بھارت کی طرف سے سیزفائر کی خلاف ورزی، برنالہ سیکٹر میں شدید فائرنگ
اشاعت کی تاریخ: 10th, May 2025 GMT
برنالہ (نیوز ڈیسک) بھارت نے سیز فائر کے چند گھنٹوں بعد ہی دوبارہ خلاف ورزی کرتے ہوئے برنالہ کے علاقے پتنی کنٹرول لائن پر شدید فائرنگ کا آغاز کر دیا ہے، جس سے علاقے میں خوف و ہراس پھیل گیا۔
ذرائع کے مطابق بھارتی جارحیت کی تازہ کارروائی میں ڈرون اور میزائل کی موجودگی کی ویڈیو منظر عام پر آئی ہے، جو برنالہ کی حدود میں سماہنی بنڈالہ سے ملحقہ علاقے نالی سے فلمائی گئی ہے۔
مقامی آبادی نے بتایا کہ فائرنگ کا سلسلہ وقفے وقفے سے جاری ہے، جبکہ پاکستانی فورسز کی جانب سے مؤثر اور فوری جوابی کارروائی کی جا رہی ہے۔ دفاعی ذرائع کے مطابق بھارتی جارحیت کا منہ توڑ جواب دیا جا رہا ہے اور کسی بھی ایڈونچر کا بھرپور جواب دینے کے لیے پاک فوج مکمل طور پر تیار ہے۔
واضح رہے کہ حالیہ کشیدگی کے باوجود چند گھنٹے قبل ہی دونوں ممالک کے درمیان جنگ بندی کا اعلان سامنے آیا تھا، جسے بھارت نے ایک بار پھر پامال کر دیا۔
مزیدپڑھیں:سیزفائر کااعلان ہوتے ہی بھارت کا حیدرآباد بولاری ایئربیس پر میزائل حملہ، اسکواڈرن لیڈر عثمان یوسف سمیت 5 افراد شہید
ذریعہ: Daily Ausaf
پڑھیں:
کراچی میں واٹرٹینکر کی ٹکر سے ایک اور شہری جاں بحق
شہر قائد کے علاقے کورنگی ویٹا چورنگی کے قریب تیزرفتارواٹر ٹینکر کی ٹکر سے موٹر سائیکل سوار شخص جاں بحق ہوگیا۔
۔تفصیلات کے مطابق کورنگی صنعتی ایریا تھانے کے علاقے کورنگی ویٹا چورنگی کے قریب تیزرفتارواٹر ٹینکرنے موٹرسائیکل کوٹکرماردی جس کے باعث موٹرسائیکل پرسوار شخص موقع پرجاں بحق ہوگیا جس کی لاش قانونی کارروائی کے لیے جناح اسپتال منتقل کی گئی۔
اسپتال میں متوفی کی شناخت 51 سالہ محمد ہاشم ولد اخترعلی کے نام سے ہوئی جو ورنگی نمبرڈھائی کے رہائشی تھے۔
ایس ایچ او محمد علی نیازی کے مطابق حادثے کے بعد واٹرٹینکرکا ڈرائیورموقع پرسے فرارہوگیا پولیس نے واٹرٹینکر کوقبضے میں لیکرڈرائیورکی تلاش شروع کردی جبکہ قانونی کاروائی کے بعد متوفی کی لاش ورثا کے حوالے کردی۔
مولانا فضل الرحمان کے چھوٹے فرزند اسجد محمود پر حملے کا انکشاف