قومی ویمنز ٹی 20 ٹورنامنٹ، اسٹارز اور چیلنجرز نے اپنے میچز جیت لیے
اشاعت کی تاریخ: 13th, May 2025 GMT
قومی ویمنز ٹی ٹوئنٹی ٹورنامنٹ میں منگل کوکھیلے جانے والے میچز میں اسٹارز اور چیلنجرز نے فتوحات سمیٹ لیں۔
نیشنل بینک اسٹیڈیم میں اسٹارز نے کانکررز کو 23 رنز سے ہرا دیا۔ یہ کانکررز کی چار میچزمیں پہلی شکست رہی۔
اسٹارز نے پہلے بیٹنگ کرتے ہوئے 8 وکٹوں پر 145 رنز بنائے،سدرہ امین 3چھکوں اور 7 چوکوں کی مدد سے 78 رنز بناکر ٹاپ اسکورر رہیں،فاطمہ ثنا نے 34 رنز کے عوض 3 وکٹیں اپنے نام کیں۔
کانکررز جواب میں 7 وکٹوں پر 122 رنز بناسکی۔فاطمہ ثنا نے 38 اور نجیہہ علوی نے 39 رنز ناٹ آؤٹ اسکور کیے۔ انوشے ناصر،نیلم مشتاق اور وحیدہ اختر نے دو دو وکٹیں حاصل کیں۔ سدرہ امین پلیئر آف دی میچ رہیں۔
اوول اکیڈمی گراؤنڈ میں چیلنجرز نے اسٹرائیکرز کو 7 رنز سے ہرادیا۔
چیلنجرز نے پہلے بیٹنگ کرتے ہوئے 7 وکٹوں پر 145 رنز بنائے۔عالیہ ریاض 35 رنز کے ساتھ ٹاپ اسکورر رہیں۔ ڈیانا بیگ اور ذونیش ستار نے تین تین کھلاڑیوں کو چلتا کیا۔
اسٹرائیکرز ہدف کے تعاقب میں 7 وکٹوں پر 138 رنز بناسکی۔ایمان فاطمہ نے9 چوکوں کی مدد سے56 رنز کی اننگ کھیلی،صدف شمس نے 31 رنز کے عوض 3 وکٹیں حاصل کیں اور پلیئر آف دی میچ قرار پائیں۔
.ذریعہ: Express News
کلیدی لفظ: وکٹوں پر
پڑھیں:
پاکستان ویمن ٹیم کی منیبہ اور فاطمہ کو عمدہ کارکردگی کا صلہ مل گیا
کراچی:آئی سی سی ویمنز ٹی 20 رینکنگ میں پاکستانی خواتین کرکٹرز کو بھی عمدہ کارکردگی پر ترقی مل گئی۔
پاکستان کی نمائندگی کرنے والی منیبہ علی اور فاطمہ ثنا نے حالیہ آئرلینڈ کے خلاف سیریز میں اپنی بہترین کارکردگی کے باعث عالمی رینکنگ میں پوزیشن بہتر بنائی ہے۔
سیریز کے آخری میچ میں منیبہ علی نے ناقابل شکست سنچری سے پاکستان کو فتح دلائی تھی، انھیں اس کارکردگی کا صلہ رینکنگ میں تین درجے ترقی کی صورت میں ملا اور وہ 32 ویں نمبر پر پہنچ گئیں۔
اسی طرح، آل راؤنڈر فاطمہ ثنا نے بھی اپنی صلاحیتوں سے پاکستان کو فائدہ پہنچایا، انھوں نے بیٹنگ رینکنگ میں چار درجے ترقی حاصل کی اور 59ویں نمبر پر پہنچ گئیں۔
اگرچہ پاکستان کی اسپنر سعدیہ اقبال کو سیریز میں وکٹیں کم ملیں لیکن وہ اب بھی ٹی ٹوئنٹی بولنگ کی رینکنگ میں دوسرے نمبر پر موجود ہیں۔
آئرلینڈ کی آل راؤنڈر اورلا پرینڈرگسٹ نے پاکستان کے خلاف شاندار پرفارمنس کے بعد رینکنگ میں نمایاں ترقی حاصل کر لی جبکہ آسٹریلیا کی فاسٹ بولر اینابیل سدھرلینڈ پہلی بار ٹی ٹوئنٹی بولرز کی عالمی درجہ بندی میں نمبر ون بن گئی ہیں۔
حالیہ تین میچوں کی سیریز میں آئرلینڈ نے پاکستان کو 1-2 سے شکست دی جس میں 23 سالہ پرینڈرگسٹ نے بیٹنگ اور بولنگ دونوں شعبوں میں شاندار کھیل پیش کیا، دائیں ہاتھ کی بیٹر نے مجموعی طور پر 144 رنز72 کی اوسط سے اسکور کیے اور اپنی کارآمد میڈیم پیس بولنگ سے چار اہم وکٹیں بھی حاصل کیں، جس کی بدولت وہ پلیئر آف دی سیریز قرار پائیں۔
آئی سی سی کی تازہ ترین رینکنگ میں پرینڈرگسٹ بیٹنگ میں 8 درجے ترقی پا کر 19ویں نمبر پر پہنچ گئی ہیں جبکہ آل راؤنڈرز کی فہرست میں بھی 3 درجے بہتری کے ساتھ چھٹے نمبر پر آگئی ہیں، ان کی ٹیم کی کپتان لورا ڈیلینی بیٹنگ رینکنگ میں 5 درجے ترقی کے بعد 50ویں پوزیشن پر پہنچیں جبکہ ربیکا اسٹوکل 5 زینے اوپر چڑھ کر 77ویں نمبر پر آگئیں۔
بولرز کی رینکنگ میں بڑی تبدیلی اس وقت آئی جب آسٹریلیا کی اینابیل سدھرلینڈ بغیر کوئی نیا میچ کھیلے پہلی بار نمبر ون پوزیشن پر پہنچ گئیں، مارچ میں نیوزی لینڈ کے خلاف 4 وکٹیں لینے کے بعد سے وہ ٹی ٹوئنٹی فارمیٹ میں نہیں کھیلیں لیکن ان کے 736 پوائنٹس برقرار رہے جبکہ دیگر ٹاپ بولرز کے پوائنٹس میں کمی آئی۔
لاہور، پی ٹی آئی کا 300 کارکنان گرفتار کیے جانے کا دعوی