برٹنی اسپیئرز کو نجی طیارے میں سگریٹ نوشی پر حکام کی وارننگ
اشاعت کی تاریخ: 24th, May 2025 GMT
معروف امریکی گلوکارہ برٹنی اسپیئرز کو نجی پرواز کے دوران سگریٹ نوشی اور شراب نوشی پر حکام کی جانب سے وارننگ دی گئی ہے۔
میڈیا رپورٹس کے مطابق 44 سالہ برٹنی اسپیئرز میکسیکو کے شہر کیبو سان لوکاس سے لاس اینجلس واپس آ رہی تھیں، جب انہوں نے دورانِ پرواز پہلے شراب نوشی کی اور بعد ازاں سگریٹ سلگا لی۔
ذرائع کا کہنا ہے کہ گلوکارہ کی اس حرکت سے جہاز میں موجود فلائٹ اٹینڈنٹس اور دیگر افراد حیرت زدہ اور پریشان ہو گئے۔ متعدد افراد نے برٹنی کو یاد دلایا کہ طیارے کے اندر سگریٹ نوشی سختی سے ممنوع ہے۔
تنبیہ کے بعد برٹنی نے سگریٹ بجھا دی، تاہم اس واقعے کی اطلاع ایئرپورٹ حکام کو دے دی گئی۔ لاس اینجلس ایئرپورٹ پہنچنے پر برٹنی اسپیئرز کو حکام نے ضابطے کی خلاف ورزی پر باقاعدہ وارننگ جاری کی، جس کے بعد انہیں جانے کی اجازت دے دی گئی۔
واقعے نے سوشل میڈیا اور شوبز حلقوں میں بھی توجہ حاصل کی ہے، جہاں صارفین اس رویے پر ملا جلا ردعمل دے رہے ہیں۔
Post Views: 2.ذریعہ: Daily Mumtaz
کلیدی لفظ: برٹنی اسپیئرز
پڑھیں:
مسافر طیارہ شدید طوفان کی زد میں آ گیا
سٹی42: طوفان کے دوران ایک مسافر طیارہ شدید طوفانی ہواؤں کی زد میں آ گیا، مسافر بلند آواز سے کلمہ طیبہ کا ورد کرنے لگے۔ خوفناک حادثہ ٹل گیا۔ مشہور سیاستدان بھی اس طیارے میں سوار تھے۔
آج شام لاہور میں شدید نوعیت کا ڈسٹ سٹارم آیا تو کئی طیارے فضا میں تھے۔ بعض مسافر طیاروں کا رخ بروقت دوسرے محفوظ ائیرپورٹس کی طرف موڑ دیا گیا تاہم کراچی سے لاہور آنے والا ایک مسافر طیارہ اس ڈسٹ سٹارم میں پھنس گیا۔
اوکاڑہ ؛ ٹریفک حادثہ میں باپ سمیت 3 بچے جاں بحق ہوگئے
یہ فلائٹ اس ڈسٹ سٹارم کے وقت لاہور کی فضا میں ہی تھی۔ فلائٹ شدید طوفان کے باعث خوفناک حادثے سے بال بال بچ گئی۔ طیارے کی لینڈنگ کے دوران کراچی سے لاہور جانے والی نجی ائیرلائن کی پرواز کئی منٹ تک آندھی کی زد میں رہی اور طیارے کو طوفان کے باعث شدید جھٹکے لگے، مسافروں کی چیخیں نکل گئیں۔
نجی ائیر لائن کی پرواز ایف ایل 842 کے مسافر کلمہ طیبہ کا ورد کرتے رہے۔ پائلٹ کی مہارت کے طفیل طیارہ کامیابی سے لینڈ کر گیا۔ یہ ائیر بس 321 بڑے سائز کا طیارہ تھا۔ پائلٹ نے بڑی مہارت سے طیارے کو واپس اڑایا، ائیر ٹریفک کنٹرول نے طیارے کو کراچی واپس بھیج دیا
بھارت میں بننے والے آئی فون پر 25 فیصد ٹیرف، ٹرمپ نے دھمکی دیدی
اس طیارے مین سفر کرنے والے سیاستدان اسد عمر نے بعد میں کراچی ائیرپورٹ پر صحافیوں کو بتایا کہ پروز کی لینڈنگ کے دوران اتنا ایکسٹریم پہلی دفعہ ہوا۔ اس وقت طیارہ آلموسٹ لینڈ کر رہا تھا، جھٹکے لگ رہے تھے، طیارہ بار بار نیچے جاتا تھا۔ اسد عمر نے کہا کہ پائلٹ کی مہارت کے سبب ہم بچ گئے۔ پائلٹ کا شکریہ۔
یہ خوش قسمت جہاز اب کراچی لینڈ کر چکا ہے اور کچھ دیر بعد اسے دوبارہ لاہور روانہ کیا جا رہا ہے۔البتہ کراچی ائیرپورٹ خیریت سے اتر جانے کے بعد اس فلائٹ کے مسافروں میں سے 57 نے مزید سفر کرنے سے انکار کر دیا ہے، وہ کراچی ائیرپورٹ سے اپنے گھروں کو واپس جانا چاہتے ہیں۔
قربانی کےجانوروں کی چوری میں ملوث عناصرکیخلاف کریک ڈاؤن
طوفان کے دوران اسلام آباد سے لاہور پہنچنے والے مسافروں سے بھرے جہاز پی کے 6385 بھی کراچی منتقل کر دیا گیا جبکہ شدید طوفان کے باعث کراچی کی 2 پروازیں پی کے 305، پی اے 405 کی روانگی میں تاخیر ہو رہی ہے۔
لاہور کے علامہ اقبال ائیرپورٹ پر آج شام طوفان کے باعث ٹیک آف کرنے والی کوئی فلائٹ منسوخ نہیں کی گئی،
Waseem Azmet
وزیراعظم کی نواز شریف سے ملاقات، آپریشن بنیان مرصوص اور ملکی سلامتی امور پر تبادلہ خیال