پاک چین سفارتی تعلقات کی 74ویں سالگرہ، طلبا و طالبات کا شاندار پرفارمنس کا مظاہرہ
اشاعت کی تاریخ: 21st, May 2025 GMT
خیبرپختونخوا کے دارالحکومت پشاور میں قائم چینی ثقافتی مرکز چائنا ونڈو کے زیراہتمام پاکستان اور عوامی جمہوریہ چین کے سفارتی تعلقات کی 74 ویں سالگرہ کی تقریب صوبائی اسمبلی ہال میں منعقد ہوئی۔
آئی جی پولیس خیبر پختونخوا ذوالفقار حمید مہمان خصوصی تھے، جبکہ اراکین صوبائی اسمبلی تاج محمد ترند، عبدالمنیم خان، خورشید خان اور خالد خان، بشپ ارنسٹ جیکب، سکواش کے سابق عالمی چیمپئن قمر زمان اور زندگی کی مختلف شعبوں سے تعلق رکھنے والوں کی بڑی تعداد تقریب میں موجود تھی۔
یہ بھی پڑھیں دفتر خارجہ نے پاک چین دوستی بارے بین الاقوامی جریدے کی رپورٹ مسترد کردی
پشاور ماڈل اسکول کے بچوں اور بچیوں نے چینی اور پاکستانی دھنوں پر شاندار پرفارمنس کا مظاہرہ کرکے تقریب کو یادگار بنا دیا۔
تقریب سے خطاب میں آئی جی پولیس خیبر پختونخوا ذوالفقار حمید نے کہاکہ 21 مئی کا دن ہمارے لیے ایک تاریخی سنگِ میل کی حیثیت رکھتا ہے، پاکستان اور عوامی جمہوریہ چین کے درمیان قائم سفارتی تعلقات کو 74 سال مکمل ہو چکے ہیں اور یہ نہ صرف ایک تعلق کی سالگرہ ہے بلکہ دو قوموں کے درمیان غیر متزلزل اعتماد، بے مثال محبت اور مثالی تعاون کا جشن ہے۔
انہوں نے کہاکہ خیبر پختونخوا اسمبلی کی اس عظیم اور باوقار عمارت میں پہلی مرتبہ پاک چین دوستی کی سالگرہ کا اہتمام اس امر کا واضح ثبوت ہے کہ پشاور کے عوام چینی بہنوں اور بھائیوں سے کس قدر محبت کرتے ہیں۔
ذواالفقار حمید نے کہاکہ خیبرپختونخوا پولیس کے سربراہ کی حیثیت سے وہ چینی باشندوں کو یقین دلانا چاہتے ہیں کہ ہم ان کی جان و مال کی حفاظت کے لیے کوئی کسر نہیں اٹھا رکھیں گے۔
تقریب سے خطاب میں اراکین صوبائی اسمبلی تاج محمد ترند، عبدالمنیم خان، خورشید خان اور خالد خان، بشپ ارنسٹ جیکب، سکواش کے سابق عالمی چیمپیئن قمر زمان، ڈاکٹر رفعت عزیز، ڈاکٹر سیما شفیع اور سابق آئی جی پولیس سید اختر علی شاہ نے کہاکہ پاکستان اور چین کی دوستی وقت کی کسوٹی پر ہمیشہ پوری اتری ہے، چاہے وہ 1965 کی جنگ ہو، 1971 کا بحران، یا زلزلے، سیلاب اور عالمی دباؤ کے لمحات ہوں، چین نے ہمیشہ پاکستان کا ساتھ دیا، اور پاکستان نے چین پر ہمیشہ بھروسہ کیا۔
مقررین نے کہاکہ یہ دوستی محض مفادات کی نہیں بلکہ اقدار، احترام، اور ایک دوسرے کی خودمختاری کے احترام پر مبنی ہے۔ یہی وہ رشتہ ہے جسے ہم آہنی بھائی چارہ کہتے ہیں۔ ایک ایسا تعلق جو ہمالیہ کی بلندیوں، بحیرہ جنوبی چین کی گہرائیوں اور صحرا کی وسعتوں سے بھی زیادہ مضبوط ہے۔
مقررین کا مزید کہنا تھا کہ سی پیک کے ذریعے چین نے پاکستان کو ترقی کا نیا راستہ دیا۔ یہ صرف ایک اقتصادی راہداری نہیں بلکہ عوام کو جوڑنے کا ایک وژن ہے۔ خیبر پختونخوا بھی اس وژن میں پیش پیش ہے۔ رشکئی اکنامک زون، ہائیڈرو پاور پروجیکٹس، اور ٹورازم سیکٹر میں تعاون اس بات کا ثبوت ہیں کہ ہم چینی سرمایہ کاری کو خوش آمدید کہتے ہیں۔
یہ بھی پڑھیں پاک چین دوستی: ’سی پیک کے تحت پاکستان میں بے مثال تعمیر و ترقی‘
مقررین نے کہاکہ چائنہ ونڈو جیسے ادارے حقیقی معنوں میں پبلک ڈپلومیسی کے سفیر ہیں۔ انہوں نے نہ صرف ثقافتی سرگرمیوں کو فروغ دیا، بلکہ پشاور جیسے شہر میں چینی زبان، ثقافت، تاریخ، اور سائنسی ترقی سے عوام کو روشناس کرایا اورچائنہ ونڈو کو خیبرپختونخوا میں پاک چین دوستی کا استعارہ بنا دیا ہے، تقریب میں بعدازاں سالگرہ کا کیک کاٹا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک چین دوستی پاک چین سفارتی تعلقات سالگرہ وی نیوز.ذریعہ: WE News
کلیدی لفظ: پاک چین دوستی پاک چین سفارتی تعلقات سالگرہ وی نیوز سفارتی تعلقات خیبر پختونخوا پاک چین دوستی نے کہاکہ
پڑھیں:
شاہ رخ خان کی سالگرہ: 60 کی عمر میں بھی جین زی کے پسندیدہ ’لَور بوائے‘ کیوں ہیں؟
محبت کے بادشاہ، شاہ رخ خان آج اپنی 60ویں سالگرہ منا رہے ہیں، مگر حیرت انگیز بات یہ ہے کہ نئی نسل جین زی آج بھی ان کی پرانی رومانوی فلموں کی دیوانی ہے۔ جدید دور میں جہاں رشتے ڈیٹنگ ایپس اور میسجنگ تک محدود ہو گئے ہیں، وہاں نوجوان نسل پرانے انداز کی محبت میں پھر سے کشش محسوس کر رہی ہے اور اس کے مرکز یقینا شاہ رخ خان ہیں۔
’دل والے دلہنیا لے جائیں گے‘، ’کچھ کچھ ہوتا ہے‘، ’ویر زارا‘ اور ’محبتیں‘ جیسی فلمیں آج بھی نوجوانوں کے جذبات کو چھو رہی ہیں۔ او ٹی ٹی پلیٹ فارمز اور تھیٹر ری ریلیز کے ذریعے یہ فلمیں دوبارہ دیکھی جا رہی ہیں اور جین زی فلمی شائقین شاہ رخ خان کے سادہ مگر گہرے رومانس کو نئے انداز میں سراہ رہے ہیں۔
فلم ٹریڈ تجزیہ کار گِرش وانکھیڑے کے مطابق، شاہ رخ خان کا جین زی سے تعلق صرف یادوں تک محدود نہیں بلکہ ان کی خود کو وقت کے ساتھ بدلنے کی صلاحیت نے انہیں ہر دور سے وابستہ رکھا ہے۔
انہوں نے کہا، ’شاہ رخ خان ہمیشہ سے آگے سوچنے والے فنکار ہیں۔ وہ میڈیا، ٹیکنالوجی اور او ٹی ٹی پلیٹ فارمز کے ساتھ خود کو اپڈیٹ کرتے رہے ہیں۔ انہوں نے خود کو صرف ایک اداکار نہیں بلکہ ایک برانڈ کے طور پر منوایا ہے۔‘
اسی طرح فلمی ماہر گِرش جوہر کا کہنا ہے کہ یہ نیا جنون کوئی حادثہ نہیں بلکہ ایک فطری تسلسل ہے۔ ان کا ماننا ہے، ’شاہ رخ خان ایک عالمی ستارہ ہیں۔ ان کی فلموں میں جو جذبہ اور رومانوی اپیل ہے، وہ آج بھی ہر عمر کے لوگوں کو متاثر کرتی ہے۔ ’دل والے دلہنیا لے جائیں گے‘ آج بھی دیکھیں تو چہرے پر مسکراہٹ آ جاتی ہے، یہی ان کی فلموں کی ابدی طاقت ہے۔‘
شاہ رخ خان کی پرانی فلموں کے مناظر اکثر انسٹاگرام ریلز اور ٹک ٹاک پر دوبارہ وائرل ہو رہے ہیں۔ اگرچہ جین زی انہیں نئے رنگ میں پیش کرتی ہے، مگر محبت کا جذبہ وہی رہتا ہے۔
دلچسپ بات یہ ہے کہ یش راج فلمز اور دیگر پروڈکشن ہاؤسز اب ان فلموں کو خاص مواقع پر محدود ریلیز کے طور پر پیش کر رہے ہیں، تاکہ نئی نسل ان فلموں کو بڑی اسکرین پر دیکھ سکے۔
جنرل منیجر ڈی لائٹ سینماز راج کمار ملہوتراکے مطابق: ’یہ ری ریلیز بزنس کے لیے نہیں بلکہ ناظرین کے جذبات کے لیے کی جاتی ہیں۔ شاہ رخ خان کی فلموں کے گانے، کہانیاں اور کردار لوگوں کے دلوں میں پہلے سے جگہ بنا چکے ہیں، اس لیے لوگ دوبارہ وہ تجربہ جینا چاہتے ہیں۔‘
اگرچہ یہ ری ریلیز بڑے مالی منافع نہیں دیتیں، مگر ان کی ثقافتی اہمیت بے مثال ہے۔ تھیٹرز میں نوجوان شائقین 90 کی دہائی کے لباس پہن کر فلمیں دیکھنے آتے ہیں، گانوں پر جھومتے ہیں اور مناظر کے ساتھ تالیاں بجاتے ہیں اس طرح ہر شو ایک جشن میں بدل جاتا ہے۔
تجزیہ کاروں کے مطابق، شاہ رخ خان کی مقبولیت کا راز صرف یادیں نہیں بلکہ ان کی مسلسل تبدیلی اور ارتقاء ہے۔ حالیہ بلاک بسٹر فلمیں ’پٹھان‘ اور ’جوان‘ اس بات کا ثبوت ہیں کہ وہ رومانس کے بادشاہ ہونے کے ساتھ ایکشن کے بھی شہنشاہ بن چکے ہیں۔
یہ کہا جا سکتا ہے کہ جین زی کے لیے شاہ رخ خان صرف ایک اداکار نہیں بلکہ محبت کی علامت ہیں۔ ڈیجیٹل دور کے شور میں ان کی فلمیں یاد دلاتی ہیں کہ عشق اب بھی خالص، جذباتی اور انسانی ہو سکتا ہے۔
شاید اسی لیے، جب تک کوئی راج اپنی سمرن کا انتظار کرتا رہے گا، شاہ رخ خان ہمیشہ محبت کے بادشاہ رہیں گے۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا