پورا خطہ جنگ کے دہانے پر ہے، قومی سلامتی پر ہرگز آنچ نہیں آنے دینگے: محسن نقوی
اشاعت کی تاریخ: 9th, May 2025 GMT
اسلام آباد(ڈیلی پاکستان آن لائن) وفاقی وزیر داخلہ محسن نقوی نے کہا ہے کہ پورا خطہ جنگ کے دہانے پر ہے، قومی سلامتی پر ہر گز آنچ نہیں آنے دیں گے۔
نجی ٹی وی چینل دنیا نیوز کے مطابق وفاقی وزیرداخلہ محسن نقوی سے امریکا کی قائم مقام سفیر نیٹلی بیکر نے 48 گھنٹے میں دوسری اہم ملاقات کی، امریکا کے پولیٹیکل قونصلر زیک ہارکن رائیڈر بھی اس موقع پر موجود تھے، ملاقات کے دوران پاک بھارت کشیدگی اور سرحدوں کی صورتحال پر تبادلہ خیال کیا گیا۔
محسن نقوی نے قائم مقام امریکی سفیر نیٹلی بیکر کو موجودہ کشیدگی اور پیدا ہونے والی صورتحال سے آگاہ کیا اور بھارت کی ڈورنز دہشتگردی کے بارے بھی قائم مقام امریکی سفیر کو بریف کیا۔
بھارت بوکھلاہٹ کا شکار، بزدل فوج کی سول آبادی پر گولہ باری، 5 پاکستانی شہری شہید
وزیر داخلہ کا کہنا تھا کہ بھارت نے تمام بین الاقوامی قوانین کو پامال کر کے شہری آبادیوں کو ڈورنز کے ذریعے نشانہ بنانے کی مذموم کوشش کی، پاکستان نے موثر کارروائی کر کے درجنوں ڈرونز کو مار گرایا، خطے کی خطرناک صورتحال کا تمام تر ذمہ دار بھارت ہے۔
انہوں نے مزید کہا کہ پورا خطہ جنگ کے دہانے پر ہے، قومی سلامتی پر ہر گز آنچ نہیں آنے دیں گے۔
ذریعہ: Daily Pakistan
کلیدی لفظ: محسن نقوی
پڑھیں:
سمارٹ ڈپلومیسی کا آغاز، وطن کو باوقار مقام دلوانے کیلئے قوم فیلڈ مارشل کی مقروض رہیگی
تجزیہ: فیصل ادریس بٹ
پاکستان میں سول و ملٹری اشتراک سے سمارٹ ڈپلومیسی کے آغاز نے یقینی طور پر تاریخی اعتبار سے سفارتکاری کے نئے و سنہری باب رقم کردیئے ہیں۔ وطن عزیز کو دنیا بھر میں پروقار اور ممتاز حیثیت ،مرتبہ و مقام دلوانے کیلئے قوم فیلڈ مارشل عاصم منیر کی مقروض رہے گی جنہوں نے اپنی پیشہ ورانہ صلاحیتوں کے بہترین اور بروقت استعمال سے جغرافیائی و نظریاتی سرحدوں کے دفاع کے علاوہ بیانئے کی جنگ میں کامیابی دلوائی بلکہ سفارتی و معاشی میدان میں بھی سرخرو کر دیا ہے اور آج پاکستان دنیا کی دو سپر پاورز امریکہ اور چین جو ایک دوسرے کے حریف ہیں، ان دونوں کیساتھ متوازن اور پروقار انداز میں گرمجوشی کیساتھ دفاعی و معاشی تعلقات کو فروغ دے رہا ہے۔ حال ہی میں امریکہ اور چین کے کامیاب دورے کے بعد فیلڈ مارشل عاصم منیر رواں ماہ ایک بار پھر امریکہ کے دورے پر روانہ ہو سکتے ہیں کیونکہ امریکی سنٹرل کمانڈ کے کمانڈر جنرل ایرک کوریلا کی ریٹائرمنٹ کے بعد نئے کمانڈر جنرل بریڈکوپر کی سنٹرل کمانڈ کے عہدے پر تقرری کی تقریب میں انہیں بطور مہمان خصوصی مدعو کیا گیا ہے۔ اس تقریب میں دنیا بھر سے کسی مہمان کو مدعو نہیں کیا جاتا یہ اعزاز فیلڈ مارشل عاصم منیر کا ہے کہ انہیں اس تقریب میں بطور مہمان مدعو کیا گیا ہے، ایک طرف تو حالیہ دنوں میں فیلڈ مارشل عاصم منیر امریکی صدر ڈونلڈ ٹرمپ سے ان کی خواہش پر ایک طویل ملاقات کر چکے ہیں اور امریکی سینٹرل کمانڈ کے جنرل ایرک کوریلا پاکستان کا دورہ کر کے گئے ہیں تو اس عہدے پر تقرر کئے جانے والے جنرل بریڈ کوپر کے عہدہ سنبھالنے پر بھی فیلڈ مارشل کو مدعو کیا گیا ہے۔ یاد رہے کہ جنرل بریڈ کوپر امریکی انتظامیہ میں انتہائی اہمیت کے حامل ہونے کے علاوہ مشرق وسطیٰ، یورپی یونین سمیت دنیا بھر انتہائی اہم تصور کئے جاتے ہیں اور وہ بھی فیلڈ مارشل عاصم منیر کو اس تقریب میں دیکھنے کے خواہشمند ہیں تو دوسری جانب فیلڈ مارشل چینی قیادت کیساتھ بھی اپنے تاریخی تعلقات کو برقرار رکھے ہوئے ہیں۔ یہی نہیں مڈل ایسٹ کی صورتحال کے تناظر میں پاکستان نے جس طرح سے موثر سفارتکاری کے نئے چیلنجز کو عبور کیا ہے اس کی ماضی میں مثال نہیں ملتی۔ وزیر اعظم شہباز شریف اور فیلڈ مارشل عاصم منیر نے پاکستان کو سفارتی تنہائی سے نکال کر جس طرح عالمی سطح پر اپنا بیانیہ اور موقف کو تسلیم کر ایا ہے اس سے دنیا بھر میں وطن عزیز کے مقام اور وقار میں اضافہ ہوا ہے بلکہ اس سے بھارت کی نیندیں اڑ چکی ہیں اور نوبت یہاں تک آگئی ہے کہ امریکی صدر ڈونلڈ ٹرمپ بھارت کو روسی تیل کی خریداری پر وارننگ دے رہے ہیں جو بہت بڑی کامیابی ہے۔ فیلڈ مارشل کی امریکی صدر سے ملاقات کے بعد اسرائیل ایران جنگ بندی میں اہم کردار، فیلڈ مارشل کا دورہ چین و اہم ملاقاتیں، پاک امریکہ تاریخی تجارتی معاہدہ، ایرانی صدر کا دورہ اور آئندہ ماہ فیلڈ مارشل کا دوبارہ دورہ امریکہ ہو یا ترکیہ، آذربائیجان، سعودی عرب، روس ، بنگلہ دیش و دنیا کے اہم ممالک کیساتھ سفارتی، معاشی و دفاعی بہترین تعلقات اسکا واضح ثبوت ہیں اور اس حقیقت کا مظہر بھی ہیں کہ فیلڈ مارشل عاصم منیر کی نڈر، بے باک وبا کردار قیادت نے مختلف نظریات و گروہوں میں تقسیم قوم کو متحد کردیا ہے اور ثابت کردیا ہے کہ جب قومیں خود اعتمادی، تدبر، عزت نفس کیساتھ کھڑی ہو جائیں اور عزم ویقین کیساتھ منزل کی جانب بڑھیں تو مقصد کا حصول یقینی ہو جاتا ہے۔ فیلڈ مارشل عاصم منیر نے عملی طور پر یہ ممکن کر کے دکھایا ہے۔
قائداعظم کو زیارت میں قید رکھا گیا، وہ آکسیجن کے لیے ترستے رہے، جاوید ہاشمی