کراچی؛ ملزمان مویشوں کے بیوپاری سے دنبوں سے بھرا چنگچی لوڈر رکشہ چھین کر فرار
اشاعت کی تاریخ: 30th, May 2025 GMT
کراچی:
عائشہ منزل سے نامعلوم ملزمان اسلحہ کے زور پر مویشوں کے بیوپاری سے دنبوں سے بھرا چنگچی لوڈر رکشہ چھین کر فرار ہوگئے۔
عزیز آباد پولیس نے واقعے کا مقدمہ درج کرکے تفتیش شروع کر دی ہے۔
مویشوں کے بیوپاری محمد راشد سلیم نے بتایا کہ وہ ایف سی ایریا لیاقت آباد کا رہائشی ہے اور حجام کا کام کرتا ہے۔ عیدالاضحیٰ پر عارضی روزگار کے لیے دنبوں کی خرید و فروخت کرتا ہوں۔ 29 مئی کو پیالہ ہوٹل کے قریب قربانی کے جانوروں کا کام ختم ہونے کے بعد ایف سی ایریا اپنے گھر چنگچی لوڈر رکشہ سے واپس آرہا تھا کہ جس میں تین دنبے موجود تھے۔
بیوپاری نے بتایا کہ عزیز آباد تھانے کی حدود میں عائشہ منزل پل کے قریب 2موٹر سائیکلوں پر سوار 4 مسلح ملزمان آئے اور انہوں نے اسلحے کے روز پر چنگچی لوڈر رکشے میں موجود تینوں دنبے اور موبائل فون چھین کر فرار ہوگئے۔ انہوں نے کہا کہ اس واردات سے مجھے بھاری مالی نقصان ہوا ہے۔
ایس ایچ او عزیز آباد عامر اعظم نے بتایا کہ عزیز آباد عائشہ منزل پر چنگچی لوڈر رکشہ میں دنبہ چھیننے کا واقعہ رپورٹ ہوا ہے۔ 29 مئی کو راشد سلیم نامی شہری سے کیفے پیالہ سے ایف سی ایریا جاتے ہوئے عائشہ منزل پر دنبہ چھیننے کا واقعہ رپورٹ ہوا یے۔ واقعہ کا مقدمہ الزام نمبر 291/2025 جرم دفعہ 392 /397/34 عزیزآباد تھانے میں درج کرلیا گیا ہے۔
پولیس نے جائے واردات کا معائنہ کرکے سی سی ٹی وی فوٹیج بھی حاصل کرلی ہے اور کارروائی کا آغاز کیا ہے۔ انہوں نے بتایا کہ عیدالاضحیٰ کے حوالے سے عزیز آباد کی حدود میں پولیس موبائل و موٹر سائیکل گشت میں اضافہ کیا گیا ہے۔
.ذریعہ: Express News
کلیدی لفظ: نے بتایا کہ
پڑھیں:
کراچی، کوہی گوٹھ میں پولیس مقابلہ، دو ڈاکو زخمی حالت میں گرفتار
کراچی:شہر قائد میں شاہ لطیف پولیس نے کوہی گوٹھ پلیہ زمان ٹیکسٹائل کے قریب ایک مبینہ مقابلے کے دوران دو ڈاکوؤں کو زخمی حالت میں گرفتار کر لیا۔
چھیپا حکام کے مطابق گرفتار ملزمان کی شناخت اصغر اور قلبی کے نام سے ہوئی ہے جنہیں فوری طور پر جناح اسپتال منتقل کر دیا گیا۔
ملیر پولیس کے ترجمان کے مطابق گرفتار ملزمان سے 2 پستول، چھینے گئے موبائل فون، نقد رقم اور ایک موٹرسائیکل برآمد کی گئی ہے۔
کراچی، نادرن بائی پاس پر پلاسٹک کے گودام میں آگ لگ گئی