بھارت میں قبائلی خاتون اجتماعی زیادتی کے بعد بیدردی سے قتل؛ نازک اعضا کاٹ دیے
اشاعت کی تاریخ: 26th, May 2025 GMT
بھارت کی ریاست مدھیہ پردیش میں ایک دل دہلا دینے والے واقعے میں ہندوتوا کے غنڈوں نے قبائلی خاتون کو اجتماعی زیادتی کا نشانہ بنا ڈالا۔
سفاک ملزمان نے اپنی ہوس پوری کرنے کے بعد خاتون کو انتہائی بیدردی کے ساتھ تشدد کا نشانہ بناکر قتل بھی کر ڈالا۔
حملہ آوروں نے خاتون کے نجی اعضا میں لوہے کی سلاخ داخل کی اور کوکھ باہر نکال دی۔ پھر خون میں لت پت حالت میں چھوڑ گئے۔
خاتون کے جسم کے کچھ اعضا موقع پر بکھرے ہوئے پائے گئے۔ خاتون نے موقع پر ہی دم توڑ دیا۔
یہ واقعہ مودی کی بھارتیہ جنتا پارٹی (بی جے پی) کے دور اقتدار میں خواتین کے تحفظ اور قانون و انصاف کی ابتر صورت حال کی مثال ہے۔
بھارتی میڈیا کے مطابق یہ انسانیت سوز واقعہ ریاست مدھیہ پردیش کے ضلع کھنڈوا میں پیش آیا۔ اجتماعی زیادتی کا شکار ہونے والی مقتولہ دو بچوں کی ماں تھیں۔
واضح رہے کہ بھارت میں قبائلی اور اقلیتوں پر زمین تنگ کردی گئی ہے اور جنونی انتہاپسندوں کو بے لگام چھوڑ دیا گیا ہے۔
.
ذریعہ: Express News
پڑھیں:
یوم تکبیر کے موقع پر معاون خصوصی وزیر اعلیٰ گلگت بلتستان ایمان شاہ کا پیغام
انہوں نے اپنے پیغام میں حالیہ واقعات کا حوالہ دیتے ہوئے کہا کہ بھارت نے اس دفعہ پاکستانی سالمیت کو چیلینج کیا جس کا ریاست پاکستان نے عوام کی تائید سے بھرپور جواب دے کر بھارت کو گھٹنے ٹیکنے پر مجبور کر دیا۔ اسلام ٹائمز۔ معاون خصوصی برائے اطلاعات گلگت بلتستان ایمان شاہ نے یوم تکبیر کے موقع پر ایک پیغام میں کہا ہے کہ یوم تکبیر تاریخ کا وہ دن ہے جس دن وطن عزیز پاکستان اسلامی قوت بن کر دنیا کے نقشے پر ابھرا اور جنوبی ایشیاء میں طاقت کا توازن قائم ہو گیا۔ وطن عزیز کے دفاع اور سلامتی کا تقاضا تھا کہ تمام تر پابندیوں اور دباو کو پس پشت ڈال کر ملکی مفاد کے پیش نظر مشکل فیصلے کریں اور 28 مئی 1998ء کو بھارتی ایٹمی دھماکوں کے جواب میں پانچ ایٹمی دھماکے کر کے پاکستان کے دفاع کو ناقابل تسخیر بنا دیا گیا اور یہ ثابت کر دیا کہ کسی بھی بیرونی جارحیت سے محفوظ رکھنے کیلئے کوئی سمجھوتہ نہیں ہو سکتا۔ انہوں نے اپنے پیغام میں حالیہ واقعات کا حوالہ دیتے ہوئے کہا کہ بھارت نے اس دفعہ پاکستانی سالمیت کو چیلینج کیا جس کا ریاست پاکستان نے عوام کی تائید سے بھرپور جواب دے کر بھارت کو گھٹنے ٹیکنے پر مجبور کر دیا۔ انہوں نے کہا آج کے دن پاکستان عالم اسلام کی پہلی ایٹمی ریاست بنی اور اس تاریخی سفر میں اپنی صلاحیتوں کا مظاہرہ کرنے والوں کو خراج تحسین پیش کرتے ہیں۔
اہم شخصیت کو عہدے سے ہٹانے کا فیصلہ کر لیا گیا