آرمی چیف جنرل عاصم منیر کی فیلڈ مارشل کے عہدے پر ترقی کا نوٹیفکیشن جاری
اشاعت کی تاریخ: 21st, May 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔ 21 مئی ۔2025 )آرمی چیف جنرل عاصم منیر کو فیلڈ مارشل کے عہدے پر ترقی دینے کا نوٹیفکیشن جاری کر دیا گیا ہے وزارت دفاع کی جانب سے جنرل عاصم منیر کی بطور فیلڈ مارشل ترقی کا نوٹیفکیشن جاری کیا گیا ہے نوٹیفکیشن کے مطابق ترقی پاکستان آرمی ریگولیشنز (رولز 1998)کے تحت دی گئی.
(جاری ہے)
یاد رہے کہ منگل کے روز وزیر اعظم شہباز شریف کی زیر صدارت وفاقی کابینہ کا اہم اجلاس ہوا جس میں آرمی چیف جنرل سید عاصم منیر کو فیلڈ مارشل کے عہدے پر ترقی دینے کی منظوری دی گئی دریں اثنا چیئرمین جوائنٹ چیفس آف اسٹاف کمیٹی جنرل ساحر شمشاد مرزا نشانِ امتیاز (ملٹری) نے چیف آف آرمی اسٹاف جنرل سید عاصم منیر کو فیلڈ مارشل کے معزز و اعلی ترین رینک پر ترقی پانے پر دل کی گہرائیوں سے مبارکباد پیش کی ہے. پاک فوج کے شعبہ تعلقات عامہ (آئی ایس پی آر) کے مطابق اپنے تہنیتی پیغام میں جنرل ساحر شمشاد مرزا نے جنرل عاصم منیر کی شاندار قیادت، غیر متزلزل عزم اور قوم کے لیے ان کی ممتاز خدمات کو زبردست خراجِ تحسین پیش کیا انہوں نے حالیہ کامیاب آپریشنز ”معرکہ حق“اور ”بنیان مرصوص“کی کامیاب منصوبہ بندی اور قیادت کو بھی سراہا جو قومی سلامتی اور دفاع کے لیے ایک سنگِ میل کی حیثیت رکھتے ہیں چیئرمین جوائنٹ چیفس نے اس امید کا اظہار کیا کہ جنرل عاصم منیر کی قیادت میں افواجِ پاکستان مزید استحکام اور کامیابی کی طرف گامزن رہیں گی.
ذریعہ: UrduPoint
کلیدی لفظ: تلاش کیجئے جنرل عاصم منیر کی فیلڈ مارشل کے
پڑھیں:
وزیراعلیٰ سندھ کا آرمی چیف سید عاصم منیر کی فیلڈ مارشل کے عہدے پر ترقی کا خیر مقدم
اپنے تہنیتی پیغام میں سید مراد علی شاہ کا کہنا تھا کہ دشمن کے دلوں میں دھاک بٹھانے والوں کو اعزاز دینا زندہ قوموں کی روایت ہے، معرکہ حق میں فتح مبین جنرل عاصم منیر کی بے مثال قیادت کا ثبوت ہے۔ اسلام ٹائمز۔ وزیراعلیٰ سندھ سید مراد علی شاہ نے سید عاصم منیر کی فیلڈ مارشل کے عہدری ترقی کا خیرمقدم کرتے ہوئے کہا ہے کہ آرمی چیف عاصم منیر کی ناقابل شکست حکمت عملی نے بھارت کو چند گھنٹے میں گھٹنے ٹیکنے پر مجبور کردیا۔ وزیراعلیٰ سندھ نے فیلڈ مارشل سید عاصم منیر کو اعزاز ملنے پر مبارکباد دی۔انہوں نے کہا کہ دشمن کے دلوں میں دھاک بٹھانے والوں کو اعزاز دینا زندہ قوموں کی روایت ہے، معرکہ حق میں فتح مبین جنرل عاصم منیر کی بے مثال قیادت کا ثبوت ہے۔ انہوں نے کہا کہ ایئر چیف ایئر مارشل اور ظہیر احمد بابر سندھو کی خدمات جاری رکھنے کا فیصلہ بھی خوش آئند ہے، پاک فضائیہ کے شاہینوں نے بھارت کا غرور خاک میں ملا دیا، بنیان مرصوص کے شہداء اور غازیوں کو نوازنا بھی قومی قرض ہے۔
ملتان، مسیحی برادری کی جانب سے پاک فوج سے اظہار یکجہتی کیلئے ریلی