ہمیں شہادت کی آرزو زندگی سے زیادہ ہے: لیفٹیننٹ جنرل احمد شریف چوہدری
اشاعت کی تاریخ: 20th, May 2025 GMT
لیفٹیننٹ جنرل احمد شریف چوہدری: تصویر، اسکرین گریب
ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری نے کہا ہے کہ میں پہلے بھی کہتا رہا ہوں اب بھی کہتا ہوں کہ ہمیں شہادت کی آرزو زندگی سے زیادہ ہے، ہم اللّٰہ کے بعد سب سے زیادہ اپنے آپ پر انحصار کرتے ہیں۔
لیفٹیننٹ جنرل احمد شریف چوہدری نے چینی میڈیا گروپ کو انٹرویو دیتے ہوئے کہا کہ پاکستان کیلئے سب سے اہم چیز اس کی طاقت ہے، جب ہمارا عزم مضبوط ہوگا جو ہم نے دکھایا بھی تو بین الاقوامی کمیونٹی بھی اپنا کردار ادا کرتی ہے۔
ڈی جی آئی ایس پی آر نے کہا کہ دنیا کے جتنے بھی ممالک ہیں سب کو اس وقت بڑے چیلنجز کا سامنا ہے، دنیا کو موسمیاتی تبدیلی اور بڑھتی آبادی کے مسائل ہیں، بہت سارے مسائل سے دنیا نبرد آزما ہے، جو بڑے ممالک ہیں ان کا وژن بھی بڑا ہے، لوگ انسانیت کی ترقی کی جانب دیکھ رہے ہیں۔
انہوں نے کہا کہ کیا ایسے میں ایک ملک دوسرے ملک پر بلا جواز، جھوٹے بیانیے اور بغیر ثبوت کے چڑھ دوڑے! پڑوسی ممالک کے اوپر اپنی اجارہ داری مسلط کرنے کی کوشش کرے!
کشمیر ایک بین الاقوامی تسلیم شدہ تنازع ہے، بھارت مسئلہ کشمیر کو جبر سے اسے اندرونی مسئلہ بنانے کی کوشش کر رہا ہے، لیفٹیننٹ جنرل احمد شریف چوہدری
لیفٹیننٹ جنرل احمد شریف چوہدری نے کہا کہ پاکستان کی قوم نہ تو پہلے جھکی تھی اور نہ ہم اب جھکیں گے، ہم دہشتگردی کی لعنت سے لڑ رہے ہیں، دہشتگردی کا مقصد ہی ترقی کو روکنا ہے۔
انہوں نے کہا کہ پاکستان اور چین دونوں خطے میں امن و استحکام کیلئے کوشاں ہیں، چین نے کم عرصے میں جو ترقی کی ہے اسے دنیا کو دیکھنا چاہیے، پاکستان کے عوام بھی ترقی اور استحکام کی جانب جانا چاہتے ہیں، ہماری پہلی ترجیح امن ہے۔
ڈی جی آئی ایس پی آر نے کہا کہ آج پاکستان کی گلیوں میں دیکھیں تو لوگ آپ کو امن کی خوشی مناتے نظر آئیں گے، پاکستان کے لوگوں میں آپ کو انسانیت نظر آئے گی، ہم عاجزی کرتے ہوئے اللّٰہ کا شکر ادا کرتے ہیں۔
لیفٹیننٹ جنرل احمد شریف چوہدری نے کہا کہ ہم اللّٰہ تعالیٰ کے حضور سجدہ شکر ادا کرتے ہیں کیونکہ ہم امن پسند ہیں۔
.ذریعہ: Jang News
کلیدی لفظ: لیفٹیننٹ جنرل احمد شریف چوہدری ا ئی ایس پی ا چوہدری نے نے کہا کہ
پڑھیں:
وزیر اعظم شہباز شریف حجاز مقدس کے سرکاری دورہ پر سعودی عرب پہنچ گئے
سٹی42: وزیر اعظم شہباز شریف حجاز مقدس کے سرکاری دورہ پر سعودی عرب پہنچ گئے۔ سعودیہ کی فضا میں پہنچتے ہی وزیراعظم کے طیارے کو سعودی فضائیہ کے طیاروں نے سلامی پیش کی اور اور اپنی حفاظت میں دارالھکومت ریاض کے ائیرپورٹ تک لائے۔
وزیراعظم شہباز شریف مملکت سعودی عرب کے کراؤن پرنس محمد بن سلمان کی دعوت پر سعودی عرب کے دورہ ،ختصر دورہ پر گئے ہیں۔ وزیراعظم کی پرنس محمد بن سلمان سے ملاقات آج ہی متوقع ہے۔
راوی روڈ سے نوجوان کی گولی لگی لاش برآمد
سرکاری میڈیا کے مطابق وزیراعظم شہباز شریف سعودی ولی عہد محمد بن سلمان کی دعوت پر کابینہ کے اہم ارکان کے ساتھ ایک روزہ سرکاری دورے پر سعودی عرب کا دورہ کر رہے ہیں۔
ریاض ائیرپورٹ پر ڈپٹی گورنر ریاض شہزادہ محمد بن عبدالرحمان بن عبدالعزیز نے وزیر اعظم کا استقبال کیا۔
وزیراعظم شہبازشریف سعودی ولی عہد شہزادہ محمد بن سلمان سے ملیں گے ۔ملاقات میں مشرق وسطیٰ کی صورتحال اور دیگر اہم امور پر تبادلہ خیال ہو گا۔
عراق میں مقدس مقامات کی زیارات کے لیے عمر کی حد مقرر
وزیراعظم کی آمد پر سعودی ائیر فورس کا فلائی پاسٹ
سعودی فضائیہ کے ایف-15 لڑاکا طیاروں نے وزیر اعظم کے طیارے کو حصار میں لیتے ہوئے استقبال کیا۔
وزیراعظم نے طیارے میں اپنی نشست پر بیٹھے ہوئے ہی فلائی پاسٹ میں شریک طیاروں کے پلائلٹس کو سلامی کا سلامی سے جواب دیا۔
کم سن گھریلو ملازمہ پراسرارطورپر ہلاک
وزیراعظم شہباز نے اس استقبال پر اپنے طیارہ سے ہی سعودی پرنس محمد بن سلمان کا شکریہ ادا کیا اور فلائی پاسٹ میں سعودی فضائیہ کے پائلٹوں کو بھی خراج تحسین پیش کیا۔
وزیر دفاع خواجہ آصف نے پاکستان کے وزیراعظم کے سعودیہ میں اس شاندار استقبال پر سوشل پلیٹ فارم ایکس پر کہا، سعودی عرب حکومت کی طرف سے برادرانہ محبت اور احترام کا مظاہرہ، عالم اسلام میں یہ مقام اللہ کی مہربانی، شہباز شریف کی سفارتی مہارت اور ہماری افواج کی بے مثال کامیابیوں کا ثمر ہے۔
بھارت کے ہندوتوا پرست متعصب دماغوں کی کرکٹ پر دھونس جاری رہے گی یا نہیں؛ فیصلہ کی گھڑی آگئی
شہباز شریف جنرل اسمبلی سے خطاب کریں گے
سعودی عرب سے وزیر اعظم کل برطانیہ روانہ ہوں گے اور برطانیہ میں 2 روز قیام کے بعد جنرل اسمبلی کے اجلاس میں شریک ہونے کے لئے نیویارک جائیں گے۔
نیویارک میں وزیر اعظم شہباز ا جنرل اسمبلی سے خطاب کریں گے۔ جنرل اسمبلی کے اس سیشن کو فلسطین کے مسئلہ کے حوالے سے خاص الخاص اہمیت دی جا رہی ہے۔
اس مختصر دورہ کا بینادی مقصد جنرل اسمبلی میں دنیا کے اہم ترین مسائل خصوصاً فلسطین اور کلائمیٹ چینج پر پاکستان کے قومی مؤقف سے اقوامِ عالم کو آگاہ کرنا ہے البتہ وزیراعظم کی امریکہ کے صدر ٹرمپ سے ملاقات کا بھی امکان ہے۔
Waseem Azmet
وزیراعظم یوتھ پروگرام کے تحت ایک لاکھ انویٹرز کو نیشنل انوویشن ایوارڈز تفویض