گائے کو برگر کھلانے کی ویڈیو وائرل، ’بعد میں ہم ان کا برگر کھائیں گے‘
اشاعت کی تاریخ: 4th, June 2025 GMT
عید قرباں کے قریب آتے ہی جہاں ہرطرف قربانی کے جانوروں کی گہما گہمی ہوتی ہے وہیں سوشل میڈیا پر دلچسپ خبریں وائرل ہو جاتی ہیں اور خاص طور پر جانوروں کو دی جانے والی مختلف خوارکیں سب کی توجہ سمیٹ لیتی ہیں۔ کبھی گائے کو پان کھلانے کی ویڈیو وائرل ہوتی ہے تو کبھی گول گپے۔
ایسی ہی ایک ویڈیو سوشل میڈیا پر وائرل ہو رہی ہے جس میں ایک شخص گائے کو برگر میں چارہ ڈال کر کھلاتا نظر آ رہا ہے جسے وہ مزے سے کھاتی ہے۔
ویڈیو پر صارفین کی جانب سے مختلف تبصرے کیے جا رہے ہیں۔ ایک صارف نے کہا کہ اس کو ’بیف برگر‘ کہتے ہیں۔ مصباح نبیل کہتی ہیں کہ یہ برگر گائے کے لیے صرف ایک نوالہ ہے۔ ساجد علی کا کہنا تھا کہ آپ نے گائے کے لیے برگر پیک نہیں کیا اور نہ ہی گائے نے اس کے پیسے آپ کو دیے۔
مہروز خان نے کہا کہ مزہ نہیں آیا برگر میں کیچپ اور مایونیز بھی ڈال دیتے جبکہ ایک صارف نے کہا کہ عید کے بعد یہ سب کچھ آپ کھائیں گے۔
میر خان نے لکھا کہ اس بیچاری گائے کو پتہ ہی نہیں ہے کہ برگر کھلانے والا عید کے بعد اس کا چپلی کباب بنا کر کھائے گا، جبکہ ایک صارف کا کہنا تھا کہ اس کو جانور کو برگر کھلانے کا آئیڈیا مل گیا ہے۔
ایک صارف نے گائے کو برگر کھلانے کی ویڈیو پر تبصرہ کرتے ہوئے کہا کہ بعد میں ہم ان کا برگر کھائیں گے۔ سلمان بٹ کہتے ہیں ان کو بھی جنک فوڈ پر لگا دیا۔
اس سے قبل بھی ایک ویڈیو وائرل ہوئی تھی جس میں ایک گائے کو کراچی کی سڑکوں پر چہل قدمی کرتے دیکھا گیا جو ایک دکان کے سامنے آ کر رکتی ہے جہاں دکان میں موجود شخص اسے پان کھلاتا ہے جسے وہ مزے سے چباتی نظر آتی ہے۔ ایک اور ویڈیو میں ایک شخص گائے اور اس کے بچے کو گول گپے کِھلا رہا ہے جو دونوں بہت شوق سے کھارہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عید قربان عیدالاضحیٰ گائے برگر گائے کی ویڈیو وائرل.
ذریعہ
ذریعہ: WE News
کلیدی لفظ: عیدالاضحی گائے برگر گائے کی ویڈیو وائرل ویڈیو وائرل برگر کھلانے ایک صارف کی ویڈیو کو برگر گائے کو کہا کہ
پڑھیں:
Google سیلفی ویڈیو فیچر، اکاؤنٹ سائن اِن مزید محفوظ بنانے کا نیا طریقہ
کیلیفورنیا: گوگل سیلفی ویڈیو فیچر متعارف کرا دیا گیا ہے، جس کے ذریعے صارفین اپنے گوگل اکاؤنٹ میں سائن اِن اور اکاؤنٹ ریکوری کے دوران مختصر سیلفی ویڈیو کے ذریعے اپنی شناخت کی تصدیق کر سکیں گے۔ کمپنی کے مطابق اس نئے نظام کا مقصد آن لائن فراڈ، ڈیپ فیک ٹیکنالوجی اور اکاؤنٹ ہیکنگ جیسے بڑھتے ہوئے خطرات سے صارفین کو بہتر تحفظ فراہم کرنا ہے۔
گوگل کی جانب سے جاری معلومات کے مطابق یہ فیچر روایتی تصدیقی طریقوں کا متبادل ہوگا، خاص طور پر ایسے مواقع پر جب صارف پاس ورڈ، فون نمبر یا دیگر ریکوری ذرائع استعمال نہ کر سکے۔
سیلفی ویڈیو کے ذریعے تصدیق کیسے ہوگی؟
اس نئے نظام کے تحت صارف کو ایک مختصر لائیو ویڈیو ریکارڈ کرنا ہوگی، جسے گوگل شناخت کی تصدیق کے لیے استعمال کرے گا۔ بعد ازاں جب بھی اکاؤنٹ ریکوری یا سائن اِن کی ضرورت ہوگی تو صارف کو دوبارہ لائیو ویڈیو کے ذریعے اپنی شناخت ثابت کرنا ہوگی۔
ویڈیو ریکارڈنگ کے دوران صارف کو اسکرین پر دی گئی ہدایات کے مطابق اپنا سر مختلف سمتوں میں حرکت دینا ہوگی۔ اس عمل کا مقصد یہ یقینی بنانا ہے کہ تصدیق حقیقی شخص کی ہو اور کسی تصویر یا ڈیپ فیک ویڈیو کے ذریعے سسٹم کو دھوکا نہ دیا جا سکے۔
صارفین کا ڈیٹا کیسے محفوظ رہے گا؟
گوگل کا کہنا ہے کہ گوگل سیلفی ویڈیو فیچر کے تحت محفوظ کی جانے والی ویڈیوز جدید انکرپشن ٹیکنالوجی کے ذریعے محفوظ رکھی جائیں گی۔ اس کے علاوہ صارفین کو یہ اختیار بھی حاصل ہوگا کہ وہ اپنے گوگل اکاؤنٹ کے ڈیش بورڈ سے کسی بھی وقت اپنی محفوظ کردہ سیلفی ویڈیو حذف کر سکیں۔
فیچر کہاں دستیاب ہوگا؟
کمپنی کے مطابق اس نئے فیچر کا اجرا مرحلہ وار کیا جا رہا ہے، جس کے باعث یہ دنیا بھر کے صارفین تک بتدریج پہنچے گا۔
اگر آپ کے اکاؤنٹ میں یہ سہولت دستیاب ہو تو اسے فعال کرنے کے لیے گوگل اکاؤنٹ کی Settings میں جائیں، پھر Security & Sign-in کے آپشن کو منتخب کریں اور وہاں موجود Selfie Video فیچر کو آن کر کے اسکرین پر دی گئی ہدایات پر عمل کریں۔
ماہرین کے مطابق مصنوعی ذہانت پر مبنی فراڈ میں اضافے کے بعد بایومیٹرک تصدیقی نظام آن لائن اکاؤنٹس کے تحفظ کے لیے اہم کردار ادا کر سکتا ہے، جبکہ گوگل کا یہ اقدام صارفین کی ڈیجیٹل سیکیورٹی مزید مضبوط بنانے کی کوشش قرار دیا جا رہا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم