اقوام متحدہ کی نمائندہ خصوصی کی حزب اللہ لبنان کے رابطہ سیکرٹری کیساتھ ملاقات
اشاعت کی تاریخ: 30th, May 2025 GMT
قابض اسرائیلی فوج کیجانب سے لبنان کیخلاف مسلسل جارحیتوں اور جنگ بندی معاہدے کی مسلسل خلاف ورزیوں کے سائے میں، لبنان کیلئے اقوام متحدہ کی نمائندہ خصوصی نے آج لبنانی مزاحمتی تحریک کے اعلی عہدیدار کیساتھ ملاقات و گفتگو کی ہے اسلام ٹائمز۔ لبنان کیلئے اقوام متحدہ کی نمائندہ خصوصی جنین پلاسخارت (Jeanine Hennis-Plasschaert) نے آج لبنانی مزاحمتی تحریک حزب اللہ کے رابطہ سیکرٹری حاج وفیق صفا کے ساتھ ملاقات کی ہے۔ مقامی میڈیا کے مطابق یہ ملاقات طے شدہ رابطہ اجلاسوں کے ایجنڈے کے تحت انجام پائی جس میں سلامتی کونسل کی قرارداد 1701 اور جنوبی لبنان کی موجودہ صورتحال پر تبادلہ خیال کیا گیا۔ رپورٹ کے مطابق اس دوران دونوں فریقوں نے بلیو لائن کی تازہ ترین صورتحال، لبنان کے خلاف قابض صیہونی رژیم کی مسلسل جارحیت، کشیدگی میں اضافے کے ممکنہ خطرات اور خطے میں استحکام برقرار رکھنے کے لئے اقوام متحدہ کی قرارداد پر عملدرآمد کی ضرورت پر بھی تبادلہ خیال ہوا۔
واضح رہے کہ اقوام متحدہ کی نمائندہ خصوصی برائے لبنان کی جانب سے یہ ملاقات، گذشتہ ہفتے لبنان کے جنوبی علاقوں میں منعقد ہونے والے بلدیاتی انتخابات میں لبنانی مزاحمتی تحریکوں حزب اللہ و امل کی فیصلہ کن فتح کے بعد انجام پائی ہے، جس نے ایک مرتبہ پھر ثابت کر دیا ہے کہ مزاحمت اب بھی لبنانی عوام کی اہم اکثریت کی نمائندگی کرتی ہے!
ذریعہ: Islam Times
کلیدی لفظ: اقوام متحدہ کی نمائندہ خصوصی لبنان کی
پڑھیں:
شام: یو این ادارے سویدا میں نقل مکانی پر مجبور لوگوں کی مدد میں مصروف
اسلام آباد (اُردو پوائنٹ ۔ UN اردو۔ 22 جولائی 2025ء) اقوام متحدہ کے ادارے شام کے شہر سویدا اور ملحقہ علاقوں میں کشیدگی سے متاثرہ لوگوں کو مدد پہنچانے میں مصروف ہیں جہاں سے حالیہ دنوں 93 ہزار افراد نے نقل مکانی کی ہے۔
امدادی امور کے لیے اقوام متحدہ کا رابطہ دفتر شام کی حکومت سے رابطے میں ہے اور اس کی ٹیمیں علاقے میں ہر ممکن امدادی کارروائیاں کر رہی ہیں۔
ادارے کے سربراہ اور اقوام متحدہ کے انڈر سیکرٹری جنرل ٹام فلیچر نے بتایا ہے کہ آئندہ دنوں سویدا کے اندر رسائی حاصل کرنے کی کوشش بھی کی جائے گی۔ Tweet URLاقوام متحدہ کے ترجمان سٹیفن ڈوجیرک نے تمام متحارب فریقین پر زور دیا ہے کہ وہ تشدد میں پھنسے لوگوں کو تحفظ فراہم کریں اور انہیں اپنی سلامتی اور طبی مدد کے لیے ہر جگہ جانے کی اجازت ہونی چاہیے۔
(جاری ہے)
ترجمان نے بتایا ہے کہ سویدا کے علاوہ اس کے قریبی علاقے درآ اور دارالحکومت دمشق کے دیہی علاقوں سے بھی بڑی تعداد میں لوگ نقل مکانی کر رہے ہیں۔ سویدا سے بے گھر ہونے والے بیشتر لوگ قرب و جوار کے علاقوں اور 15 پناہ گاہوں میں مقیم ہیں جبکہ درآ میں 30 مزید اجتماعی پناہ گاہیں بھی کھول دی گئی ہیں۔
کشیدگی کے باعث علاقے میں بنیادی ڈھانچہ اور خدمات بری طرح متاثر ہوئی ہیں۔
سویدا کے بعض ہسپتال غیرفعال ہو گئے ہیں، پانی کے نظام کو نقصان پہنچا ہے جبکہ بجلی کی فراہمی بھی معطل ہو گئی ہے اور خوراک تک رسائی متاثر ہوئی ہے۔پہلے امدادی قافلے کی آمدشامی عرب ہلال احمر کی جانب سے امداد لےکر پہلا قافلہ اتوار کو سویدا پہنچا ہے جہاں بیشتر پناہ گزین مقیم ہیں۔ 32 ٹرکوں پر مشتمل یہ قافلہ عالمی پروگرام برائے خوراک (ڈبلیو ایف پی)، اقوام متحدہ کے ادارہ برائے اطفال (یونیسف) اور دیگر شراکت داروں کی جانب سے خوراک، پانی، طبی سازوسامان اور ایندھن لے کر آیا ہے۔
ٹام فلیچر نے اس اقدام کا خیرمقدم کرتے ہوئے کہا ہے کہ اس مدد کی اشد ضرورت تھی لیکن علاقے میں مزید امداد پہنچانے کی ضرورت ہے۔
سٹیفن ڈوجیرک نے کہا ہے کہ اقوام متحدہ علاقے میں امدادی رسائی کے حصول اور شہریوں کو تحفظ دینے کے لیے متعلقہ فریقین کے ساتھ رابطے میں ہے۔
عمران خان کا فیصلہ کہ قاسم اور سلمان ان کی رہائی کی تحریک کی قیادت کریں گے، بڑے اثرات ہوں گے:فواد چوہدری