پاکستانی ایوی ایشن سیکیورٹی انسپکٹرزکی سرٹیفکیشن کا عمل مکمل
اشاعت کی تاریخ: 13th, May 2025 GMT
پاکستان سول ایوی ایشن اتھارٹی کے تمام افسروں نے انٹرنیشنل سول ایوی ایشن آرگنائزیشن کے تحت تربیت حاصل کرکے بین الاقوامی سطح پرایوی ایشن سیکیورٹی انسپکٹرز کی پہچان بن گئے ہیں۔
پاکستان سول ایوی ایشن اتھارٹی کے ترجمان کے مطابق آج پاکستان سول ایوی ایشن اتھارٹی نے فخر کے ساتھ دنیا کے ایوی ایشن کے میدان میں ایک اور بہت بڑا سنگ میل حاصل کیا ہے۔
ڈائریکٹوریٹ آف ایوی ایشن سیکیورٹی کے تمام افسروں کو انٹرنیشنل سول ایوی ایشن آرگنائزیشن کے قابل برطانوی ڈیپارٹمنٹ آف ٹرانسپورٹ کے انسٹرکٹرز کے ذریعے جامع تربیت اور جانچ کے بعد سرٹیفکیٹ دیے گئے ہیں۔
یہ بھی پڑھیں: پاکستان میں 26 فیصد پائلٹس کا تعلق بیرونی ممالک سے ہے، ڈی جی سول ایوی ایشن اتھارٹی
’انسٹرکٹرز نے خاص طور پر پاکستان آکر یہ ٹریننگ دی، اس طرح ہمارے تمام ایوی ایشن سیکیورٹی افسران بین الاقوامی سطح پر ایوی ایشن سیکیورٹی انسپکٹرز کی پہچان بن گئے۔‘
پاکستان کو پہلے ہی اپنے یونیورسل سیکیورٹی آڈٹ پروگرام کی بنیاد پر انٹرنیشنل سول ایوی ایشن آرگنائزیشن کی مؤثر نفاذ کی درجہ بندی کے لحاظ سے ایوی ایشن سیکیورٹی کے شعبے میں برصغیر کی قیادت کا اعزاز حاصل ہے۔
ترجمان پی سی اے اے کا کہنا ہے کہ یہ ٹریننگ سول ایوی ایشن اتھارٹی اور قومی ایوی ایشن سیکیورٹی انسپکٹرز کی صلاحیتوں کو مزید بڑھانے اور بین الاقوامی معیارات کے ساتھ پاکستان کی تعمیل کو مزید بڑھانے میں اہم کردار ادا کرے گی۔
مزید پڑھیں: پاکستان سول ایوی ایشن انڈسٹری ایک بار پھر کراس روڈ پر
ڈائریکٹر جنرل پاکستان سول ایوی ایشن اتھارٹی نادر شفیع ڈار فرانسیسی اور کوریائی سول ایوی ایشن اتھارٹیز کے ساتھ بھی ہم آہنگی میں رہے ہیں اور آخر کار سول ایوی ایشن اتھارٹی سیفٹی انسپکٹرز کے لیے ممتاز اداروں میں اسپانسر شدہ تعلیمی نشستیں حاصل کرنے میں کامیاب رہے ہیں۔
’کورین اور فرانسیسی حکومتوں نے اپنے ممالک میں ہمارے 2 افسروں کے لیے اسپانسر شدہ ماسٹرز پروگراموں اور تربیت کی بہت بڑے پیمانے پر منظوری دی ہے۔ ‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل سول ایوی ایشن آرگنائزیشن برطانوی پاکستان سول ایوی ایشن اتھارٹی ڈیپارٹمنٹ آف ٹرانسپورٹ سیفٹی انسپکٹرز نادر شفیع ڈار یونیورسل سیکیورٹی آڈٹ پروگرام.
ذریعہ
ذریعہ: WE News
کلیدی لفظ: انٹرنیشنل سول ایوی ایشن ا رگنائزیشن برطانوی پاکستان سول ایوی ایشن اتھارٹی ڈیپارٹمنٹ ا ف ٹرانسپورٹ نادر شفیع ڈار انٹرنیشنل سول ایوی ایشن ا رگنائزیشن پاکستان سول ایوی ایشن اتھارٹی
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی