سیز فائر مختلف ممالک کی سفارتی کوششوں کا نتیجہ ہے، وزیر اطلاعات عطاء اللہ تارڑ
اشاعت کی تاریخ: 13th, May 2025 GMT
اسلام آباد (نیوز ڈیسک)وفاقی وزیر اطلاعات عطاء اللہ تارڑ نے برطانوی نشریاتی ادارے کو خصوصی انٹرویو دیتے ہوئے پاکستان اور بھارت کے درمیان حالیہ سیز فائر، علاقائی امن کی کوششوں، مسئلہ کشمیر اور بھارت کے بے بنیاد الزامات پر تفصیلی مؤقف پیش کیا۔
عطاء اللہ تارڑ نے کہا کہ پاکستان اور بھارت کے درمیان حالیہ سیز فائر مختلف ممالک کی سفارتی کوششوں کا نتیجہ ہے۔ انہوں نے بتایا کہ وزیراعظم پاکستان نے اس سلسلے میں امریکی صدر ڈونلڈ ٹرمپ کا خصوصی شکریہ ادا کیا ہے۔ ان کے بقول، چین، سعودی عرب، متحدہ عرب امارات، ترکیہ اور قطر نے بھی سیز فائر کے لیے اہم کردار ادا کیا۔
وزیر اطلاعات نے کہا کہ صدر ٹرمپ کی دوسری ٹویٹ میں مسئلہ کشمیر کے حل کی خواہش کا اظہار واضح طور پر کیا گیا ہے، جو بین الاقوامی سطح پر ایک اہم پیش رفت ہے۔ انہوں نے کہا کہ صدر ٹرمپ مسئلہ کشمیر کے پرامن حل کے خواہاں ہیں۔
عطاء اللہ تارڑ نے بھارت کی جانب سے پانی کی فراہمی بند کرنے کے دعوے کو مسترد کرتے ہوئے کہا کہ بھارت کے پاس ایسی صلاحیت ہی نہیں، اور اس وقت پانی کی فراہمی معمول کے مطابق جاری ہے۔
پہلگام واقعے پر بات کرتے ہوئے وزیر اطلاعات نے کہا کہ پاکستان نے اس واقعے پر افسوس اور ہمدردی کا اظہار کیا اور شفاف تحقیقات میں تعاون کی پیشکش بھی کی، مگر بھارت نے بغیر کسی ثبوت کے پاکستان پر الزامات عائد کر دیے۔ ان کے مطابق، بھارت آج تک ایک بھی ثبوت پیش نہیں کر سکا اور نہ ہی کسی گروہ نے اس حملے کی ذمہ داری قبول کی۔
انہوں نے مزید کہا کہ مقبوضہ کشمیر میں سات لاکھ بھارتی فوج کی موجودگی کے باوجود پہلگام واقعہ پیش آنا بھارتی سیکیورٹی کی مکمل ناکامی ہے۔ بھارتی انٹیلی جنس اس حوالے سے بری طرح ناکام ثابت ہوئی ہے۔
عطاء اللہ تارڑ نے بتایا کہ سیز فائر کے بعد ڈی جی ایم اوز کے درمیان پہلا رابطہ ہو چکا ہے۔ پاکستان دہشت گردی کے خلاف دنیا کی سب سے بڑی جنگ لڑ رہا ہے، اور مغربی سرحدوں پر دہشتگردوں کے خلاف کارروائیاں جاری ہیں۔ انہوں نے کہا کہ پاکستان میں کسی دہشت گرد گروہ کی کوئی محفوظ پناہ گاہ موجود نہیں۔
سیز فائر کو پاکستان کی حکمت عملی کی کامیابی قرار دیتے ہوئے انہوں نے کہا کہ پاکستان نے صرف بھارتی فوجی تنصیبات اور اسلحہ ڈپو کو نشانہ بنایا، اور بھارت کو شدید نقصان پہنچایا۔ ان کے بقول، بھارت اب مزید کشیدگی برداشت کرنے کی پوزیشن میں نہیں تھا۔
وفاقی وزیر اطلاعات نے کہا کہ پوری قوم افواجِ پاکستان کے ساتھ کھڑی ہے، اور پاکستان کی کامیابی روز روشن کی طرح عیاں ہے۔
Post Views: 6.ذریعہ: Daily Mumtaz
کلیدی لفظ: عطاء اللہ تارڑ نے نے کہا کہ پاکستان وزیر اطلاعات اور بھارت بھارت کے انہوں نے سیز فائر
پڑھیں:
افغان طالبان کی ڈھٹائی، ثالثوں نے بھی ہاتھ اٹھا لیے، استنبول مذاکرات بے نتیجہ ختم
افغان طالبان کی ڈھٹائی، ثالثوں نے بھی ہاتھ اٹھا لیے، استنبول مذاکرات بے نتیجہ ختم WhatsAppFacebookTwitter 0 8 November, 2025 سب نیوز
استنبول، اسلام آباد: (آئی پی ایس) پاکستان اور افغانستان کے درمیان استنبول میں ہونے والے مذاکرات ناکام ہوگئے جس کے بعد مذاکرت میں شامل پاکستانی وفد واپس روانہ ہوگیا۔
وزیر دفاع خواجہ آصف نے کہا ہے کہ پاک افغان مذاکرات ختم ہوچکے ہیں، مذاکرات کے اگلے دور کا اب کوئی پروگرام نہیں، ہمارا خالی ہاتھ واپس آنا اس بات کی دلیل ہے کہ ثالثوں کو بھی اب افغانستان سے امید نہیں ہے۔
اپنے بیان میں وزیر دفاع نے کہا کہ ترکیے اور قطرکے شکر گزار ہیں، خلوص کے ساتھ ثالثوں کا کردار ادا کیا، ترکیہ اور قطرپاکستان کے مؤقف کی حمایت کرتے ہیں۔
وزیر دفاع نےبتایا کہ افغان وفد کہہ رہا تھا کہ ان کی بات کا زبانی اعتبار کیا جائے جس کی کوئی گنجائش نہیں ہے، بین الاقوامی مذاکرات کے دوران کی گئی حتمی بات تحریری طور پر کی جاتی ہے، مذاکرات میں افغان وفد ہمارے موقف سے متفق تھا مگر لکھنے پر راضی نہ تھا۔
خواجہ آصف نے کہا کہ اس وقت مذاکرات ختم ہوچکے ہیں، اب ثالثوں نے بھی ہاتھ اٹھالیے ہیں ان کو ذرا بھی امید ہوتی تو وہ کہتے کہ آپ ٹھہر جائیں، اگر ثالث ہمیں کہتے کہ انہیں امید ہے اور ہم ٹھہر جائیں تو ہم ٹھہر جاتے۔
وزیر دفاع نے واضح کیا کہ اگرافغان سرزمین سے پاکستان پر حملہ ہوا تو اس حساب سے ردعمل دیں گے، اگرافغان سرزمین سے کوئی کارروائی نہیں ہوتی تو ہمارے لیے سیز فائر قائم ہے، ہمارا ایک ہی مطالبہ ہے کہ افغانستان کی سرزمین سے پاکستان پر حملہ نہ ہو۔
واضح رہے کہ وزیر دفاع خواجہ آصف نے کہا تھا کہ افغان طالبان زبانی یقین دہانیاں کروانے کے بجائے کسی تحریری معاہدے کا حصہ بن جائیں تو یہ دونوں ممالک اور پورے خطے کے لیے بہت اچھا ہو گا۔
خواجہ آصف کا کہنا تھا کہ اگر کالعدم ٹی ٹی پی کے لوگ، افغان طالبان کے قابو میں نہیں ہیں تو پھر پاکستان کو انھیں قابو کرنے دیں اور اگر پاکستان افغانستان میں کارروائی کرتا ہے تو پھر افغانستان کو اس پر اعتراض نہیں ہونا چاہئے۔
یاد رہے کہ گزشتہ روز پاکستان اور افغان طالبان کے درمیان استنبول میں مذاکرات کا تیسرا دور شروع ہوا تھا لیکن پاکستان اور افغانستان کے درمیان استنبول میں ہونے والے مذاکرات میں ڈیڈلاک ہو گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعدالت کا علیمہ اور عظمیٰ خان کو گرفتار کرکے پیش کرنے کا حکم عدالت کا علیمہ اور عظمیٰ خان کو گرفتار کرکے پیش کرنے کا حکم مسلم لیگ (ق) کا 27ویں آئینی ترمیم کی حمایت اور قومی مفاہمت کے لیے حکومت کے ساتھ تعاون کا اعلان ججز ٹرانسفر پر ایگزیکٹو کے اختیارات میں کمی، فیلڈ مارشل کا اعزاز تاحیات ہوگا، وفاقی وزیر قانون غزہ میں نسل کشی،ترکیہ نےنیتن یاہو کے وارنٹ گرفتاری جاری کر دیے وفاقی کابینہ نے 27ویں آئینی ترمیم کی منظوری دے دی امریکا نے شامی صدر کا نام عالمی دہشت گردوں کی فہرست سے نکال دیاCopyright © 2025, All Rights Reserved
رابطہ کریں ہماری ٹیم
پیٹرولیم مصنوعات کی قیمتوں میں اضافے کیخلاف درخواست پر جواب طلب