فرانس میں کشتی الٹنے سے ایک تارک وطن ہلاک، 200 افراد کو بچا لیا گیا
اشاعت کی تاریخ: 20th, May 2025 GMT
لیل، فرانس: فرانس سے برطانیہ جانے کی کوشش کے دوران بحرِ مانش (English Channel) میں کشتی ٹوٹنے سے ایک تارک وطن ہلاک ہو گیا جبکہ ایک تاحال لاپتہ ہے۔ واقعہ اتوار اور پیر کی درمیانی شب پیش آیا۔
فرانسیسی میرٹائم پریفیچر کے مطابق، 61 افراد کو حادثے کے بعد بچا لیا گیا۔ پیر کی سہ پہر مزید بتایا گیا کہ اتوار کو دو الگ واقعات میں 139 تارکین وطن کو بھی شمالی فرانس کے ساحل سے ریسکیو کیا گیا۔
حکام کے مطابق، پیر کی صبح 2:30 بجے واقعے کی اطلاع ملی جس کے بعد فرانسیسی ریسکیو کشتی، برطانوی امدادی جہازوں اور فرانسیسی نیوی کے ہیلی کاپٹر کو متحرک کیا گیا۔
بچائے گئے افراد میں ایک بچہ اور اس کی ماں بھی شامل ہیں، جو شدید سردی کا شکار ہو چکے تھے، انہیں فوری طور پر بولونی-سور-مر کے اسپتال منتقل کیا گیا۔
حادثے کے وقت کشتی میں ضرورت سے زائد افراد سوار تھے، جس کے باعث وہ ٹوٹ گئی۔
2025 کے آغاز سے اب تک کم از کم 12 تارکین وطن جان کی بازی ہار چکے ہیں جبکہ 2024 میں 78 افراد ان خطرناک سمندری راستوں میں جان سے ہاتھ دھو بیٹھے، جو 2018 سے اب تک سب سے زیادہ ہے۔
2024 میں 36,800 سے زائد افراد نے چھوٹی کشتیوں کے ذریعے انگلینڈ کا رخ کیا، جو 2023 کی نسبت 25 فیصد زیادہ ہے۔
ذریعہ: Express News
پڑھیں:
کئی امریکی ریاستیں طوفان کی لپیٹ میں آگئیں، 25 سے زائد افراد ہلاک
امریکی ریاستوں میسوری، کینٹکی اور ورجینیا میں شدید طوفان سے 25 سے زائد افراد ہلاک ہو گئے۔
۔
یہ بھی پڑھیں:میکسیکن بحری جہاز نیویارک کے تاریخی بروکلین پل سے ٹکرا گیا، 19 افراد زخمی
انٹرنیشنل میڈیا کے مطابق شدید طوفان نے گھروں اور کاروباروں کو درہم برہم کر دیا جبکہ ہزاروں لوگوں کی بجلی منقطع ہو گئی
کینٹکی میں جمعہ کی رات آنے والے طوفانوں میں کم از کم 18 افراد ہلاک ہوئے۔
ریاست کے گورنر اینڈی بیشیر نے ایکس پر پوسٹ کیا، جبکہ میسوری میں حکام نے بتایا کہ وہاں مزید 7 افراد ہلاک ہوئے۔
مقامی میڈیا کے مطابق ورجینیا میں درخت گرنے سے دو افراد بھی ہلاک ہوئے۔ اس علاقے میں طوفان نے علاقے کے 100 سے 200 مکانات کو تباہ کر دیا۔
ہفتے کو دیر گئے 3 ریاستوں میں 108,000 سے زیادہ لوگ اب بھی بجلی سے محروم تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا طوفان کینٹکی میسوری ورجینیا
دنیا کے غریب ترین صدر خوسے موہیکا کی جدوجہد بھری زندگی کا اختتام