پنجاب: اسکولوں میں آپریشن بنیان مرصوص کی کامیابی پر پاک فوج سے اظہار یکجہتی
اشاعت کی تاریخ: 13th, May 2025 GMT
وزیراعلیٰ پنجاب مریم نواز شریف کی ہدایت پر صوبے بھر کے تعلیمی اداروں میں یوم تشکر منایا گیا، جس کا مقصد حالیہ آپریشن بنیان مرصوص کی کامیاب تکمیل پر پاک فوج سے اظہارِ یکجہتی اور خراجِ تحسین پیش کرنا تھا۔
اس سلسلے میں مختلف اسکولوں میں خصوصی تقاریب، ریلیاں، ملی نغموں کی پیشکش اور علامتی جنگی مشقوں کا انعقاد کیا گیا۔ طلبہ و طالبات نے پاک فوج کے سربراہ اور افواج پاکستان کے دیگر سپاہیوں کی تصاویر اٹھا رکھی تھیں، جبکہ ننھے بچوں نے فوجی وردیاں پہن کر مارچ کیا۔ طالبات نے قومی پرچم لہرا کر اور بینرز اٹھا کر افواج پاکستان کی جرات، قربانی اور بہادری کو سلام پیش کیا۔
قصور میں طلبہ کی ریلی کی قیادت صوبائی وزیر تعلیم رانا سکندر حیات نے کی۔ اس موقع پر پاکستان زندہ باد اور پاک فوج زندہ باد کے فلک شگاف نعرے لگائے گئے۔ اسکولوں میں مصنوعی سرحد، فرضی دشمن اور جنگی مناظر کے ماڈلز تیار کیے گئے، جہاں طلبہ نے موک فائرنگ اور پریڈ کے ذریعے دشمن کو شکست دینے کا عملی مظاہرہ کیا۔
مزید پڑھیں: بھارتی حملوں میں 40 شہری اور 11 فوجی جوان شہید ہوئے، معرکہ حق کی تفصیلات جاری
پتوکی کے گرلز اسکول میں طالبات نے مارچ کرتے ہوئے پاک فوج کے حق میں نعرے لگائے، جبکہ مختلف اسکولوں میں ڈرائنگ، پینٹنگ اور پوسٹرز کے مقابلے بھی منعقد کیے گئے۔ طلبہ نے اپنے ہاتھوں سے بنائے گئے ماڈلز، پوسٹرز اور خطوط کے ذریعے وطن سے محبت اور محافظوں سے عقیدت کا اظہار کیا۔
ننھے طلبہ نے امن، وطن کی سلامتی اور افواجِ پاکستان کے لیے خصوصی دعائیں کیں، جبکہ اسمبلی کے دوران قومی نغمے پیش کیے گئے اور فضا حب الوطنی سے گونج اٹھی۔ پنجاب حکومت کا کہنا ہے کہ ایسی سرگرمیوں کا مقصد نئی نسل میں وطن سے محبت، دفاعِ وطن کا جذبہ، اور افواج پاکستان کے ساتھ مضبوط رشتہ استوار کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: اسکولوں میں پاک فوج
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار