بھارت کی پراکسی جنگ ڈھکی چھپی نہیں رہی، مداخلت کے ثبوت موجود ہیں، فیلڈ مارشل
اشاعت کی تاریخ: 1st, June 2025 GMT
راولپنڈی(نیوز ڈیسک)آرمی چیف فیلڈ مارشل جنرل سید عاصم منیر نے کہا کہ بلوچستان میں دہشت گردی کے نیٹ ورکس کے پیچھے بھارت کا ہاتھ ہے، بھارت کی پراکسی جنگ اب ڈھکی چھپی نہیں رہی، ہمارے پاس بھارتی مداخلت کے ثبوت موجود ہیں، دشمن کے عزائم کو ہر صورت ناکام بنائیں گے، جو دشمن ہماری خودمختاری چیلنج کرےگا،اسے منہ توڑ جواب دیں گے۔ وزیراعظم شہبازشریف کا کہنا ہے کہ بلوچستان میں ہائبرڈ خطرات کے خلاف پیشہ ورانہ مہارت اور اسٹریٹیجک فہم ناگزیر ہے، ریاستی ادارے دہشت گردی کے خلاف جنگ منطقی انجام تک پہنچائیں گے۔
تفصیلات کے مطابق وزیراعظم شہباز شریف اور فیلڈ مارشل جنرل عاصم منیر نے کوئٹہ میں قبائلی عمائدیں کے گرینڈ جرگے سے مشترکہ خطاب کیا، یہ جرگہ بلوچستان کی سیکیورٹی صورتحال پر قبائلی قیادت سے مشاورت کے لیے منعقد کیا گیا تھا جبکہ گرینڈ جرگے میں بلوچستان میں بھارتی سرپرستی میں جاری پراکسی وار پر تفصیلی گفتگو کی گئی۔
بلوچستان میں دہشت گردی کے نیٹ ورکس کے پیچھے بھارت کا ہاتھ ہے، عاصم منیر
اس موقع پر فیلڈ مارشل سید عاصم منیر نے کہا کہ بلوچستان میں دہشت گردی کے نیٹ ورکس کے پیچھے بھارت کا ہاتھ ہے، بھارت کی پاکستان کے خلاف پراکسی جنگ اب کسی سے ڈھکی چھپی نہیں رہی، بھارت کی پراکسی جنگ ہماری قوم، ترقی اور امن کے خلاف کھلی دہشت گردی ہے، پاکستان کے پاس بلوچستان میں بھارت کی جانب سے دہشت گرد گروہوں کی سرپرستی اور مداخلت کے واضح ثبوت موجود ہیں۔
جنرل عاصم منیر نے اس عزم کا اعادہ کیا کہ دشمن کے ناپاک عزائم ہر صورت ناکام بنائیں گے، چاہے اندرونی ہو یا بیرونی، جو بھی دشمن ہماری خود مختاری کو چیلنج کرے گا، اسے منہ توڑ جواب دیا جائے گا۔
فیلڈ مارشل عاصم منیر نے دو ٹوک الفاظ میں کہا کہ پاک فوج ہر خطرے سے نمٹنے کے لیے مکمل طور پر تیار ہے، بلوچستان کے امن پر کوئی سمجھوتہ ہرگز نہیں ہوگا، پاکستان کا مستقبل بلوچستان کے استحکام اور خوشحالی سے جڑا ہے، بہادر بلوچ عوام کے تعاون سے دشمن کا مقابلہ کریں گے اور اسے کچل دیں گے۔
فیلڈ مارشل نے بلوچستان میں کام کرنے والی سیکیورٹی فورسز اور قانون نافذ کرنے والے اداروں کے اہلکاروں کی بہادری کو بھی سراہا اور شہدا کے اہل خانہ کو مکمل تعاون اور حمایت کا یقین دلایا۔
ریاستی ادارے دہشت گردی کے خلاف جنگ منطقی انجام تک پہنچائیں گے، شہبازشریف
وزیراعظم شہباز شریف نے کہا کہ بھارت بلوچستان میں تخریب کاری کے ذریعے امن و ترقی کو نشانہ بنا رہا ہے، فتنہ الہندوستان جیسے دہشت گرد گروہ عوامی حمایت حاصل کرنے کی کوشش کر رہے ہیں، دہشت گردوں کو معاشرتی جگہ نہیں ملنے دینی چاہیئے۔
وزیراعظم نے کہا کہ ریاستی ادارے دہشت گردی کے خلاف جنگ منطقی انجام تک پہنچائیں گے، بلوچستان کی ترقی کے لیے پیکجزمتعارف کروائے، اثرات عوام تک پہنچنے چاہئیں، بلوچ عوام نے قومی وحدت کے لیے تاریخی کردار ادا کیا ہے۔
شہباز شریف کا مزید کہنا تھا کہ دیرپاامن کے لیے دہشت گردی کے خلاف کوششوں کی کامیابی ناگزیر ہے، حکومت، افواج، قانون نافذ کرنے والے ادارے اور عوام دہشت گردی کے خلاف متحد ہیں، امن دشمن عناصر کو کوئی جگہ نہیں دی جائے گی۔
انہوں نے واضح کیا کہ دہشت گردوں، ان کے سہولت کاروں اور مددگاروں کے خلاف فیصلہ کن کارروائی ہوگی، بلوچستان میں ہائبرڈ خطرات کے خلاف پیشہ ورانہ مہارت ناگزیر ہے۔
جرگے کے اختتام پر قبائلی عمائدین نے حکومت اور افواجِ پاکستان کے ساتھ اظہارِ یکجہتی کیا۔
مزیدپڑھیں:پانی کے نام پر دوسروں کو بلیک میل نہ کرو، یہ تمہارے ساتھ بھی ہوسکتا ہے ، تمہارا پانی بھی چین سے آتا ہے‘‘چینی پروفیسر نے بھارتیوں کو واضح پیغام دیدیا
ذریعہ: Daily Ausaf
کلیدی لفظ: دہشت گردی کے خلاف بلوچستان میں پراکسی جنگ فیلڈ مارشل نے کہا کہ بھارت کی کے لیے
پڑھیں:
بہادر بلوچوں کی حمایت سے فوج ہر دشمن کو کچل دیگی، فیلڈ مارشل: امن دشمنوں کو پاکستان میں کوئی جگہ نہیں ملے گی: وزیراعظم
اسلام آباد‘ کوئٹہ (خبر نگار خصوصی‘ نوائے وقت رپورٹ‘ اے پی پی) فیلڈ مارشل سید عاصم منیر نے کہا بھارت کی سپانسرڈ پراکسی جنگ اب ڈھکی چھپی نہیں رہی۔ یہ ہماری قوم، ترقی اور امن کے خلاف چھیڑی جانے والی کھلی دہشتگردی کی مذموم کارروائی ہے۔ کوئٹہ میں جرگے سے خطاب کرتے ہوئے فیلڈ مارشل سید عاصم منیر نے کہا کہ جو بھی دشمن ہماری خود مختاری کو چیلنج کرے گا اسے منہ توڑ جواب دیا جائے گا۔ قوم اور بہادر بلوچ عوام کی غیر متزلزل حمایت سے پاک فوج اندرونی ہو یا بیرونی ہر دشمن کو کچل دے گی۔ انہوں نے کہا کہ ہمارے پاس بھارتی مداخلت کے واضح ثبوت موجود ہیں۔ ہمارے پاس بلوچستان میں سرگرم دہشتگرد نیٹ ورکس کے پیچھے بھارت کے ہاتھ ہونے کے ٹھوس ثبوت موجود ہیں۔ شمن کے ناپاک عزائم ہر صورت ناکام بنائیں گے۔ پاک فوج ہر خطرے سے نمٹنے کیلئے مکمل طور پر تیار ہے۔ بلوچستان کے امن پر کوئی سمجھوتہ نہیں ہوگا۔ امن ناقابل سودے بازی ہے۔ پاکستان کا مستقبل بلوچستان کے استحکام اور خوشحالی سے جڑا ہے۔ دورہ کوئٹہ کے موقع پر وزیر اعظم شہباز شریف اور فیلڈ مارشل سید عاصم منیر نے سکیورٹی فورسز اور قانون نافذ کرنے والے اداروں کی بہادری اور قربانیوں کی ستائش کی۔ فیلڈ مارشل نے کہا بھارتی پراکسی وار اب چھپی نہیں بلکہ کھلی جارحیت میں تبدیل ہو چکی ہے۔ دشمن کی ہر سازش کو ناکام بنائیں گے چاہے اندرونی ہو یا بیرونی۔ جرگے کے اختتام پر قبائلی عمائدین نے حکومت اور افواج پاکستان سے اظہار یکجہتی بھی کیا۔ وزیراعظم محمد شہباز شریف اور فیلڈ مارشل سید عاصم منیر نے کہا ہے کہ امن کے دشمنوں کو پاکستان کے اندر کام کرنے کی کوئی جگہ نہیں ملے گی۔ بلوچستان میں بھارتی سپانسرڈ پراکسی وار اب ڈھکی چھپی نہیں ہے۔ یہ ہمارے عوام، ہماری ترقی اور ہمارے امن کے خلاف دہشت گردی کی کھلی مذموم کارروائی ہے۔ ہمارے پاس بلوچستان میں سرگرم دہشت گرد نیٹ ورکس کے پیچھے بھارت کے ہاتھ ہونے کے ٹھوس ثبوت موجود ہیں۔ دشمن کی یہ مذموم کوششیں قوم کے ساتھ مل کر ناکام بنائیں گے۔ گزشتہ روز وزیر اعظم آفس کے میڈیا ونگ سے جاری پریس ریلیز کے مطابق کوئٹہ میں زہری آڈیٹوریم میں قبائلی عمائدین کے گرینڈ جرگے سے وزیراعظم محمد شہباز شریف اور آرمی چیف فیلڈ مارشل سید عاصم منیر نے مشترکہ طور پر خطاب کیا۔ مزید تفصیلات کے مطابق جرگہ کا اہتمام قبائلی قیادت کے ساتھ بات چیت اور بلوچستان میں سکیورٹی کی تبدیل ہوتی صورتحال پر تبادلہ خیال کے لیے کیا گیا تھا۔ اس میں خاص طور پر بھارت کی جانب سے جاری پراکسی جنگ پر توجہ مرکوز کی گئی تھی۔ وزیر اعظم نے اس بات پر روشنی ڈالی کہ بلوچستان میں ہندوستانی سرپرستی میں کام کرنے والی پراکسیوں نے امن کو خراب کرنے، صوبے کو غیر مستحکم کرنے اور حکومت پاکستان اور مسلح افواج کی قیادت میں ترقیاتی اقدامات کو متاثر کرنے کی اپنی کوششیں تیز کر دی ہیں۔ وزیر اعظم نے اس بات پر زور دیا کہ فتنہ الہندوستان جیسے دہشت گرد گروہ مقامی لوگوں کی حمایت چاہتے ہیں جس سے انہیں انکار کیا جانا چاہیے۔ عمائدین کی قیادت اور تعمیری کردار کی تعریف کرتے ہوئے وزیر اعظم نے نچلی سطح پر شمولیت اور اس بات کو یقینی بنانے کی مسلسل ضرورت کا اعادہ کیا کہ دہشت گردوں کو کوئی سماجی جگہ نہ ملے۔ انسداد دہشت گردی کی کوششوں کی کامیابی اور طویل مدتی امن و استحکام کے لیے یہ انتہائی اہم تھا۔ وزیراعظم نے کہا کہ امن کے دشمنوں کو پاکستان کے اندر کام کرنے کی کوئی جگہ نہیں ملے گی۔ ان کے لیے ہمارا پیغام واضح ہے، حکومت، مسلح افواج، قانون نافذ کرنے والے ادارے اور انتظامیہ پاکستان کی مکمل حمایت کے ساتھ، دہشت گردی کے خلاف قوم کی جنگ کو اس کے منطقی انجام تک پہنچائیں گے اور دہشت گردی کو فیصلہ کن انداز میں شکست دیں گے۔ بلوچستان میں خوشحالی کے لیے یادگار ترقیاتی پیکجز کے سلسلے کو اجاگر کرتے ہوئے وزیر اعظم نے عوام تک حکومتی اقدامات کے اثرات کو یقینی بنانے کی ضرورت پر زور دیا۔ وزیراعظم نے قومی یکجہتی کے تحفظ میں بلوچستان کے عوام کے تاریخی کردار کی تعریف کی اور ان پر زور دیا کہ وہ بھارت کی طرف سے منظم اور سپانسر کی گئی غیر ملکی حمایت یافتہ تخریب کاری کے خلاف چوکنا رہیں۔ وزیراعظم نے شہداء کے اہل خانہ کو مکمل تعاون اور حمایت کا یقین دلایا۔ وزیر اعظم نے انہیں یقین دلایا کہ دہشت گردوں، ان کے معاونین اور سہولت کاروں کو معاف نہیں کیا جائے گا۔ جرگہ قبائلی عمائدین کی طرف سے حکومت پاکستان اور مسلح افواج کے ساتھ کندھے سے کندھا ملا کر کھڑے ہونے کے متفقہ عہد کے ساتھ اختتام پذیر ہوا اور بلوچستان کی سلامتی، استحکام اور ترقی کے لیے اپنے عزم کا اعادہ کیا۔ وزیراعظم کا خطاب علاقائی اور داخلی سلامتی کی ترقی کے درمیان پاکستان کے دفاعی اداروں کو مضبوط بنانے کے لیے حکومت کے گہرے عزم کی عکاسی کرتا ہے۔ اپنی بات چیت کے دوران وزیر اعظم نے ابھرتے ہوئے اور ہائبرڈ خطرات کے پیش نظر پیشہ ورانہ مہارت، آپریشنل تیاری اور تذویراتی دور اندیشی کی اہمیت کو اجاگر کیا۔ خاص طور پر بلوچستان جیسے حساس خطوں میں، جہاں بھارتی سپانسر شدہ دہشت گرد پراکسی ہمارے لوگوں کو نشانہ بناتے ہیں اور ہماری ترقی اور خوشحالی کو متاثر کرنا چاہتے ہیں۔
چینی صدر کا فودان یونیورسٹی کی 120ویں سالگرہ پر مبارکباد کا خط ،سماجی علوم ،ہنرمندی اور سائنس و ٹیکنالوجی پر زور دیا