پاک بھارت جنگ بندی؛ اسٹاک مارکیٹ میں 10 ہزار پوائنٹس کی تیزی، تمام ریکارڈ ٹوٹ گئے
اشاعت کی تاریخ: 13th, May 2025 GMT
کراچی:
پاک بھارت جنگ بندی کے بعد پاکستان اسٹاک ایکسچینج میں ریکارڈ ساز کاروبار کا آغاز ہوا، اسٹاک مارکیٹ میں تیزی کے تمام سابقہ ریکارڈز ٹوٹ گئے۔
تفصیلات کے مطابق 10ہزار 100 پوائنٹس کے ریکارڈ تیزی کے ساتھ 100 انڈیکس بڑھ 1لاکھ 17ہزار 275 پوائنٹس کی سطح پر آگیا۔
کاروبار کے آغاز کے ابتدائی 2منٹ میں ریکارڈ نوعیت کی تیزی پر کاروباری سرگرمیوں کو ایک گھنٹے کے لیے معطل کر دیا گیا۔
پی ایس ایکس ریگولیشن کے مطابق کے ایس ای 30انڈیکس 5فیصد سے زائد بڑھنے پر کاروبار معطل کیا گیا، 9 بجکر 37منٹ پر کاروبار کی معطلی کے بعد 10 بجکر 42منٹ پر کاروباری سرگرمیاں بحال ہوئیں۔
پاکستان اسٹاک ایکسچینج میں ایک گھنٹے کی معطلی کے بعد کاروبار کا آغاز ہوا جس کے بعد بھی تیزی برقرار رہی، 100 انڈیکس 9475 پوائنٹس کے اضافے سے 116650پوائنٹس کی سطح پر آگیا۔
مارکیٹ کے 100 انڈریکس میں بدتریج اضافہ ہوتا گیا جس کے بعد 10ہزار سے زائد پوائنٹس کی ریکارڈ سطح پر پہنچ گیا۔
پاکستان اسٹاک ایکسچینج میں میڈیا سے گفتگو میں عارف حبیب نے کہا کہ بھارت نے پہلگام واقعے کا غلط الزام لگایا، بڑا تاثر تھا کہ بھارت خطے کا سپر پاور بننے جا رہا ہے لیکن اب پوری دنیا کو علم ہوگیا ہے کہ پاکستان کی فوج اور عوام کس قدر مضبوط ہیں۔ بھارت نےاپنی عوام کو بھی گمراہ کیا۔
انہوں نے کہا کہ پاکستان اس وقت بہت مثبت اثرات کے ساتھ آگے آیا ہے، پاک آرمی کی استعداد کا پیغام دنیا کو چلا گیا، مسلم ممالک کی آبادیوں کا بڑا انحصار پاکستان پر ہوتا ہے اور مسلمانوں کو ایک بار پھر یقین ہوگیا۔
عارف حبیب نے کہا کہ پاکستان نے انتہائی مہارت سے کامیابی کے ساتھ فوجی اہداف کو نشانہ بنایا اور دنیا بھر میں بھارت کی بہت بدنامی ہوئی۔ پاکستان میں یکے بعد دیگرے اچھی خبریں آئی ہیں، پوری قوم متحد ہوگئی۔
انہوں نے کہا کہ وزیراعظم نے بجٹ کے حوالے سے میٹنگ کی ہے، وزیراعظم نےعندیہ دیا ہے کہ صنعت اور تنخواہ دار کو ریلیف دیں گے دنیا کو دکھا دیاپا کستان مضبوط ملک ہے اور چین نے واضح پیغام دیکر پاکستان کا ساتھ دیا۔
عارف حبیب نے کہا کہ پاکستان میں کچھ سیکٹرز انڈر یوٹیلائز ہیں، عام آدمی کو معاشی بہتری کے فوائد جانے چاہیئں۔ اشارے ملتے ہیں کہ آئی ایم ایف کا اعتماد قدرے بہتر ہے اور امید ہے کہ اگلے بجٹ میں بہتری کی جھلک نظر آئے گی۔ دوست ممالک کا اعتماد پاکستان پر بڑھا ہے۔
انہوں نے کہا کہ شرح سود کم ہوئی ہے جو 11فیصد پر آگئی ہے، اب ڈالر کی سرمایہ کاری منافع بخش نہیں اور ریئل اسٹیٹ ابھی اتنا متحرک نہیں، اس وقت ایکویٹی سرمایہ کاری بہتر آپشن ہے کیونکہ ایکویٹی مارکیٹ میں ہر سطح کے سرمایہ کاری ہوسکتی ہے۔
انکا مزید کہنا تھا کہ میکرو اکنامک استحکام حاصل کرنا ہے اور اس وقت موقع ہے کہ میثاق معیشت کی بات ہو، پاکستان کی سب جماعتوں کی حکومتوں کی پالیسی تقریباً ایک جیسی ہے۔ تمام جماعتیں انجن آف گروتھ پرائیویٹ سیکٹر کو سمجھتی ہیں۔
عارف حبیب نے کہا کہ سیاستدان اختلافات کو ختم کرنے کا رواج پیدا کریں کیونکہ اس وقت اس پوزیشن میں ہیں کہ امید جگائیں، نوجوانوں کا پاکستان پر اعتماد بڑھے گا اور جلد باور کروا دیں گے کہ پاکستان معاشی پاور بھی ہے۔
واضح رہے کہ جمعرات 8 مئی کو اسٹاک مارکیٹ میں 6948 پوائنٹس کی بڑی مندی کے باعث کاروبار معطل کر دیا گیا تھا جبکہ جمعے کو بھی مارکیٹ میں اتار چڑھاو رہا۔
Tagsپاکستان.
ذریعہ: Al Qamar Online
کلیدی لفظ: پاکستان عارف حبیب نے کہا کہ کہ پاکستان پاکستان اس پر کاروبار پوائنٹس کی مارکیٹ میں ہے اور کے بعد
پڑھیں:
پاکستان میں گدھوں کی گنتی مکمل، پنجاب تمام صوبوں پر بازی لے گیا
اسلام آباد:پاکستان میں گدھوں کی گنتی مکمل کرلی گئی ہے، جس کے نتائج میں پنجاب تمام صوبوں پر بازی لے گیا۔
حکومت کی تازہ زراعت شماری رپورٹ میں پاکستان کے مختلف صوبوں میں گدھوں کی تعداد کے اعداد و شمار جاری کر دیے گئے ہیں، جن کے مطابق پنجاب اس فہرست میں سب سے آگے ہے جب کہ بلوچستان میں سب سے کم گدھے پائے جاتے ہیں۔
رپورٹ کے مطابق پنجاب میں گدھوں کی تعداد 24 لاکھ 3 ہزار ہے، جو باقی تمام صوبوں سے نمایاں طور پر زیادہ ہے۔ سندھ 10 لاکھ 81 ہزار گدھوں کے ساتھ دوسرے اور خیبرپختونخوا 7 لاکھ 82 ہزار کے ساتھ تیسرے نمبر پر ہے۔ بلوچستان میں گدھوں کی تعداد 6 لاکھ 30 ہزار ریکارڈ کی گئی، جو دیگر صوبوں کے مقابلے میں کم ہے۔
وفاقی دارالحکومت اسلام آباد میں گدھوں کی تعداد 4 ہزار بتائی گئی ہے۔ اعداد و شمار کے مطابق پنجاب میں بلوچستان کے مقابلے 17 لاکھ 73 ہزار، خیبرپختونخوا کے مقابلے 16 لاکھ 21 ہزار اور سندھ کے مقابلے 13 لاکھ 22 ہزار گدھے زیادہ ہیں۔
زراعت شماری رپورٹ 2024 میں بتایا گیا ہے کہ ملک بھر میں گدھوں کی مجموعی تعداد 49 لاکھ تک پہنچ چکی ہے، جو پچھلے برسوں کے مقابلے میں اضافہ ظاہر کرتی ہے۔
غزہ کیلئے مزید امدادی سامان کل روانہ کردیا جائے گا