بھارت نے اپنے ہی ملک میں 6 بیلسٹک میزائل گرا دیے، ڈی جی آئی ایس پی آر
اشاعت کی تاریخ: 10th, May 2025 GMT
ترجمان پاک فوج لیفٹیننٹ جنرل احمد شریف چوہدری نے کہا ہے کہ بھارت نے اپنے ہی ملک کے اندر چھ بیلسٹک میزائل داغے ہیں جن میں سے پانچ میزائل بھارتی پنجاب کے شہر امرتسر اور ایک آدم پور کے علاقے میں گرا ہے۔ ان میزائل حملوں کا نشانہ بھارت میں آباد سکھ برادری کی بستیاں بنیں، جس پر پاک فوج کے ترجمان نے شدید تشویش کا اظہار کیا ہے۔
ڈی جی آئی ایس پی آر نے رات گئے ہنگامی پریس بریفنگ میں اس واقعے کی تفصیلات دیتے ہوئے کہا کہ بھارت کی یہ حرکت انتہائی حیران کن اور قابل مذمت ہے۔ انہوں نے کہا کہ بھارت کی اندرونی سازشوں کا نشانہ اقلیتی برادریاں بن رہی ہیں اور خاص طور پر سکھ برادری کو ظلم و جبر کا سامنا ہے۔ ان کا کہنا تھا کہ "ہماری تمام تر ہمدردیاں سکھ برادری کے ساتھ ہیں اور ہم ان کے ساتھ کھڑے ہیں۔"
مزید پڑھیں: بھارت کے ننکانہ صاحب میں سکھوں کی عبادت گاہ پر 6 ڈرونز حملے ناکام بنائے، ترجمان پاک فوج
ترجمان پاک فوج نے جمعہ کے روز بین الاقوامی میڈیا سے گفتگو کرتے ہوئے یہ بھی بتایا کہ کہ بھارت نے ننکانہ صاحب میں سکھوں کی مقدس عبادت گاہ کو نشانہ بنانے کی کوشش کی۔ ان کے مطابق بھارت نے چھ ڈرونز کے ذریعے ننکانہ صاحب پر حملہ کرنے کی کوشش کی، جسے پاکستانی فورسز نے ناکام بنا دیا۔
لیفٹیننٹ جنرل احمد شریف چوہدری نے بھارت میں مسلمانوں اور دیگر اقلیتوں کے خلاف جاری مظالم پر بھی روشنی ڈالی۔ ان کا کہنا تھا کہ بھارت میں مسلمانوں کو کھلے عام قتل کی دھمکیاں دی جا رہی ہیں اور اقلیتوں کو شدید دباؤ کا سامنا ہے۔
ڈی جی آئی ایس پی آر نے بھارت پر بین الاقوامی سطح پر دہشت گردی میں ملوث ہونے کا الزام بھی عائد کیا۔ انہوں نے کہا کہ بھارت نہ صرف پاکستان بلکہ امریکا، کینیڈا اور دیگر ممالک میں بھی دہشت گردی کی کارروائیوں میں ملوث ہے۔
ڈی جی آئی ایس پی آر کے مطابق پاکستان میں دہشت گردوں کو حملوں کے لیے بھارت سے ہدایات دی جاتی ہیں اور بھارتی فوج کے اہلکار دہشت گردوں کو براہِ راست ٹاسک دیتے ہیں۔ انہوں نے اس دعوے کے ثبوت موجود ہونے کا بھی دعویٰ کیا۔
پاکستان کے سیکیورٹی ذرائع کا کہنا ہے کہ بھارت نے کا اپنے علاقوں خاص طور پر بھارتی پنجاب میں میزائل فائر کرنے کے الیکٹرونک شواہد بھی موجود ہیں۔ بھارت کے اس اقدام کا مقصد پاکستان کو بدنام کرنا اور بین الاقوامی سطح پر مزید جارحیت کا جواز پیدا کرنا ہے۔
یاد رہے کہ اس سے قبل بھی 7 اور 8 مئی کی درمیانی رات بھارت نے امرتسر پر تین بیلسٹک میزائل داغے تھے، جس کا ذکر ڈی جی آئی ایس پی آر نے اپنی حالیہ پریس کانفرنس میں بھی کیا تھا۔
.ذریعہ: Express News
کلیدی لفظ: ڈی جی آئی ایس پی آر بھارت نے کہ بھارت پاک فوج
پڑھیں:
بھارت کا پاکستان کی تین ایئر بیسز پر حملہ ، ڈی جی آئی ایس پی آر
ڈی جی آئی ایس پی آر لیفٹیننٹ جنرل احمد شریف چوہدری کا کہناتھا کہ بھارت کو اپنی ننگی جارحیت کو جاری رکھتے ہوئے اس نے کچھ دیر قبل اپنے طیاروں سے فضاء سے زمین پر میزائل داغے ہیں، نور خان بیس ، مرید بیس اور شور کوٹ بیس کو نشانہ بنایا گیاہے ، اب تک کی اطلاعا ت کے مطابق الحمدواللہ ایئر فورس کے تمام اثاثے محفوظ ہیں ۔
تفصیلات کے مطابق ڈی جی آئی ایس پی آر نے کہا کہ بھارت نے افغانستان میں میزائل داغے ہیں اور ڈرونز کا حملہ کیاہے ، بھارت پاگل پن اور مکاری کے ذریعے پورے خطے کو خطرناک جنگ کی طرف دھکیل رہاہے ، نہ ہم تمہاری طاقت اور نہ مکاری سے مرعوب ہونے والی قوم ہیں ،ہمارے جواب کا انتظار کرو۔
نور خان ایئر بیس چکلالہ کے قریب حملے کی کوشش کو ناکام بنا دیا گیا
مزید :
عالمی یومِ صحافت پر آر آئی یو جے ورکرز کا نیشنل پریس کلب اسلام آباد کے سامنے مظاہرہ