امن و امان کی بحالی ملک و قوم کی ترقی کی بنیاد ہے، علامہ مقصود ڈومکی
اشاعت کی تاریخ: 6th, November 2025 GMT
بخشاپور میں مختلف شخصیات سے ملاقات کرتے ہوئے علامہ مقصود ڈومکی نے کہا کہ ایک طرف بدامنی بڑھ رہی ہے اور دوسری جانب مساجد و امام بارگاہوں کی سکیورٹی کلوز کی جا رہی ہے، جو باعث تشویش ہے۔ اسلام ٹائمز۔ مجلس وحدت مسلمین کے مرکزی رہنماء علامہ مقصود علی ڈومکی نے کہا ہے کہ سندھ میں امن و امان کی صورتحال ابتر ہے۔ حکومت بحالی امن و امان کے لئے سنجیدہ عملی اقدامات کرے۔ ان خیالات کا اظہار انہوں نے بخشاپور میں میر محمد حنیف خان ڈومکی، میر شیر زمان خان ڈومکی اور گوٹھ حاجی شاہ نواز خان ڈومکی میں مشتاق احمد خان وزیرانی، محمد محرم خان اور دیگر معزز شخصیات سے ملاقات کے موقع پر گفتگو کرتے ہوئے کیا۔ ایم ڈبلیو ایم رہنماء علامہ مقصود علی ڈومکی نے کہا کہ سندھ میں امن و امان کی صورتحال انتہائی ابتر ہو چکی ہے۔ روزانہ کی بنیاد پر بدامنی، چوری اور ڈکیتی کے واقعات پیش آ رہے ہیں۔ معصوم شہریوں کا لٹنا اور لوٹ مار کا بازار گرم ہونا حکومت کی ناکامی کا ثبوت ہے۔
انہوں نے افسوس کا اظہار کرتے ہوئے کہا کہ ایک طرف بدامنی بڑھ رہی ہے اور دوسری جانب مساجد و امام بارگاہوں کی سکیورٹی کلوز کی جا رہی ہے، جو باعث تشویش ہے۔ علامہ مقصود علی ڈومکی نے کہا کہ امن و امان کی بحالی ملک و قوم کی ترقی کی بنیاد ہے، کیونکہ جس معاشرے میں شہریوں کو امن و سکون میسر نہ ہو وہاں نہ تعلیم فروغ پا سکتی ہے اور نہ کاروبار ہو سکتا ہے۔ انہوں نے مزید کہا کہ قبائلی جھگڑے سندھ کے امن کے لیے بڑا خطرہ بن چکے ہیں، بالخصوص کشمور، شکارپور اور جیکب آباد میں قبائلی تصادم کے نام پر معصوم انسانوں کا قتل انتہائی افسوسناک ہے۔ اس موقع پر مجلس وحدت مسلمین تحصیل کشمور کے رہنماء ابوالخیر ڈومکی، حاجی شاہ مراد خان ڈومکی، استاد رفیق احمد ڈومکی، رحم دل خان ٹالانی، احمد علی ٹالانی اور دیگر ان کے ہمراہ موجود تھے۔
ذریعہ: Islam Times
کلیدی لفظ: امن و امان کی ڈومکی نے کہا علامہ مقصود خان ڈومکی رہی ہے کہا کہ
پڑھیں:
اکتوبر میں مسلسل تیسرے ماہ ٹیکسٹائل برآمدات میں سالانہ بنیاد پر کمی ریکارڈ
data-id="863a0a8" data-element_type="widget" data-widget_type="theme-post-content.default">
251106-08-25
کراچی (کامرس رپورٹر) اکتوبر میں مسلسل تیسرے مہینے ٹیکسٹائل برآمدات میں سالانہ بنیادوں پر کمی ریکارڈ ہوئی، رواں مالی سال کے پہلے 4 ماہ میں ٹیکسٹائل برآمدات 4.39 فیصد بڑھیں، اکتوبر 2025 میں سالانہ بنیاد پر ٹیکسٹائل برآمدات میں 0.61 فیصد کی کمی ہوئی۔ذرائع کا کہنا ہے کہ اکتوبرمیں مسلسل تیسرے مہینے ٹیکسٹائل برآمدات میں سالانہ بنیادوں پر کمی ہوئی ہے، رواں مالی سال کے پہلے 4 ماہ میں ٹیکسٹائل برآمدات4.39 فیصدبڑھیں۔اکتوبر2025ء میں سالانہ بنیاد پر ٹیکسٹائل برآمدات میں 0.61 فیصدکی کمی ہوئی جب کہ ماہانہ بنیاد پر اکتوبر میں ٹیکسٹائل برآمدات میں 2.53 فیصد کا اضافہ رکارڈ کیا گیا۔ ذرائع کے مطابق جولائی تااکتوبر 2025ء میں ٹیکسٹائل برآمدات 6 ارب 42کروڑ ڈالر رہیں، گزشتہ سال اسی عرصے میں ٹیکسٹائل برآمدات 6 ارب 15 کروڑ ڈالر تھیں، گزشتہ ماہ ٹیکسٹائل برآمدات کا حجم ایک ارب 62 کروڑ ڈالر رہا۔ذرائع کے مطابق ستمبر2025ء میں ٹیکسٹائل برآمدات ایک ارب 58 کروڑ ڈالرز تھیں، اکتوبر 2024ء میں ٹیکسٹائل برآمدات کا حجم ایک ارب63 کروڑڈالرز تھاجب کہ اکتوبر2023ء میں ٹیکسٹائل برآمدات ایک ارب 44کروڑ ڈالرز تھیں۔اس سے قبل اکتوبر2022ء میں ٹیکسٹائل برآمدات ایک ارب 36کروڑڈالر جب کہ اکتوبر2021 میں ٹیکسٹائل برآمدات کاحجم ایک ارب 60کروڑ ڈالر تھا۔
کالعدم تحریک لبیک کے جنوبی پنجاب کے ٹکٹ ہولڈرز نے جماعت سے علیحدگی کا اعلان کردیا