’’پہلے خود کو سنوارو، پھر محبت میں پڑو‘‘؛ انمول بلوچ کا مداحوں کو مشورہ
اشاعت کی تاریخ: 18th, May 2025 GMT
پاکستانی ڈراموں کی اداکارہ انمول بلوچ نے اپنے مداحوں کو محبت اور رشتوں سے متعلق اہم مشورے سے نوازا ہے۔
انمول بلوچ صرف اپنے کرداروں ہی سے نہیں بلکہ اپنے نڈر خیالات اور صاف گوئی سے بھی مداحوں کے دل جیت رہی ہیں۔ فیشن اور میک اپ میں نت نئے تجربات کرنے والی انمول کو مداح ایک مکمل فیشن آئیکون کے طور پر دیکھتے ہیں، اور اب انہوں نے اپنے مداحوں کے لیے رشتوں کے حوالے سے کچھ دلنشین مشورے بھی دے ڈالے ہیں۔
حال ہی میں انمول بلوچ نے ایک شو میں شرکت کی، جہاں انہوں نے اپنی زندگی، کیریئر اور مستقبل کے بارے میں بات کی۔ ان دنوں ان کی شادی کی افواہیں سوشل میڈیا پر گرم تھیں، جن پر اداکارہ نے دو ٹوک انداز میں کہا کہ ’’جب بھی ایسا کچھ ہونے والا ہوگا، میں خود اپنے مداحوں کو بتاؤں گی۔‘‘
اس گفتگو کے دوران انمول نے مداحوں کو رشتوں سے متعلق مشورہ دیتے ہوئے کہا کہ ’’کسی بھی رشتے میں آنے سے پہلے سب سے اہم بات یہ ہے کہ آپ خود کو سمجھیں اور اپنے اندر کی الجھنیں سلجھائیں۔‘‘
انمول کے مطابق، ایک کامیاب رشتہ وہی ہوتا ہے جس میں دونوں افراد ذہنی طور پر متوازن ہوں۔ انہوں نے زور دیا کہ ’’پہلے خود کو وقت دو، اپنے زخموں کو بھرنے دو، تب ہی آپ کسی اور کی شخصیت کو صحیح طریقے سے سمجھنے اور قبول کرنے کے قابل ہوسکتے ہو۔‘‘
اداکارہ نے مزید کہا کہ سادگی اور حقیقت پسندی ہی ایک شخص کو خاص بناتی ہے۔ ’’جیسی میں ہوں، ویسی ہی نظر آتی ہوں، اور لوگ اسی بات پر میری تعریف کرتے ہیں۔ خود کو کوئی اور ظاہر کرنے کی ضرورت نہیں۔‘‘
انمول بلوچ کے یہ خیالات مداحوں میں خوب سراہا جا رہے ہیں، اور ان کا پیغام واضح ہے: رشتہ تبھی خوبصورت ہوتا ہے جب انسان خود مکمل ہو، اندر سے بھی، باہر سے بھی۔
.ذریعہ: Express News
کلیدی لفظ: انمول بلوچ مداحوں کو خود کو
پڑھیں:
آسٹرین شہری نے خود کو آگ لگا کر انوکھا ریکارڈ بنا ڈالا
ایک آسٹرین ڈیئر ڈیول نے خود کو آگ لگا کر کم وقت میں طویل فاصلے تک گاڑی کھینچ کر گینیز ورلڈ ریکارڈ قائم کر دیا۔
جوزف ٹوڈٹلنگ نامی شخص خود کو آگ لگا کر 56.42 سیکنڈ میں 100 میٹر تک گاڑی کھینچ کر یہ کارنامہ انجام دینے والے پہلے شخص بن گئے۔ انہوں نے یہ کارنامہ رواں برس جون کی 24 تاریخ کو ویانا میں انجام دیا تھا۔
کوشش مکمل ہونے کے بعد ان کی سپورٹ ٹیم نے تین فائر ایکسٹینگوئشرز کو استعمال کرتے ہوئے ان کے جسم کو جلنے سے بچایا۔
جوزف اس ریکارڈ سے پہلے بھی خود کو آگ لگا کر متعدد ریکارڈ بنا چکے ہیں۔ ان ریکارڈز میں آکسیجن کے بغیر جسم کو طویل مدت تک آگ لگائے رکھنا (5 منٹ اور 41 سیکنڈ)، جسم کو آگ لگا کر کم وقت میں 200 میٹر کا فاصلہ طے کرنے سمیت دیگر ریکارڈز شامل ہیں۔
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی