پاکستان اور بھارت میں اچانک جنگ بندی کیسے ہوئی؟ سی این این نئی تفصیلات سامنے لے آیا
اشاعت کی تاریخ: 12th, May 2025 GMT
واشنگٹن: پاکستان اور بھارت کے درمیان کئی دہائیوں کے بعد سب سے شدید جھڑپیں ہوئیں، جن میں چار دن تک لڑاکا طیاروں، میزائلوں اور بارود سے بھرے ڈرونز کا استعمال ہوا۔ تاہم یہ کشیدگی اتنی ہی اچانک ختم ہو گئی جتنی غیر متوقع طریقے سے شروع ہوئی تھی۔
امریکی ٹی وی سی این این کے مطابق نئی تفصیلات سے پتہ چلتا ہے کہ کس طرح فون کالز اور سفارتی رابطوں کی ایک تیز مہم نے دونوں ایٹمی طاقتوں کو جنگ بندی پر آمادہ کیا۔ دونوں ممالک کی طرف سے کچھ نکات پر مؤقف مختلف ہے لیکن اس بات پر اتفاق ہے کہ بریک تھرو ہفتہ کی سہ پہر شروع ہوا۔
بھارتی فوج کے مطابق ہفتے کے روز جب اعلیٰ حکام پاکستانی حملوں کا جواب دینے کی تیاری کر رہے تھے اسی دوران انہیں پاکستانی ہم منصب کی جانب سے ایک پیغام موصول ہوا۔ بھارتی ڈائریکٹر جنرل ملٹری آپریشنز لیفٹیننٹ جنرل راجیو گھئی کے مطابق دوپہر 3:35 بجے ہونے والی کال میں جنگ بندی پر اتفاق ہوا۔ گھئی نے بتایا کہ اس کے بعد مزید بات چیت میں جنگ بندی کو مستقل بنانے کے طریقہ کار پر غور کیا جائے گا۔
پاکستانی فوج نے اس رابطے کی تصدیق کی لیکن بتایا کہ اس نے براہ راست رابطے کی بجائے تیسرے فریق کے ذریعے جنگ بندی کے لیے کوشش کی۔ ایک پاکستانی سفارتی ذریعے نے سی این این کو بتایا کہ امریکہ نے کلیدی کردار ادا کیا، خاص طور پر ہفتے کے روز امریکی حکام کے رابطے فیصلہ کن ثابت ہوئے۔
امریکی صدر ڈونلڈ ٹرمپ نے ہفتے کو اپنے سوشل میڈیا پلیٹ فارم پر اعلان کیا کہ امریکہ نے دونوں ممالک کے درمیان مکمل اور فوری جنگ بندی کرائی ہے۔ ٹرمپ نے بھارتی اور پاکستانی قیادت کو “عقل مندی اور دانشمندی” کا مظاہرہ کرنے پر مبارکباد دی۔ اسلام آباد نے امریکی کردار کو سراہا جبکہ نئی دہلی نے اسے نظرانداز کیا اور دعویٰ کیا کہ جنگ بندی براہ راست رابطے سے طے پائی۔
پاکستانی فوج کے ترجمان میجر جنرل احمد شریف چوہدری کے مطابق بھارت نے 8 اور 9 مئی کے بعد جنگ بندی کی درخواست کی تھی، لیکن پاکستان نے اس وقت جواب دینے سے گریز کیا۔ بعد میں پاکستانی جوابی کارروائی کے بعد بین الاقوامی ثالثوں کے ذریعے بھارت کو جواب دیا گیا۔ دونوں ممالک کے حملوں نے امریکہ، چین اور سعودی عرب کو فوری طور پر سفارتی کردار ادا کرنے پر مجبور کیا۔ امریکی وزیر خارجہ مارکو روبیو اور نائب صدر جے ڈی وینس نے دونوں ممالک کے سیاسی و عسکری رہنماؤں سے رابطہ کیا تاکہ معاملہ بگڑنے سے پہلے روکا جا سکے۔
چینی وزیر خارجہ وانگ ای نے بھی الگ الگ بات چیت کی اور جنگ بندی کی حمایت کا اظہار کیا۔ ہفتے کی شام امریکہ کی ثالثی کے بعد دونوں ممالک نے اچانک جنگ بندی کی تصدیق کر دی۔ بھارت کی وزارت خارجہ نے کہا کہ جنگ بندی براہ راست رابطے سے طے پائی، جبکہ پاکستان نے امریکہ کا شکریہ ادا کیا۔ پاکستانی وزیراعظم شہباز شریف نے امریکی قیادت کے کردار کو سراہا اور صدر ٹرمپ کی “فعال قیادت” پر ان کا شکریہ ادا کیا۔
سی این این کے مطابق بھارت اور پاکستان کی متضاد کہانیوں کے باوجود حقیقت یہی ہے کہ عالمی دباؤ اور خاص طور پر امریکی کوششوں نے دونوں ممالک کو مہلک تصادم سے بچا لیا۔ جنگ بندی ابھی تک قائم ہے، اگرچہ دونوں فریق ایک دوسرے پر معمولی خلاف ورزیوں کا الزام لگا رہے ہیں۔
ذریعہ: Daily Mumtaz
پڑھیں:
ترکیہ سمیت مختلف ممالک میں اسرائیلی مظالم کیخلاف احتجاج، غزہ میں جنگ بندی کا مطالبہ
ترکیہ سمیت مختلف ممالک میں اسرائیلی مظالم کیخلاف احتجاج، غزہ میں جنگ بندی کا مطالبہ WhatsAppFacebookTwitter 0 11 August, 2025 سب نیوز
ترکیے کے شہر استنبول سمیت دنیا بھر میں ہزاروں افراد نے اسرائیل کے خلاف احتجاج کرتے ہوئے غزہ میں جنگ فوری طور پر روکنے کا مطالبہ کیا ہے۔
دنیا بھر میں اسرائیل کی جانب سے غزہ میں ہونے والے ظلم کے خلاف احتجاج کیا جا رہا ہے۔
ترکیے کے شہر استنبول میں بھی ہزاروں افراد نے اسرائیل کے خلاف احتجاجی ریلی نکالی اور غزہ میں جنگ کو فوری طور پر روکنے کا مطالبہ کیا۔
ادھر چلی کے دارالحکومت سینتیاگو میں خالی برتن بجا کر غزہ میں جبری قحط کے خلاف احتجاجی مارچ کیا گیا جبکہ ارجنٹائن میں بھی فلسطینیوں سے اظہاریکجہتی کیا گیا اور دارالحکومت بیونس آئرس میں سینکڑوں لوگوں نے غزہ میں جاری نسل کُشی بند کرنے کا مطالبہ کیا۔
دوسری جانب اسرائیل کے شہر تل ابیب میں یرغمالیوں کے اہلخانہ نے نیتن یاہو حکومت سے غزہ جنگ ختم کرنے کا مطالبہ کرتے ہوئے 17 اگست کو ملک گیر ہڑتال کی کال دے دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرغزہ میں شہید الجزیرہ کے بہادر صحافی انس الشریف کا آخری پیغام، پڑھنے والی ہر آنکھ اشکبار غزہ میں شہید الجزیرہ کے بہادر صحافی انس الشریف کا آخری پیغام، پڑھنے والی ہر آنکھ اشکبار غزہ کے معروف صحافی انس الشریف سمیت الجزیرہ کے 5 ارکان اسرائیلی حملے میں شہید غزہ پر فوجی قبضے کے منصوبے پر پھوٹ، وزیر خزانہ نے نیتن یاہو کی حکومت گرانے کی دھمکی دیدی جارجیا: گھر پر گرنے والا خلائی پتھر زمین سے 2 کروڑ سال پرانا نکلا، سائنسدان حیران تل ابیب میں غزہ جنگ بندی کیلئے ہزاروں افراد کا نیتن یاہو کیخلاف احتجاج اسرائیل کی جانب سے جان بوجھ کر پیدا کردہ افراتفری سے امدادی سامان لوٹ لیا گیا ، غزہ میڈیا آفسCopyright © 2025, All Rights Reserved
رابطہ کریں ہمارے بارے ہماری ٹیم
گورنر صاحب کی باتیں کروڑوں کی، لیکن دکان پکوڑوں کی بھی نہیں: سعدیہ جاوید