گھر میں تعمیراتی کام کرنے والے مزدور ڈیڑھ کروڑ کے زیورات لوٹ کر فرار
اشاعت کی تاریخ: 8th, May 2025 GMT
کراچی:
ناظم آباد 4 نمبر میں گھر میں چوری کی بڑی واردات ہوئی، جس میں بدھ کے روز تعمیراتی کام کرنے والے مزدور ڈیڑھ کروڑ روپے مالیت کے طلائی زیورات لوٹ کرفرار ہوگئے ۔
بعد ازاں پولیس نے چند گھنٹوں کی تحقیقات کے بعد چھاپا مار کارروائی کرتے ہوئے ملزمان کو گرفتار کرلیا اور طلائی زیورات برآمد کر کے واردات میں ملوث مرکزی ملزم سمیت 5 مزدوروں کو گرفتار کرلیا۔
ایس ایچ او ناظم آباد انسپکٹر امجد کیانی نے بتایا کہ ملزمان نے امداد اللہ نامی شخص کے مکان نمبر 4D/36 میں کام کے دوران مچان پر رکھے 45 تولہ کے طلائی زیورات چوری کیے اور شام 7 بجے اپنا کام مکمل کر کے فرار ہوگئے ۔
گھر والوں نے صفائی کے دوران چیک کیا تو طلائی زیورات غائب تھے جس پر فوری طور پر مددگار 15 کو اطلاع دی ۔
ناظم آباد تھانے کی پولیس موقع پر پہنچی اور مکمل تحقیقات کے بعد ناظم آباد نمبر 4 میں ایک ڈیرے پر چھاپا مار کر 5 ملزمان کو گرفتار کرکے ایک ملزم کے صندوق سے سے چوری کیے گئے طلائی زیورات برآمد کر لیے ۔
گرفتار ملزمان میں حماد ولد خائستہ خان ، ادریس ولد جان محمد ، وحید اللہ ولد حمید خان نعیم اللہ ولد فضل الرحمان اور اس کا بھائی یاسین شامل ہیں۔ 4 ملزمان کا کہنا تھا کہ وحید اللہ نے زیورات چوری کیے تھے، جس کے بارے میں دیگر کسی مزدور کو نہیں بتایا تھا ۔ان کا کہنا تھا کہ انہیں چوری کے بارے میں تھانے آکر پتا چلا۔
گرفتار ملزم وحید اللہ کا کہنا تھا کہ اسے نہیں پتا تھا کہ یہ سونے کے زیورات ہیں، تاہم اس نے چوری کی تصدیق کرتے ہوئے کہا کہ یہ چوری اس نے نہیں کی کسی اور مزدور نے اس کے صندوق میں چوری کا سامان رکھا تھا ۔
پولیس کے مطابق پانچوں مزدوروں کا تعلق خیبر پختونخوا کے ایک ہی علاقے سے ہے ۔ پولیس نے ملزمان کے خلاف مقدمہ درج کر لیا کرکے تفتیش شروع کردی ہے اور ان کا کریمنل ریکارڈ بھی چیک کیا جا رہا ہے۔
.ذریعہ: Express News
کلیدی لفظ: طلائی زیورات چوری کی تھا کہ
پڑھیں:
کارگو کمپنیوں کے ذریعے موبائل فون سمگلنگ میں ملوث نیٹ ورک پکڑا گیا، 2 ملزمان گرفتار
لاہور ( اُردو پوائنٹ اخبارتازہ ترین۔ 04 اگست 2025ء ) ملک میں کارگو کمپنیوں کے ذریعے موبائل فون سمگلنگ میں ملوث نیٹ ورک بے نقاب کرتے ہوئے 2 ملزمان کو گرفتار کرلیا گیا۔ میڈیا رپورٹس کے مطابق کارگو کمپنیوں کے ذریعے موبائل فون سمگلنگ میں ملوث ایک ایسا نیٹ ورک پکڑا گیا ہے جس میں شامل ملزمان موبائل فون چھین کر انہیں کارگو کمپنیوں کے ذریعے پارسل کی شکل میں پشاور سمگل کرتے تھے، تاہم قانون نافذ کرنے والے اداروں نے کارگو کمپنیوں کے ذریعے موبائل فون سمگلنگ میں ملوث اس منظم نیٹ ورک کو بے نقاب کردیا۔ بتایا گیا ہے کہ ایس ایچ او فیصل ٹاؤن افضال رؤف کی سربراہی میں پولیس ٹیم نے کامیاب کارروائی کرتے ہوئے 2 ملزمان کو گرفتار کیا، اس حوالے سے ایس پی ماڈل ٹاؤن اخلاق اللہ تارڑ نے بتایا کہ ملزمان کی گرفتاریاں سی سی ٹی وی فوٹیج اور موبائل فون لوکیشنز کی مدد سے عمل میں لائی گئی ہیں، ملزمان وارداتوں کے بعد موبائل فون چھین کر انہیں پارسل کی شکل میں پشاور سمگل کرتے تھے، جس میں کارگو کمپنیاں بطور ذریعہ استعمال کی جاتی تھیں۔(جاری ہے)
انہوں نے بتایا کہ سی سی ٹی وی ویڈیوز میں ایک ملزم کو واردات کے فوری بعد فرار ہوتے ہوئے بھی دیکھا گیا، جس نے تفتیش میں اہم کردار ادا کیا، گرفتار ملزمان شہزاد اور حسن کے قبضے سے 10 چوری شدہ موبائل فون، 2 لاکھ روپے نقدی اور 2 پستول برآمد کیے گئے ہیں، پولیس کی طرف سے گرفتار کیے جانے والے مذکورہ ملزمان چوری اور ڈکیتی کے متعدد مقدمات میں پہلے سے ریکارڈ یافتہ ہیں۔ ایس پی ماڈل ٹاؤن اخلاق اللہ تارڑکا مزید کہن اہے کہ موبائل فون سمگلنگ میں ملوث اس نیٹ ورک کے دیگر ارکان کی گرفتاری کے لیے مزید چھاپے مارے جارہے ہیں اور جلد ہی پورے گروہ کو گرفتار کرکے قانون کی گرفت میں لایا جائے گا، پولیس نے مقدمہ درج کرکے تفتیش کا دائرہ مزید وسیع کر دیا تاکہ شہر میں ہونے والی اس نوعیت کی وارداتوں کا مستقل طور پر خاتمہ ممکن بنایا جائے۔
چین اور امریکہ کے مابین مشترکہ تشویش کے تجارتی امور پر تعمیری تبادلہ خیال