وزارتِ صحت اور ماتحت ادارے مکمل الرٹ رہیں گے، مصطفیٰ کمال
اشاعت کی تاریخ: 8th, May 2025 GMT
فائل فوٹو۔
وفاقی وزیرِ صحت مصطفیٰ کمال نے کہا ہے کہ وزارتِ صحت اور ماتحت ادارے مکمل الرٹ رہیں گے، ڈریپ ویکسینز کی بلا تعطل فراہمی کےلیے دوا ساز اداروں سے فوری رابطہ کرے۔
انھوں نے یہ بات اسلام آباد میں قومی ادارہ صحت میں اجلاس سے خطاب کرتے ہوئے کہی۔
اعلامیہ کے مطابق اجلاس میں ڈی جی ہیلتھ، سربراہ این آئی ایچ، سی ای او ڈریپ اور تمام وفاقی اسپتالوں کے سربراہان شریک تھے۔
وفاقی وزیرِ صحت نے کہا کہ سی او ڈریپ ادویات کے متبادل انتظامات کو یقینی بنائیں اور جان بچانے والی ادویات کی بلا تعطل فراہمی کو یقینی بنائیں۔
مصطفیٰ کمال نے کہا کہ قومی ادارہ صحت میں "قومی ہیلتھ ایمرجنسی سینٹر" قائم کر دیا گیا ہے، قومی ہیلتھ ایمرجنسی سینٹر تمام صوبوں اور متعلقہ اداروں سے رابطے میں رہے گا۔
انھوں نے اس موقع پر ہدایات جاری کرتے ہوئے کہا تمام صوبے 24/7 کوئیک رسپانس سینٹر سے رابطے میں رہیں، وفاقی اسپتالوں میں اضافی بیڈز مختص کیے جائیں اور اسپتال انتظامیہ بلڈ بینک میں خون کے وافر ذخائر اور ادویات کے اسٹاک یقینی بنائیں۔
.ذریعہ: Jang News
پڑھیں:
سہیل آ فر یدی کی عمران خان سے ملاقات ,پی ٹی آئی کا قومی اسمبلی میں قرارداد لانے کا فیصلہ
data-id="863a0a8" data-element_type="widget" data-widget_type="theme-post-content.default">
251106-01-22
اسلام آباد (مانیٹرنگ ڈیسک) پاکستان تحریک انصاف (پی ٹی آئی) نے وزیراعلیٰ خیبرپختونخوا کی عمران خان سے ملاقات نہ ہونے پر پارلیمنٹ میں قرارداد لانے کا فیصلہ کیا ہے۔ تفصیلات کے مطابق پی ٹی آئی چیئرمین کی زیر صدارت اسلام آباد پارلیمنٹ ہاؤس میں پارلیمانی کمیٹی کا اہم اجلاس ہوا جس میں وزیراعلیٰ سہیل آفریدی نے بھی شرکت کی۔ وزیراعلیٰ کی آمد پر تمام اراکین نے اْن کا پرتپاک استقبال اور خیر مقدم کیا، ملاقات میں سہیل آفریدی کی وزیراعلیٰ سے ملاقات اور27ویں آئینی ترمیم سمیت دیگر سیاسی و تنظیمی امور پر گفتگو کی گئی۔ اجلاس میں پی ٹی آئی نے وزیراعلیٰ کی عمران خان سے ملاقات کا معاملہ قومی اسمبلی کے فورم پر اٹھانے اور قرارداد پیش کرنے کا فیصلہ کیا جس پر تمام اراکین نے دستخط بھی کردیے۔ اجلاس کے بعد میڈیا سے گفتگو کرتے ہوئے وزیراعلیٰ سہیل آفریدی نے کہا تمام نیوز ورکرز کا مشکور ہوں، پارلیمانی اجلاس میں شرکت کے لیے اسلام آباد آیا ہوں، بانی سے ملاقات نہ کروائے جانے پر پارلیمنٹ میں قرارداد لانے کا فیصلہ کیا ہے۔
لاہور: خاتون ایم پی اے کا بیٹا اسنوکر کلب میں جوا کھیلتے ہوئے گرفتار، پولیس