جاوید اور مومل شیخ کی طلاق کے بعد اثرات پر لب کشائی
اشاعت کی تاریخ: 31st, May 2025 GMT
کراچی(شوبز ڈیسک)پاکستانی شوبز کی مایہ ناز باپ بیٹی جوڑی جاوید شیخ اور مومل شیخ نے پہلی بار ایک شو میں طلاق کے بعد کی زندگی اور اس کے گہرے اثرات پر کھل کر اظہار خیال کیا ہے۔
معروف اداکار، ہدایت کار، اور پروڈیوسر جاوید شیخ، جنہوں نے فلم اور ٹی وی دونوں میں شاندار کامیابیاں سمیٹیں، ذاتی زندگی میں کئی اتار چڑھاؤ سے گزر چکے ہیں۔
شو میں شرکت کے دوران، دونوں نے نہایت سچائی اور سنجیدگی سے بتایا کہ جاوید شیخ اور ان کی سابقہ اہلیہ زینت منگی کے درمیان علیحدگی کا فیصلہ صرف ان کی ذاتی زندگی نہیں، بلکہ ان کے بچوں، خصوصاً مومل شیخ پر بھی گہرا اثر چھوڑ گیا۔
جاوید شیخ نے طلاق کے بعد کے حالات پر بات کرتے ہوئے کہا:
”جب ایک رشتہ ٹوٹتا ہے تو عورت کو بہت کچھ جھیلنا پڑتا ہے۔ مرد باہر چلا جاتا ہے، کام میں لگ جاتا ہے، دوستوں میں مشغول ہو جاتا ہے۔ لیکن عورت گھر میں رہتی ہے، بچوں کی ذمہ داری اٹھاتی ہے، اور جذباتی دباؤ بھی اسی پر آتا ہے۔“
انہوں نے تسلیم کیا کہ طلاق کے سب سے بڑے متاثر بچے ہوتے ہیں، کیونکہ وہ دونوں والدین کی کمی الگ الگ انداز میں محسوس کرتے ہیں۔
دوسری جانب مومل شیخ نے طلاق کے بعد مردوں کی کیفیت پر بات کرتے ہوئے ایک نیا زاویہ پیش کیا۔ انہوں نے کہا:
”ہم عورتوں کے جذبات کو تسلیم کرتے ہیں، لیکن مردوں کی خاموشی کو اکثر نظر انداز کر دیتے ہیں۔ بچے عموماً ماں کے ساتھ ہوتے ہیں، جو اسے کسی حد تک تسلی دیتے ہیں، مگر باپ سے کوئی نہیں پوچھتا کہ وہ اپنے بچوں کے بغیر کیسے جیے گا۔“
مومل نے مزید کہا کہ معاشرے کو چاہیے کہ مردوں کے جذبات اور ان کے والد ہونے کے حق کو بھی اتنی ہی اہمیت دے جتنی عورت کے حقوق کو دیتا ہے۔
انہوں نے یہ بھی انکشاف کیا کہ وقت کے ساتھ ان کا خاندان دوبارہ قریب آیا۔ مومل کی شادی کے موقع پر انہوں نے اپنے والد کو دوبارہ گھر بلایا، اور یوں خاندان نے جذباتی طور پر از سرِ نو جڑنے کی کوشش کی۔
مزیدپڑھیں:انوکھا قصبہ، جہاں جانے والے ہر بزرگ کو ان کی جوان محبت مل جاتی ہے
ذریعہ
ذریعہ: Daily Ausaf
کلیدی لفظ: طلاق کے بعد جاوید شیخ انہوں نے
پڑھیں:
کوہاٹ دہشتگرد حملہ، وزیراعظم اور صدر مملکت کی شدید مذمت
سٹی 42: صدر مملکت آصف علی زرداری اور وزیراعظم شہباز شریف نے کوہاٹ میں ایکسائز اہلکاروں پر ہونے والے دہشتگرد حملے کی شدید مذمت کرتے ہوئے شہداء کو خراج عقیدت پیش کیا ہے۔
آئی جی پنجاب نے27افسران کے تقرروتبادلے کر دیے
صدر مملکت آصف علی زرداری نے بھی حملے کی مذمت کرتے ہوئے شہداء کے اہل خانہ سے اظہار تعزیت کیا اور زخمی اہلکاروں کی جلد صحت یابی کی دعا کی۔ انہوں نے کہا کہ دہشتگردی کے خلاف پوری قوم کا عزم غیر متزلزل ہے اور دہشتگردوں کو قانون کے کٹہرے میں لا کر نشان عبرت بنایا جائے گا۔
آج شام و رات سے 27 جولائی تک مزید بارشوں کی پیشگوئی
وزیراعظم شہباز شریف نے حملے میں سب انسپکٹر سجاد الاسلام اور کانسٹیبل جواد کی شہادت پر گہرے دکھ کا اظہار کرتے ہوئے شہداء کے درجات کی بلندی، اہل خانہ کے لیے صبر جمیل اور زخمی اہلکاروں کی جلد صحت یابی کی دعا کی۔
اُنہوں نے متعلقہ حکام کو حملے کے ذمہ داروں کا تعین کر کے انہیں قانون کے مطابق سخت سزا دلانے کی ہدایت کرتے ہوئے کہا کہ دہشتگردی کے مکمل خاتمے تک اس کے خلاف جنگ جاری رہے گی اور شرپسند عناصر کو ملک کا امن تباہ نہیں کرنے دیا جائے گا۔
لیونل میسی کا بین الاقوامی فٹبال سے ریٹائرمنٹ کا فیصلہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم