پی ایس ایل 10، کس کھلاڑی کو کونسا ایوارڈ ملا؟
اشاعت کی تاریخ: 26th, May 2025 GMT
پاکستان سپر لیگ (پی ایس ایل) سیزن 10 کے اختتام پر ایوارڈز کی رنگارنگ تقریب منعقد ہوئی جس میں کوئٹہ گلیڈی ایٹرز کے مڈل آرڈر بیٹر حسن نواز کو ان کی شاندار کارکردگی پر پلیئر آف دی ٹورنامنٹ قرار دیا گیا۔
حسن نواز نے 10 اننگز میں 57 کی اوسط اور 162.19 کے اسٹرائیک ریٹ کے ساتھ 399 رنز اسکور کیے، جس میں ایک سینچری اور 3 نصف سینچریاں شامل تھیں۔ انہیں بیسٹ بیٹر آف دی ٹورنامنٹ کا اعزاز بھی دیا گیا۔
اسلام آباد یونائیٹڈ کے اوپنر صاحبزادہ فرحان نے 12 اننگز میں 449 رنز بنا کر حنیف محمد کیپ حاصل کی۔ ان کا اسٹرائیک ریٹ 152.
مزید پڑھیں: پی ایس ایل فائنل، ٹاس سے محض 10 منٹ پہلے اسٹیڈیم پہنچنے والے سکندر رضا کی دلچسپ کہانی
لاہور قلندرز کے کپتان شاہین شاہ آفریدی نے فضل محمود کیپ حاصل کی۔ انہوں نے 12 میچز میں 19 وکٹیں حاصل کیں اور بیسٹ بولر آف دی ٹورنامنٹ بھی قرار پائے۔ کوئٹہ گلیڈی ایٹرز کے آل راؤنڈر فہیم اشرف نے 163 رنز اسکور کیے اور 17 وکٹیں حاصل کیں، انہیں بیسٹ آل راؤنڈر کا اعزاز دیا گیا۔
لاہور قلندرز کے ابھرتے ہوئے اوپنر محمد نعیم کو ایمرجنگ پلیئر آف دی ٹورنامنٹ قرار دیا گیا۔ انہوں نے 12 اننگز میں 316 رنز بنائے، جن میں 3 نصف سینچریاں شامل تھیں۔ پشاور زلمی کے وکٹ کیپر محمد حارث نے 10 میچز میں 12 شکار کیے اور 247 رنز بھی اسکور کیے۔ انہیں بیسٹ وکٹ کیپر آف دی ٹورنامنٹ قرار دیا گیا۔
زلمی کے فیلڈر عبدالصمد نے صرف 5 میچز میں 9 کیچز پکڑ کر بیسٹ فیلڈر کا اعزاز حاصل کیا۔ پی ایس ایل 10 کے فائنل میں میچ وننگ اننگز کھیلنے پر کوسال پریرا (لاہور قلندرز) کو پلیئر آف دی فائنل قرار دیا گیا۔
مزید پڑھیں: لاہور قلندرز نے کوئٹہ گلیڈی ایٹرز کو شکست دے کر تیسری بار پی ایس ایل کا ٹائٹل جیت لیا
ٹورنامنٹ کے دوران کھیل کے جذبے اور اسپورٹس مین اسپرٹ کے اعتراف میں پشاور زلمی کو ’اسپرٹ آف کرکٹ‘ ایوارڈ دیا گیا۔
پی ایس ایل 10 ایوارڈز کی مکمل فہرست:پلیئر آف دی فائنل: کوسال پریرا (لاہور قلندرز)
پلیئر آف دی ٹورنامنٹ: حسن نواز (کوئٹہ گلیڈی ایٹرز)
بیسٹ بیٹر: حسن نواز (کوئٹہ گلیڈی ایٹرز)
بیسٹ بولر: ابرار احمد (کوئٹہ گلیڈی ایٹرز) – 17 وکٹیں
بیسٹ وکٹ کیپر: محمد حارث (پشاور زلمی)
بیسٹ فیلڈر: عبدالصمد (پشاور زلمی)
ایمرجنگ پلیئر: محمد نعیم (لاہور قلندرز)
بیسٹ آل راؤنڈر: فہیم اشرف (کوئٹہ گلیڈی ایٹرز)
حنیف محمد کیپ (سب سے زیادہ رنز): صاحبزادہ فرحان (اسلام آباد یونائیٹڈ)
فضل محمود کیپ (سب سے زیادہ وکٹیں): شاہین شاہ آفریدی (لاہور قلندرز)
اسپرٹ آف کرکٹ ایوارڈ: پشاور زلمی
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور زلمی پی ایس ایل پی ایس ایل 10 حسن نواز کوئٹہ گلیڈی ایٹرز کوسال پریرا لاہور قلندرز محمد حارث
ذریعہ
ذریعہ: WE News
کلیدی لفظ: پشاور زلمی پی ایس ایل پی ایس ایل 10 حسن نواز کوئٹہ گلیڈی ایٹرز کوسال پریرا لاہور قلندرز کوئٹہ گلیڈی ایٹرز آف دی ٹورنامنٹ لاہور قلندرز قرار دیا گیا پی ایس ایل 10 پلیئر آف دی پشاور زلمی حسن نواز حاصل کی
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا