کراچی، ڈاکوؤں سے مقابلے میں شدید زخمی پولیس اہلکار جان کی بازی ہار گیا
اشاعت کی تاریخ: 19th, May 2025 GMT
شاہین فورس کے اہلکار کانسٹیبل فاروق اور ساتھی کو مقابلے کے دوران ڈاکوؤں کی گولی لگی تھی، جبکہ فائرنگ کے بعد ڈاکو موقع سے فرار ہوگئے تھے۔ اسلام ٹائمز۔ شہر قائد میں ڈاکوؤں سے مقابلے میں شدید زخمی ہونے والا پولیس اہلکار جان کی بازی ہار گیا۔ کراچی پولیس کے مطابق سرجانی ٹاؤن کے علاقے میں علی الصبح ڈاکوؤں سے مقابلے میں شدید زخمی ہونے والا پولیس اہلکار دورانِ علاج زخموں کی تاب نہ لاتے ہوئے چل بسا۔ شاہین فورس کے اہلکار کانسٹیبل فاروق اور ساتھی کو مقابلے کے دوران ڈاکوؤں کی گولی لگی تھی، جبکہ فائرنگ کے بعد ڈاکو موقع سے فرار ہوگئے تھے۔ واقعے کے بعد پولیس اہل کار نجی اسپتال میں زیر علاج تھا، جہاں وہ زخموں کی تاب نہ لاتے ہوئے دم توڑ گیا۔ واضح رہے کہ سرجانی ٹاؤن کے علاقے کنیز فاطمہ سوسائٹی کے قریب پولیس مقابلے میں ڈاکوؤں کی فائرنگ سے شاہین فورس کا اہلکار شدید زخمی ہو گیا تھا۔ واقعہ کے وقت 4 مسلح ملزمان شہریوں سے لوٹ مار کر رہے تھے کہ شاہین فورس کے گشت پر مامور اہلکاروں نے ڈکیتوں کو گرفتار کرنے کی کوشش کی، تاہم انہوں نے پولیس اہلکاروں پر اندھا دھند فائرنگ کر دی اور فرار ہو گئے۔ پولیس ملزمان کو گرفتار کرنے کیلئے کوشش کر رہی ہے۔
.ذریعہ: Islam Times
کلیدی لفظ: پولیس اہلکار شاہین فورس مقابلے میں
پڑھیں:
کراچی: ڈاکوؤں سے مزاحمت کے مختلف واقعات میں تین افراد فائرنگ سے زخمی
کراچی کے مختلف علاقوں میں ڈاکوؤں نے مزاحمت پر تین افراد کو فائرنگ کر کے زخمی کر دیا۔
تفصیلات کے مطابق بلدیہ نواب کالونی روٹ 20 نمبر اسٹاپ کے قریب فائرنگ سے نوجوان زخمی ہوگیا جسے فوری طبی امداد کے لیے سول اسپتال لیجایا گیا۔
اتحاد ٹاؤن پولیس کے مطابق نوجوان کی شناخت 21 سالہ ذیشان کے نام سے کی گئی جبکہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے جس کی مزید تحقیقات کی جا رہی ہے۔
کریم آباد نجی بینک کے قریب فائرنگ سے نوجوان زخمی ہوگیا جسے فوری طبی امداد کے لیے عباسی شہید اسپتال لے جایا گیا۔
عزیز آباد پولیس کے مطابق نوجوان کی شناخت 24 سالہ نصیب زادہ کے نام سے کی گئی جبکہ واقعہ ڈکیتی کے دوران مزاحمت پر ڈاکوؤں کی فائرنگ سے پیش آیا ہے۔
دریں اثنا سرجانی ٹاؤن کے علاقے لیاری 36 بیت المکرم مسجد کے قریب فائرنگ سے 55 سالہ سکندر نامی شخص شدید زخمی ہوگیا جسے فوری طبی امداد کے لیے عباسی شہید اسپتال لیجایا گیا۔
چھیپا حکام کا کہنا ہے کہ واقعہ ڈکیتی کے دوران مزاحمت پر پیٹ اور بازو پر گولی لگنے کا بتایا جا رہا ہے جبکہ سرجانی ٹاؤن پولیس واقعے کو نامعلوم وجہ اور نامعلوم ملزمان کی فائرنگ کا شاخسانہ قرار دے رہی ہے۔
صدر مملکت اور وزیر اعظم کی سکیورٹی فورسز کے قافلے پر حملے کی مذمت