انقرہ: سفارتخانہ پاکستان میں یومِ تشکر کی شاندار تقریب کا انعقاد
اشاعت کی تاریخ: 17th, May 2025 GMT
کولاج بشکریہ جنگ فوٹوز
ترکیہ کے دارالحکومت انقرہ میں سفارتخانہ پاکستان میں یومِ تشکر کے موقع پر ایک پروقار تقریب کا انعقاد کیا گیا جس میں ترک حکام، پاکستانی کمیونٹی، دانشوروں، صحافیوں اور سول سوسائٹی کے نمائندوں نے بڑی تعداد میں شرکت کی۔
اس تقریب کا مقصد بھارتی جارحیت کے خلاف پاکستان کی عظیم الشان عسکری اور سفارتی کامیابیوں پر اللّٰہ تعالیٰ کا شکر ادا کرنا اور آپریشن ’بنیان مرصوص‘ میں حاصل ہونے والی کامیابیوں پر مسلح افواج اور پاکستانی قوم کو خراجِ تحسین پیش کرنا تھا۔
اس موقع پر اظہارِ خیال کرتے ہوئے سفیر ڈاکٹر یوسف جنید نے کہا کہ ہندوستان کے غیر قانونی طور پر مقبوضہ جموں و کشمیر میں پہلگام حملے کے بعد پاکستان نے ایک غیر جانبدارانہ اور قابل اعتماد تحقیقات کا مطالبہ کیا جس نے مضبوط عالمی حمایت حاصل کی تاہم بھارت نے اس پیشکش کو قبول نہیں کیا اور ناقابل معافی جارحیت کا ارتکاب کیا۔
انہوں نے کہا کہ بھارت نے پاکستانی سرزمین پر بلا اشتعال حملے کیے جس میں خواتین اور بچوں سمیت معصوم جانیں ضائع ہوئیں، یہ صرف پاکستان پر حملہ نہیں تھا بلکہ یہ بین الاقوامی قانون اور انسانی اصولوں کی کھلم کھلا خلاف ورزی تھی۔
سفیر پاکستان نے کہا کہ بھارت کا یہ اقدام ناصرف پاکستان کی خودمختاری پر حملہ تھا بلکہ بین الاقوامی قانون، انسانی حقوق اور عالمی ضابطوں کی صریح خلاف ورزی بھی تھا۔
کینیڈا میں اٹاوہ میں ہائی کمیشن آف پاکستان اور ٹورنٹو اور وینکوور میں قونصلیٹ جنرل آف پاکستان میں یومِ تشکر کی تقریبات منعقد کی گئیں۔
انہوں نے اس بات پر زور دیا کہ پاکستان نے اپنے دفاع کے جائز حق کا استعمال کرتے ہوئے آپریشن ’بنیان مرصوص‘ کے ذریعے بھارتی فوجی اڈوں کو مؤثر انداز میں نشانہ بنایا، یہ کارروائی عسکری اعتبار سے نہایت کامیاب رہی جس نے دشمن کے جارحانہ عزائم کو خاک میں ملا دیا اور پاکستانی افواج کی پیشہ ورانہ مہارت و حوصلے کا عملی ثبوت فراہم کیا۔
سفیر نے اس موقع پر ترکیہ کی حکومت، عوام خصوصاً صدر رجب طیب اُردوان کا خصوصی شکریہ ادا کیا جنہوں نے مشکل کی اس گھڑی میں پاکستان کے مؤقف کی غیر مشروط حمایت کی اور ہر سطح پر پاکستان کے ساتھ یکجہتی کا مظاہرہ کیا۔
تقریب کے اختتام پر سفیر ڈاکٹر یوسف جنید نے پاکستان کی سیاسی قیادت، مسلح افواج اور پوری قوم کو خراجِ تحسین پیش کرتے ہوئے کہا کہ وہ باہمی اتحاد، یقین، اور قربانی کے جذبے کے ساتھ ایک ناقابلِ تسخیر دیوار بن کر دشمن کے مقابل صف آرا ہوئی۔
انہوں نے کہا کہ پاکستان ایک پُرعزم، باوقار اور خودمختار ملک ہے جو اپنی سلامتی اور وقار پر کوئی سمجھوتہ نہیں کرے گا۔
.ذریعہ: Jang News
کلیدی لفظ: نے کہا کہ
پڑھیں:
یارانِ جدہ گروپ کی جانب سے چوہدری عطا محمد چیمہ مرحوم کے ایصالِ ثواب کے لیے تعزیتی نشست کا انعقاد
یارانِ جدہ گروپ کی جانب سے چوہدری عطا محمد چیمہ مرحوم کے ایصالِ ثواب کے لیے تعزیتی نشست کا انعقاد WhatsAppFacebookTwitter 0 2 November, 2025 سب نیوز
جدہ(رپورٹ: خالد نواز چیمہ) پاکستانی کمیونٹی کی معروف و ہر دلعزیز شخصیت، سابق مشیر برائے وزیرِ اعلیٰ پنجاب اور چیئرمین پاکستان انویسٹرز فورم چوہدری اظہر عباس وڑائچ کے ماموں و سسر چوہدری عطا محمد چیمہ مرحوم (مرحوم ساکن ٹھٹھہ فقیراللہ، وزیر آباد) کے انتقال پر یارانِ جدہ گروپ کی جانب سے ایک پُراثر اور باوقار تعزیتی نشست کا اہتمام کیا گیا
یہ نشست جدہ میں پاکستانی کمیونٹی کے ممتاز رہنماؤں،پاکستاں قونصلیٹ کے افسران، سیاسی و سماجی شخصیات اور صحافتی برادری کی نمایاں موجودگی میں منعقد ہوئی۔ تقریب میں قونصل جنرل پاکستان جدہ خالد مجید، قونصلیٹ کے سینئر افسران، سابق وفاقی وزیر چوہدری شہباز حسین، صدر انویسٹرز فورم چوہدری شفقت محمود سمیت متعدد اہم شخصیات نے شرکت کی۔
تقریب کا آغاز تلاوتِ قرآنِ پاک سے ہوا، جس کے بعد مرحوم چوہدری عطا محمد چیمہ کے ایصالِ ثواب کے لیے اجتماعی دعا کی گئی۔ شرکائے تقریب نے مرحوم کی دینی و سماجی خدمات کو خراجِ تحسین پیش کرتے ہوئے کہا کہ وہ نہایت نیک، ملنسار اور خداترس شخصیت کے مالک تھے، جن کی وفات سے ایک مخلص بزرگ سے محروم ہوگئیے ہے۔
قونصل جنرل خالد مجید نے اپنے اظہارِ خیال میں کہا کہ پاکستانی کمیونٹی ہمیشہ دکھ سکھ میں ایک دوسرے کے ساتھ کھڑی رہتی ہے، اور یہی اتحاد ہماری سب سے بڑی قوت ہے۔ انہوں نے مرحوم کے اہلِ خانہ سے تعزیت کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبرِ جمیل عطا کرے۔
چوہدری اظہر وڑائچ نے تمام شرکاء کا شکریہ ادا کرتے ہوئے کہا کہ “میں دل کی گہرائیوں سے تمام دوستوں، کمیونٹی رہنماؤں اور قونصلیٹ کے افسران کا ممنون ہوں جنہوں نے میرے خاندانی غم کو اپنا سمجھ کر جس خلوص اور محبت کا اظہار کیا، وہ میں کبھی فراموش نہیں کرسکتا۔ جدہ کی پاکستانی کمیونٹی کا یہ جذبہ قابلِ فخر ہے۔
آخر میں شرکائے تقریب نے مرحوم کے درجات کی بلندی اور لواحقین کے لیے صبر و حوصلے کی دعا کی۔
اللہ رب العزت مرحوم چوہدری عطا محمد چیمہ کو جنت الفردوس میں اعلیٰ مقام عطا فرمائے اور اُن کے اہلِ خانہ کو یہ صدمہ برداشت کرنے کی توفیق دے۔ آمین
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعیسائیوں کے قتل عام کا الزام: ٹرمپ کا نائیجیریا میں فوجی کارروائی کیلئے تیاری کا حکم بھارت سے آنے والی ہواؤں سے لاہور کی فضا انتہائی مضر صحت اسلام آباد میں ٹریفک پولیس اہلکاروں پرتشدد اور ہلڑبازی کرنے والا نوجوان گرفتار ایوب خان کے پڑپوتے کے گھر چوری، سابق صدر کی یادگار اشیاء بھی غائب خطے میں کسی نے بدمعاشی ثابت کی تو پاکستان بھرپور جواب دے گا: ملک احمد خان بھارتی خفیہ ایجنسی نے پاکستانی مچھیرے کو پیسوں کا لالچ دیکر اپنے لیے کام کرنے پر آمادہ کیا، عطا تارڑ ڈی جی این سی سی آئی اے نے ضبط تمام جائیدادوں،گاڑیوں کی تفصیلات مانگ لیںCopyright © 2025, All Rights Reserved
رابطہ کریں ہماری ٹیم
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ