وہ دن ضرور آئے گا جب کشمیر بنے گا پاکستان؛ وزیراعظم
اشاعت کی تاریخ: 22nd, May 2025 GMT
ویب ڈیسک : وزیراعظم شہباز شریف نے کہا ہے کہ کشمیریوں کی آزادی کیلئے ہر پاکستانی حکومت نے آواز اٹھائی، وہ دن ضرور آئے گا جب کشمیر پاکستان بنے گا۔
وزیراعظم نے مظفر آباد میں بھارتی جارحیت میں شہید ہونے والے شہریوں کے لواحقین میں امدادی رقوم کی تقسیم کی تقریب سے خطاب کرتے ہوئے کہا کہ جب تک کشمیریوں کو حق خود ارادیت نہیں مل جاتا، پاکستان ان کا برابر ساتھ دے گا۔ انہوں نے کہا کہ مظفر آباد سے سری نگر تک پیغام دینا چاہتا ہوں کہ پاکستان کو کسی تحریک میں پیچھے نہیں پائیں گے۔ وہ دن ضرور آئے گا جب کمشیر بنے گا پاکستان اور کشمیریوں کو حق ملے گا۔
خصوصی بچوں کےسکولوں کے اوقات کار میں کمی
شہباز شریف نے کہا کہ بھارت کے خلاف جنگ میں سپہ سالار کی دانشمندارنہ لیڈر شپ کی وجہ سے کامیابی ملی۔ تینوں مسلح افواج کے سربراہ قوم کے سپوت ہیں جنہوں نے اقوام عالم میں پاکستان کا سر فخر سے بلند کیا۔ شہدا اور غازیوں نے پاکستان کو بھارت کے حملے سے بچایا۔ انہوں نے کہا کہ سید عاصم منیر کو فیلڈ مارشل کا اعزاز قوم نے دیا ہے۔
وزیراعظم نے کہا کہ بھارتی جنگی جارحیت کے خلاف قوم سیسہ پلائی دیوار کی طرح کراچی سے کشمیر تک متحد تھی۔ اس اتحاد کو آگے لے کر چلیں تو دشمن میلی آنکھ سے نہیں دیکھے گا اور اسی اتحاد کی بدولت قرضوں سے چھٹکارا پائیں گے۔ انہوں نے کہا کہ بھارت کو غرور تھا کہ پوری دنیا اس کے ساتھ کھڑی ہوگئی، لیکن اس کے دوست نیوٹرل ہوگئے اور نیوٹرل ممالک نے ہمارا ساتھ دیا۔ پاکستان نے بھارت کو سبق سکھا دیا اور 1971 کی جنگ کا بدلہ بھی لے لیا۔
لاہور میں تیز ہوائیں چلنے سے گرمی کی شدت میں کمی
شہباز شریف نے کہا کہ ہم نے روایتی جنگ میں بھارت کو بہت پیچھے چھوڑ دیا۔ دور دور تک نیوکلیئر ہتھیاروں کی ضرورت نہیں پڑی۔ اور امید کرتا ہوں کہ قیامت تک بھی نیوکلیئر ہتھیاروں کی ضرورت نہیں پڑے گی۔ انہوں نے کہا کہ اب مودی سرکار پاکستان پر حملہ کرنے سے پہلے سو بار سوچے کی، لیکن ہماری بری، فضائی اور بحری فوج مکمل طور پر ہر صورتحال کے لیے تیار ہے۔
.ذریعہ: City 42
کلیدی لفظ: انہوں نے کہا کہ
پڑھیں:
وزیراعظم کی ایرانی صدر سے ملاقات، یکجہتی کا اظہار
وزیراعظم نے ایران کے خلاف اسرائیلی جارحیت کے تناظر میں علاقائی صورتحال پر تبادلہ خیال کیا، فوٹو پی آئی ڈیوزیراعظم شہباز شریف نے ایرانی صدر مسعود پزشکیان سے ملاقات کے دوران ایران کے عوام اور حکومت کے ساتھ پاکستان کی غیر متزلزل یکجہتی کو دہرایا۔
آذربائیجان کے شہر خانکندی میں ایس سی او سربراہ اجلاس کے موقع پر ہونے والی ملاقات میں وزیراعظم نے ایران کے خلاف اسرائیلی جارحیت کے تناظر میں علاقائی صورتحال پر تبادلہ خیال کیا، خطے میں امن کے لیے مذاکرات اور سفارتکاری کی ضرورت پر زور دیا۔
وزیراعظم شہباز شریف کی ایرانی صدر مسعود پزشکیان سے ٹیلیفونک گفتگو میں پاکستان نے تمام سفارتی فورمز پر ایران کی حمایت کا اعادہ کیا ہے۔
اس موقع پر وزیراعظم شہباز شریف نے ایرانی قیادت کے بحران کےدوران کردار جنگ بندی کےفیصلے کو سراہا، وزیراعظم نے ایرانی سپریم لیڈر کیلئے مبارکباد اور نیک خواہشات کا پیغام بھی دیا۔
ایرانی صدر پزشکیان نے حالیہ بحران کے دوران ایران کے لیے پاکستان کی مضبوط سفارتی حمایت کو سراہا، پاکستان کے حمایت پر شکریہ ادا کیا۔
اماراتی دارالحکومت کی آبادی میں 7.5 فیصد اضافہ