سعودی عرب کے وزیرمملکت برائے خارجہ عادل الجبیر اسلام آباد پہنچ گئے
اشاعت کی تاریخ: 9th, May 2025 GMT
اسلام آباد:
سعودی عرب کے وزیر مملکت برائے خارجہ عادل الجبیر پاکستان کے سرکاری دورے پر اسلام آباد پہنچ گئے ہیں۔
اسلام آباد میں سعودی عرب کے وزیرمملکت برائے خارجہ عادل الجبیر کا پاکستان میں سعودی سفیر اور وزارت خارجہ کے اعلیٰ حکام نے استقبال کیا۔
سعودی عرب کے وزیر مملکت برائے خارجہ نے دفتر خارجہ میں نائب وزیر اعظم اسحاق ڈار سے ملاقات کی اور ملاقات میں پاک-بھارت کشیدگی پر تفصیلی تبادلہ خیال کیا گیا۔
سعودی وزیر مملکت خارجہ پاکستانی قیادت سے ملاقاتیں کریں گے اور اس دوران پاک-بھارت کشیدگی پر تبادلہ خیال کیا جائے گا۔
قبل ازیں سعودی وزیر مملکت برائے خارجہ عادل الجبیر بھارت کے دورے پر تھے اور نئی دہلی سے اسلام آباد پہنچے ہیں۔
.
ذریعہ: Express News
کلیدی لفظ: مملکت برائے خارجہ عادل الجبیر سعودی عرب کے وزیر وزیر مملکت اسلام آباد
پڑھیں:
پاک سعودی معاہدہ بھارت کیخلاف شاندار فتح کا مرہونِ منت ہے: وزیرِ دفاع خواجہ آصف
وزیرِ دفاع خواجہ آصف—فائل فوٹووزیرِ دفاع خواجہ آصف کا کہنا ہے کہ پاکستان کے عوام خدا کا شکر ادا کریں کہ بھارت کے خلاف شاندار فتح ہوئی، پاک سعودی معاہدہ بھی اس فتح کا مرہون منت ہے۔
جیو نیوز سے گفتگو کرتے ہوئے وزیر دفاع نے کہا کہ قیامِ پاکستان کے بعد کئی دفاعی معاہدے کیے، ہم پر مشکل وقت آیا تو معاہدے کرنے والوں نے ہماری مدد نہ کی۔
خواجہ آصف نے کہا کہ سعودی عرب سے دفاعی معاہدے کے بعد وہاں پر ہماری افواج کی تعداد میں اضافہ ہو گا، دیگر ممالک کے ساتھ بھی دفاعی معاہدے ممکن ہیں۔
یہ بھی پڑھیے پاک سعودیہ معاہدے سے بھارت کو ہونے والی پریشانی فطری ہے: خواجہ آصفان کا کہنا ہے کہ جو ہمارے خیر خواہ نہیں وہ اس معاہدے سے ناخوش ہیں، پاکستان اور سعودیہ کے درمیان اس معاہدے کی فضا کئی دہائیوں سے ہموار تھی۔
وزیرِ دفاع خواجہ آصف نے بتایا کہ سعودی ولی عہد نے مجھے یاد کرایا کہ 71ء کی جنگ میں انہوں نے اپنی دونوں گن بوٹس کراچی کی حفاظت کے لیے بھجوا دی تھیں۔
انہوں نے کہا کہ اس معاہدے کے ثمرات میں پاکستان شامل ہو گا، معاشی طور بھی مستحکم ہو گا، ہمارے بھائی ہماری مدد کرنے کو تیار ہیں۔
تربت میں نجی کیش وین پر ڈکیتی، 22 کروڑ روپے لوٹ لیے گئے