریعہ: Daily Ausaf
پڑھیں:
پاکستان نے بھارت کے سندور کا تندور بنا دیا، حنیف عباسی
اسلام آباد(ڈیلی پاکستان آن لائن)وزیر ریلوے حنیف عباسی کا کہنا ہے کہ پاکستان نے بھارت کے سندور کا تندور بنا دیا ہے، دشمن نے دراندازی ہمیشہ رات کی تاریکی میں کی۔
نجی ٹی وی چینل اے آر وائی نیوز کے مطابق حنیف عباسی نے میڈیا سے گفتگو میں کہا کہ بھارت کو پاکستان آنے کی جرأت نہیں ہوئی اس نے پاکستانی حدود کے باہر سے مساجد اور سویلین پر حملے کیے، اس نے جو کچھ کیا یہ عالمی دہشتگردی کا سب سے بڑا واقعہ ہے۔
وزیر ریلوے نے کہا کہ پاکستان نے بھارت کے 6 طیاروں کو مار گرایا، رافیل طیارے ریت کے ٹیلے ثابت ہوئے، بھارت میں آج صف ماتم بچھ گیا ان کی قوم مودی پر تھو تھو کر رہی ہے، شاہینوں نے دنیا کو دکھا دیا ہماری ایئر فورس دنیا کی بہترین ایئر فورس ہے، پوری قوم کی جانب سے شاہینوں کو مبارک باد دیتا ہوں۔
اسلام آباد ہائیکورٹ کا لاپتہ افراد کمیشن کے چیئرمین کی تعیناتی 4 ہفتے میں کرنے کا حکم
انہوں نے کہا کہ ہمارا ایک جوان شہید ہوا تو ہم گھس کر 100 ماریں گے، ایل او سی کے جوانوں کو سلام پیش کرتے ہیں جنہوں نے بھارت کو اڑا کر رکھ دیا، بھارت بالی ووڈ کا کردار ادا کر کے فلم بنانے کی کوشش کر رہا تھا، مودی نے سفید جھنڈا لگا کر شکست کا اعتراف کر لیا لیکن ہم چھوڑیں گے نہیں۔
ان کاکہناتھا کہ’بھارت کو بار بار پہلگام واقعے کی آزادانہ تحقیقات کا کہا، سوشل میڈیا پر بھارتی عوام کہہ رہے ہیں مودی نے بہار الیکشن کی وجہ سے دہشتگردی کی، پہلگام میں جو سیاح مارے گئے اس کے پیچھے مودی سرکار ہے، آپ کو سندور کا بہت شوق ہے پہلے بھی آپ کی مانگوں میں سندور بھرے ہیں، ہم نے ابھی کچھ کیا ہی نہیں صرف ٹریلر دکھایا ہے۔‘
کیا واقعی پاکستان نے بھارت کے 5 طیارے گرائے ہیں؟ بھارتی حکام کا جواب دینے سے گریز
حنیف عباسی نے مزید کہا کہ بھارت نے غلطی کی ہم نے اپنا دفاع کیا ہے، بھارت پانی بند کرے گا تو وہاں وہاں ماریں گے کہ یاد کرو گے۔
مزید :
پیدائش، وفات اور ازدواجی حیثیت میں تبدیلی کے آن لائن اندراج کی نادرا موبائل ایپ تیار