رافیل جیٹ طیاروں کا تازہ ترین بحران، ڈیسالٹ ایوی ایشن شیئرز کی قیمت میں کمی کا رجحان
اشاعت کی تاریخ: 13th, May 2025 GMT
غیر ملکی میڈیا رپورٹسں میں بتایا گیا ہے کہ رافیل لڑاکا طیارے بنانے والی کمپنی ڈسالٹ ایوی ایشن کے حصص کی قدر میں مسلسل کمی دیکھی گئی ہے، کمپنی کے اسٹاک میں مزید 4.70 فیصد کمی کے بعد صرف ایک ہفتے میں مجموعی گراوٹ 8 فیصد سے زائد ہوگئی ہے۔
ڈیسالٹ ایوی ایشن کے مستقبل کے نقطہ نظر کے ارد گرد غیر یقینی صورتحال برقرار ہے کیونکہ مارکیٹ کا اعتماد متزلزل دکھائی دیتا ہے۔
اس سے قبل، رافیل لڑاکا طیاروں کے پیچھے کھڑی فرانسیسی کمپنی ڈیسالٹ ایوی ایشن کے شیئرز گزشتہ بدھ تیزی سے 6 فیصد گر گئے تھے۔
یہ بھی پڑھیں: پاکستانی ایئرفورس کی بھارتی فضائیہ پر برتری، چینی ایئرکرافٹ کمپنی کے شیئرز کی قیمت بڑھ گئی
یہ پیشرفت لائن آف کنٹرول اور مشرقی سرحد پر بڑھتی ہوئی فوجی کشیدگی کے تناظر میں پاکستانی فضائیہ کی جانب سے 3 رافیل جیٹ طیاروں سمیت 5 بھارتی طیاروں کو مار گرانے کے بعد سامنے آئی ہے۔
غور طلب ہے کہ آپریشن سیندور کے بارے میں ایک حالیہ پریس بریفنگ کے دوران بھارتی فضائیہ (آئی اے ایف) کے ایئر مارشل اے کے بھارتی نے پاکستان ایئر فورس (پی اے ایف) کی جانب سے رافیل جیٹ کے نقصان کی خبروں کی تصدیق کرنے سے گریز کیا تھا۔
ہندوستان کے ڈائریکٹر جنرل ملٹری آپریشنز (ڈی جی ایم او) لیفٹیننٹ جنرل راجیو گھئی سے جب رافیل طیارہ گرائے جانے کے بارے میں سوال کیا گیا تو انہوں نے کہا کہ ’نقصان لڑائی کا ایک حصہ ہے‘ لیکن آپریشنل سیکیورٹی خدشات کا حوالہ دیتے ہوئے انہوں نے تفصیلات فراہم کرنے سے انکار کردیا۔
مزید پڑھیں: پاک بھارت کشیدگی: 5 طیارے تباہ ہونے سے بھارت کو کتنا نقصان پہنچا؟
انہوں نے دعویٰ کیا کہ مذکورہ آپریشن میں مصروف ہندوستانی فضائیہ کے تمام پائلٹ بحفاظت واپس آگئے تھے۔
پاکستان نے بین الاقوامی میڈیا کو بتایا کہ شواہد سے پتہ چلتا ہے کہ اس نے آپریشن کے دوران 5 ہندوستانی لڑاکا طیاروں کو مار گرایا تھا، جن میں 3 فرانسیسی ساختہ رافیل بھی شامل تھے۔
خاموشی نے قیاس آرائیوں کو مزید ہوا دی ہے، خاص طور پر جب رافیل طیارے کو ہندوستانی فضائیہ کے ہتھیاروں میں ایک اہم تذویراتی برتری کے طور پر دکھایا گیا تھا۔
مزید پڑھیں: بھارت کابزدلانہ حملہ: ریاستی سرپرستی میں دہشتگردی اقوام عالم کےلیےخطرہ بن گئی
پاکستان کی فوج کا کہنا ہے کہ اس نے جوابی کارروائی کے دوران 5 بھارتی جیٹ طیاروں کو کامیابی کے ساتھ مار گرایا، حالانکہ بھارت نے ابھی تک سرکاری طور پر ان دعوؤں پر توجہ نہیں دی ہے۔
پاکستانی فوج کے ترجمان لیفٹیننٹ جنرل احمد شریف، پاک فضائیہ کے سینیئر افسر ایئر وائس مارشل اورنگزیب نے اعلان کیا کہ حالیہ تنازع کے دوران پی اے ایف نے بھارتی فضائیہ کے خلاف 6-0 کی فیصلہ کن فتح حاصل کی ہے۔
اللہ کا شکر ادا کرتے ہوئے ایئر وائس مارشل اورنگزیب نے بھارتی جارحیت کا موثر جواب دینے پر پاک فضائیہ کی کارکردگی کو سراہا۔ انہوں نے کہا کہ پی اے ایف نے امن اور جنگ دونوں میں پوری تیاری رکھی۔
مزید پڑھیں: پاک فضائیہ کی کارروائی دیکھ کر دل کیا دوبارہ یونیفارم پہن لوں، ایئر وائس مارشل (ریٹائرڈ) نصیر وائیں
’ہم نے ایئر چیف کی ہدایات پر عمل کیا اور پاکستان پر حملہ کرنے والوں کو نشانہ بنا کر اپنے دفاع کا حق استعمال کیا۔‘
انہوں نے تفصیل سے بتایا کہ پاکستان کی فضائی دفاعی کارروائیوں کے ایک حصے کے طور پر آنے والے تمام بھارتی ڈرونز اور میزائلوں کو ٹریک کیا گیا تھا، پی اے ایف نے دشمن کے ڈرونز کو کامیابی سے جام کیا، ان کے ڈیٹا کی ترسیل میں خلل ڈالتے ہوئے ہارڈ اور سوفٹ کِل (kill) دونوں تکنیکوں کا استعمال کیا۔
مارنے کے سخت طریقے کا استعمال صرف ان علاقوں میں کیا گیا جہاں عام شہری موجود تھے تاکہ نقصان کو کم سے کم کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی اے ایف ایئر وائس مارشل اورنگزیب بھارتی جیٹ پاکستان پاکستانی فوج کے ترجمان پی اے ایف ڈرونز ڈیسالٹ ایوی ایشن رافیل فرانس لیفٹیننٹ جنرل احمد شریف ہندوستانی فضائیہ.ذریعہ: WE News
کلیدی لفظ: ا ئی اے ایف ایئر وائس مارشل اورنگزیب بھارتی جیٹ پاکستان پاکستانی فوج کے ترجمان پی اے ایف رافیل لیفٹیننٹ جنرل احمد شریف ہندوستانی فضائیہ ایئر وائس مارشل فضائیہ کے پی اے ایف انہوں نے کے دوران
پڑھیں:
کراچی: 20واں عالمی کتب میلہ 18 دسمبر سے ایکسپو سینٹر میں سجے گا
— فائل فوٹوکراچی میں 5 روزہ 20واں کراچی عالمی کتب میلہ سجنے کو تیار ہے۔
چیرمین پاکستان بک سیلرز ایسوسی ایشن کامران نورانی نے کراچی پریس کلب میں پریس کانفرنس کرتے ہوئے کہا کہ یہ میلہ 18 دسمبر سے 22 دسمبر تک ایکسپو سینٹر میں لگایا جائے گا۔
ان کا کہنا تھا کہ اس میلے میں 3 سو 25 سے زائد کتابوں کے اسٹالز لگائے جائیں گے جہاں قومی اور بین الاقوامی پبلیشرز کی کتابیں رکھی جائیں گی جبکہ 5 لاکھ سے زائد افراد کی اس میلے میں شرکت کی توقع ہے۔
اس موقع پر ایسوسی ایشن کے سیکریٹری جنرل اور میلے کے کنوینئر وقار متین، وائس چیئرمین ندیم مظہر، چیئرمین اردو بازار ٹریڈ ایسوسی ایشن ساجد یوسف، امینہ سید اور دیگر بھی موجود تھے۔
کامران نورانی نے کہا کہ پاکستان پبلشرز اینڈ بکس سیلرز ایسوسی ایشن سندھ میں پبلشرز اور بکس سیلرز کی با قاعدہ رجسٹرڈ نمائندہ تنظیم ہے، کراچی ورلڈ بک فیئر پاکستان کے علمی و ثقافتی منظر نامے کا ایک نمایاں اور روایتی ایونٹ بن چکا ہے۔ یہ کتب میلہ قارئین، مصنفین اور اداروں کو ایک ہی پلیٹ فارم پر اکٹھا کرے گا تاکہ علم اور کتاب کی اہمیت کو اجاگر کیا جاسکے۔
کنوینر کتب میلہ وقار متین خان نے کہا کہ ایکسپو سینٹر کا 85 فیصد حصہ بھر چکا ہے اور اس سال پانچ لاکھ سے زائد علم و ادب کے متوالے میلے میں شرکت کریں گے۔
ندیم مظہر نے کہا کہ نیشنل بک فاؤنڈیشن اور دیگر سرکاری ادارے کراچی ورلڈ بک فیئر 2025 کی بھر پور حمایت کر رہے ہیں۔ تیاریوں کا عمل نہایت منظم انداز میں جاری ہے اور دسمبر میں ایک بہترین اور دیدہ زیب کتب میلہ پیش کیا جائے گا۔
ساجد یوسف نے کہا کہ پاکستان پبلشرز اینڈ بکس سیلرز ایسوسی ایشن کے ساتھ ہمیشہ یکجہتی برقرار رہے گی، اردو بازار کے کتاب فروشوں کی جانب سے میلے میں بھر پور شرکت کی جائے گی۔
ڈھائی لاکھ افغانوں کے جعلی پاکستانی شناختی کارڈ بنوانے کا انکشاف، نادرا نے بلاک کرنا شروع کردیے