کراچی: پلاٹ کے تنازع پر فائرنگ، خاتون جاں بحق
اشاعت کی تاریخ: 12th, May 2025 GMT
—فائل فوٹو
کراچی کے علاقے منگھو پیر میں پلاٹ کے تنازع پر فائرنگ سے خاتون جاں بحق ہو گئی۔
پولیس نے موقع پر پہنچ کر مبینہ طور پر فائرنگ میں ملوث 2 ملزمان کو حراست میں لے لیا۔
کراچی کے علاقے منگھو پیر جام گوٹھ میں پلاٹ کے تنازع پر محلے دار آپس میں لڑ پڑے۔
پولیس کے مطابق لڑائی کے دوران گولیاں چلنے سے نسرین نامی خاتون جاں بحق ہو گئی جس کے بعد پولیس نے موقع پر پہنچ کر فائرنگ میں ملوث 2 افراد کو حراست میں لے لیا۔
پولیس کا کہنا ہے کہ صبح محلے داروں میں آپس میں لڑائی ہوئی تھی جس کے بعد صلح ہو گئی، لیکن اس کے باوجود محلے دار آپس میں دوبارہ لڑ پڑے۔
واقعے میں ملوث دیگر ملزمان کی تلاش جاری ہے، جائے وقوع سے پولیس نے 30 بور کے پستول کے 7 خول تحویل میں لے لیے ہیں۔
.ذریعہ: Jang News
پڑھیں:
کراچی؛ پانی چوری میں ملوث واٹر بورڈ کے دو افسران معطل
کراچی:واٹر کارپوریشن کے سی ای او نے شہر میں پانی چوری میں ملوث عہدیداروں کے خلاف سخت کارروائی کرتے ہوئے دو افسران کو معطل کردیا۔
میئر کراچی مرتضیٰ وہاب نے شہر کے مختلف علاقوں کا دورہ کرکے پانی چوری کی روک تھام اور منصفانہ فراہمی سے متعلق موجودہ صورت حال کا جائزہ لیا اور اس موقع پر سی ای او واٹر کارپوریشن احمد علی صدیقی اور سی او او واٹر انجینئر اسداللہ خان سمیت دیگر اعلیٰ حکام ان کے ہمراہ تھے۔
میئر کراچی نے اسلام گنج کالونی نزد لسبیلا برج، لیاری ندی، مسرت سنیما ناظم آباد، سیف اللہ بنگش اڈہ اور سلیکا مشین فیکٹری کے سامنے واقع آئس فیکٹری ناظم آباد کا معائنہ کیا اور اس دورے کا مقصد شہر میں پانی چوری کے خلاف کریک ڈاؤن کو مزید مؤثر اور تیز کرنا تھا۔
شہر کے مختلف علاقوں کے دورے میں میئر کراچی کا کہنا تھا کہ پانی چوری کی مکمل صاف شفاف اور غیر جانب دارانہ جانچ پڑتال کی جائے گی۔
انہوں نے اس عزم کا اظہار کیا کہ پانی صرف شہریوں کا حق ہے اور عوام کے حصے کا پانی کسی بھی صورت ضائع یا چوری نہیں ہونے دیا جائے گا۔
اس موقع پر میئر کراچی نے ہدایت کی کہ پانی چوری میں ملوث افراد کے خلاف سخت قانونی کارروائی عمل میں لائی جائے اور انتظامی طور پر ملوث افسران کے خلاف بھی محکمانہ کارروائی بھی کی جائے۔
اسی سلسلے میں سی ای او واٹر کارپوریشن نے فوری کارروائی کرتے ہوئے پانی چوری میں ملوث دو افسران کو معطل کردیا، معطل کیے گئے افسران میں ایگزیکٹو انجینئر ایف ٹی ایم ایس ایم احسن اور ایگزیکٹو انجینئر سی ٹی ایم احسان اللہ شیخ شامل ہیں۔
واٹر کارپوریشن کے ایچ آر ڈپارٹمنٹ کی جانب سے دونوں افسران کی معطلی کا نوٹیفکیشن بھی جاری کردیا گیا ہے۔
میئر کراچی کا مزید کہنا تھا کہ پانی چوری میں ملوث کسی بھی افسر یا اہلکار کے خلاف بلا امتیاز کارروائی کی جائے گی اور شہریوں کو پانی کی منصفانہ اور بلا تعطل فراہمی یقینی بنانے کے لیے تمام تر اقدامات بروئے کار لائے جائیں گے۔
فریڈرش میرس جرمنی کے نئے چانسلر منتخب، لیکن دوسرے راؤنڈ میں