پاکستان نے شاہین میزائل کے استعمال کے بھارتی دعو ےمستردکردیئے
اشاعت کی تاریخ: 19th, May 2025 GMT
اسلام آباد: پاکستان نے آپریشن بنیانُ المرصوص کے دوران شاہین میزائل کے استعمال سے متعلق بھارتی میڈیا کے بے بنیاد دعوؤں کومستردکردیا
ترجمان دفتر خارجہ نے اپنے ایک بیان میں کہاکہ شاہین میزائل کے استعمال سے متعلق بھارتی میڈیاکے دعوے بے بنیادہیں۔واضح رہے کہ یہ دعوے اُس ویڈیو کے بعد سامنے آئے جو بھارتی فوج کے آفیشل ٹوئٹر ہینڈل سے جاری کی گئی، جس میں مبینہ طور پر پاکستان کے شاہین میزائل کو دکھایا گیا تھا جب بھارتی فوج کو اس دعوے کی حقیقت کا ادراک ہوا تو انہوں نے مذکورہ گمراہ کن ویڈیو فوری طور پر حذف کر دی تاہم تب تک بھارتی میڈیا کے کچھ حلقے اس غلط دعوے کو بغیر تصدیق کے پھیلا چکے تھے۔ترجمان کے مطابق افسوسناک امر یہ ہے کہ اب بھی بعض بھارتی میڈیا ادارے اس جھوٹ پر مبنی بیانیے کو فروغ دے رہے ہیں۔یہ امر بھی قابل ذکر ہے کہ بھارتی فوج کے آفیشل ہینڈل نے اس غلطی پر تاحال کوئی وضاحت یا تردید جاری نہیں کی۔تجزیہ کاروں کے مطابق، اس قسم کی جھوٹی اطلاعات کا مقصد بھارت کو آپریشن سندور میں ہونے والی ناکامیوں سے توجہ ہٹانا ہے، جو پاکستان کی روایتی عسکری صلاحیتوں کے مظاہرے کا نتیجہ تھیں۔ مزید برآں یہ جھوٹی خبریں نئی دہلی کے اُس مسلسل پروپیگنڈے کا حصہ ہیں جس کے ذریعے وہ جنگ بندی اور پاکستان پر نام نہاد ایٹمی بلیک میلنگ جیسے الزامات عائد کر رہا ہے۔پاکستان کی جانب سے استعمال کیے گئے ہتھیاروں کی تفصیلات آئی ایس پی آر کے 12 مئی 2025 کے پریس ریلیز میں موجود ہیں۔ پاکستان کی مسلح افواج نے فَتح سیریز کے ایف-1 اور ایف-2 میزائل، جدید گولہ بارود، طویل فاصلے تک مار کرنے والے قاتل ڈرونز، اور انتہائی درستگی کے ساتھ نشانہ بنانے والی طویل فاصلے کی توپیں استعمال کیں۔ ان حملوں میں بھارت اور مقبوضہ جموں و کشمیر میں موجود فوجی اہداف کو نشانہ بنایا گیا، جن کی تفصیلات آئی ایس پی آر کی 12 مئی کی پریس ریلیز میں دی گئی ہیں۔ترجمان کے مطابق بغیر تصدیق کے اشتعال انگیز مواد پھیلانا نہ صرف علاقائی استحکام کو نقصان پہنچاتا ہے بلکہ سرکاری اداروں کی پیشہ ورانہ ساکھ پر بھی سوال اٹھاتا ہے۔
ذریعہ: Daily Mumtaz
کلیدی لفظ: شاہین میزائل
پڑھیں:
پاکستان نے افغان طالبان ترجمان کا بیان گمراہ کن قرار دے کرمسترد کردیا
data-id="863a0a8" data-element_type="widget" data-widget_type="theme-post-content.default">
اسلام آباد: وزارت اطلاعات و نشریات نے افغان طالبان کے ترجمان کا بیان گمراہ کن قرار دے کر مسترد کردیا اور کہا ہے کہ پاکستان کے خلاف افغانستان کے جھوٹے دعوے حقائق کے منافی ہیں۔
وزارت اطلاعات نے سماجی رابطے کی ویب سائٹ ایکس پر جاری بیان میں کہا ہے کہ پاکستان افغان ترجمان کے گمراہ کن بیان کو مسترد کرتا ہے، استنبول مذاکرات سے متعلق حقائق کو افغان طالبان کے ترجمان نے توڑ مروڑ کر پیش کیا۔
وزارت اطلاعات نے کہا کہ پاکستان نے افغان سرزمین پر موجود دہشت گردوں کی گرفتاری کا مطالبہ کیا، افغان فریق کے دعوے پر پاکستان نے فوری طور پر تحویل کی پیشکش کی، پاکستان کا مؤقف واضح، مستقل اور ریکارڈ پر موجود ہے۔
وزارت اطلاعات نے کہا کہ پاکستان کے خلاف غلط بیانی قبول نہیں، افغانستان کی جانب سے جھوٹے دعوے حقائق کے منافی ہیں، پاکستان نے واضح کیا ہے کہ دہشت گردوں کی حوالگی سرحدی انٹری پوائنٹس سے ممکن ہوتی ہے، پاکستان کے مؤقف کو غلط انداز میں پیش کیا جا رہا ہے۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند