دنیا عالمی جنگ کے دہانے پر، اور ایک جاندار جو نیوکلئیر دھماکوں سے بھی نہیں مرے گا
اشاعت کی تاریخ: 12th, May 2025 GMT
جنگ کسی بھی مسئلے کا حل نہیں ہوتی کیونکہ اس سے بے پناہ مصائب، وسیع پیمانے پر تباہی اور بے شمار معصوم جانوں کا ضیاع ہوتا ہے۔
حال ہی میں جموں و کشمیر کے سیاحتی مقام پہلگام میں حالیہ حملے کے بعد بھارت اور پاکستان کے درمیان کشیدگی عروج پر رہی، پھر وہیں غزہ اسرائیل تنازعہ ایک طویل عرصے سے جاری ہے جو آج تک کشیدگی اور تشدد کا سبب بنا ہوا ہے جس میں بے شمار جانیں ضائع ہوچکی ہیں اور کئی افراد بے گھر ہوگئے ہیں۔
اسی طرح روس یوکرین جنگ بھی جاری ہے جس کا آغاز 2022 میں ہوا، جو 21ویں صدی کے سب سے اہم جغرافیائی سیاسی بحرانوں میں سے ایک بن چکی ہے، جس کے نتیجے میں بڑے پیمانے پر تباہی، جانی نقصان اور بین الاقوامی تعلقات میں بڑی تبدیلی آئی ہے۔
چونکہ دنیا کے مختلف حصوں میں تنازعات تیزی سے جنم لے رہے ہیں جس کے باعث جوہری ہتھیاروں کے استعمال کا خطرہ بھی بڑھ رہا ہے۔ آخری بار اس طرح کے ہتھیار دوسری جنگ عظیم کے دوران استعمال کیے گئے تھے، جب امریکہ نے جاپانی شہروں ہیروشیما اور ناگاساکی پر ایٹم بم گرائے تھے جس کے باعث تباہی ناقابل تصور تھی اور پورا شہر ملبے کا ثھیر بن گیا تھا۔
جنگ کے بعد جب ان بم دھماکوں کی مکمل رپورٹس سامنے آئیں تو دنیا حیران رہ گئی۔ سب سے چونکا دینے والے نتائج میں یہ انکشاف ہوا کہ بمباری کے نتیجے میں تقریباً تمام اقسام کو ختم کر دیا تھا، تاہم کاکروچ زندہ رہنے میں کامیاب ہو گئے تھے۔
دوسری جنگ عظیم (WW2) کی رپورٹ واقعی حیران کن تھی۔ جب ایٹمی حملے نے پورے شہر کو تباہ کردیا تھا لیکن کاکروچ کیسے زندہ رہنے میں کامیاب ہوئے؟ اس حیران کن واقعہ نے سائنسدانوں میں دلچسپی پیدا کر دی، جس سے وہ تحقیق کرنے لگے۔ جس کے بعد انہوں نے دلچسپ حقائق دریافت کیے۔
ایک حالیہ رپورٹ کے مطابق، سائنسدانوں نے لال بیگوں پر کی جانے والی تحقیق کے نتائج شائع کیے ہیں جن سے پتہ چلا کہ ان کی جسمانی ساخت انہیں ریڈی ایشن کے شدید اثرات برداشت کرنے کی غیرمعمولی صلاحیت فراہم کرتی ہے۔
نیوز ایجنسی اے بی پی (ABP) کی رپورٹ کے مطابق، یہی غیر معمولی خصوصیت اس بات کی وضاحت کرتی ہے کہ ہیروشیما اور ناگاساکی پر ایٹمی بمباری کے بعد بھی زیادہ تر لال بیگ زندہ بچ گئے تھے۔ صرف وہی لال بیگ ہلاک ہوئے جو دھماکے کی شدید گرمی اور توانائی کے براہِ راست اثر کی زد میں آئے۔
تحقیق کے مطابق، لال بیگ 10 ہزار تک کی ریڈی ایشن برداشت کر سکتے ہیں، جبکہ انسانوں کے لیے تقریباً 800 ریڈ کی مقدار ہی مہلک ثابت ہوتی ہے۔ جاپان پر ہونے والے ایٹمی حملوں میں جاری کی جانے والی گاما رے کی شدت تقریباً 10,300 ریڈ ریکارڈ کی گئی تھی، جو انسانی موت کے لیے کافی تھی۔ تاہم، کاکروچز کے جسموں نے ان مہلک شعاعوں کو بھی برداشت کر لیا تھا۔
Post Views: 2.
ذریعہ
ذریعہ: Daily Mumtaz
کلیدی لفظ: کے بعد
پڑھیں:
پاپ کوئین میڈونا کی شاندار واپسی، ’کنفیشنز 2‘ بل بورڈ 200 پر نمبر ون
عالمی شہرت یافتہ امریکی پاپ اسٹار میڈونا نے ایک بار پھر اپنی مقبولیت کا لوہا منواتے ہوئے اپنے نئے البم ’کنفیشنز 2‘ کے ساتھ امریکا کے معروف بل بورڈ 200 البمز چارٹ میں پہلی پوزیشن حاصل کرلی ہے۔
66 سالہ میڈونا کو جدید پاپ موسیقی کی تاریخ کی سب سے بااثر شخصیات میں شمار کیا جاتا ہے، جو 4 دہائیوں سے زائد عرصے پر محیط اپنے کیریئر میں وہ درجنوں عالمی ہٹ گانے اور متعدد کامیاب البمز پیش کرچکی ہیں۔
یہ بھی پڑھیں: میڈونا کا نیا البم ‘کنفیشنز 2‘ ریلیز، گانوں میں ذاتی زندگی کی عکاسی، سابق شوہر پر طنز
انہیں ’کوئین آف پاپ‘ کے لقب سے بھی جانا جاتا ہے، جبکہ موسیقی، فیشن اور اسٹیج پرفارمنس کے میدان میں ان کی جدت نے انہیں دنیا کی سب سے زیادہ فروخت ہونے والی خواتین فنکاروں میں شامل کر دیا ہے۔
بل بورڈ 200 کی جاری ہونے والی تازہ درجہ بندی کے مطابق دوسرے نمبر پر اولیویا روڈریگو کا البم جبکہ تیسرے نمبر پر ایلا لینگلے کا ’ڈینڈیلائن‘ موجود ہے۔
https://x.com/Bubblebathgirl/status/2078941004296532396
چارٹ میں چوتھی پوزیشن مورگن والن کے ’آئی ایم دا پروبلم‘ اور 5ویں نمبر پر کینیڈین ریپر ڈریک کے البم ’آئس مین‘ نے حاصل کی۔
ٹاپ 10 میں شامل دیگر البمز میں نوح کہان کا ’دا گریٹ ڈیوائیڈ‘ چھٹے، کین کارسن کا ’ایکسپیریمینٹ‘ 7ویں، پاپ لیجنڈ مائیکل جیکسن کا لازوال البم ’تھرلر‘ 8ویں، سیینا اسپیرو کا ’وزیٹر‘ 9ویں اور مرحوم کنٹری موسیقار ٹوبی کیتھ کا ’بگیسٹ ہٹ 35‘ 10ویں نمبر پر رہا۔
مزید پڑھیں: گلوکارہ میڈونا کے مداح نے 18 ٹیٹو بنوا کر عالمی ریکارڈ بنا ڈالا
تازہ بل بورڈ چارٹ اس بات کی بھی عکاسی کرتا ہے کہ موسیقی کی دنیا میں نئے البمز کے ساتھ ساتھ کلاسک ریکارڈنگز بھی اپنی کشش برقرار رکھے ہوئے ہیں۔
مائیکل جیکسن کے شہرۂ آفاق البم ’تھرلر‘ کی ٹاپ 10 میں مسلسل موجودگی اس کی مقبولیت اور عالمی موسیقی پر اس کے دیرپا اثرات کا واضح ثبوت سمجھی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بل بورڈ پاپ کوئین پاپ لیجنڈ ڈریک فیشن مائیکل جیکسن موسیقی میڈونا
بھارت سے جنگ اور افغانستان میں کارروائی خارج ازامکان نہیں، وزیردفاع