آئی فون کے بعد اینڈرائیڈ صارفین کے لیے بھی ایڈوب فوٹوشاپ بالکل مفت دستیاب
اشاعت کی تاریخ: 5th, June 2025 GMT
آئی فون کے بعد ایڈوب فوٹوشاپ بیٹا ورژن اینڈرائیڈ صارفین کے لیے بالکل مفت دستیاب ہے، صارفین اس ایپ کو براہ راست گوگل پلے اسٹور سے فری ڈاؤن لوڈ کرسکتے ہیں۔
یہ بھی پڑھیں: چیٹ جی پی ٹی نے اینڈرائیڈ صارفین کے لیے نئی سہولت متعارف کرادی
ایڈوب نے یہ اعلان آئی او ایس پر مذکورہ ایپ کی ریلیز کے چند ماہ بعد کیا ہے، آئی فون کی طرح ایڈوب فوٹو شاپ کا اینڈرائیڈ ورژن بھی انہی خصوصیات کے ساتھ دستیاب ہے، سب سے اچھی بات یہ ہے کہ دونوں موبائل ایکو سسٹم پر موجود موبائل ورژن میں ڈیسک ٹاپ ویرینٹ جیسی خصوصیات تقریباً ایک جیسی خصوصیات ہیں۔
یاد رہے کہ اینڈرائیڈ صارفین کو فوٹوشاپ چلانے کے لیے کم از کم اینڈرائیڈ 11 اور کم از کم 6 جی بی ریم کی ضرورت ہوگی،جبکہ ایڈوب بہترین کارکردگی کے لیے 8 جی بی ریم کی تجویز کرتا ہے۔
اینڈرائیڈ کے لیے فوٹوشاپ پر دستیاب خصوصیاتایڈوب فوٹوشاپ کے بنیادی ٹولز جیسے سیلیکشن، لیئرز اور ماسک کا استعمال کرتے ہوئے تصاویر کو یکجا اور بلینڈ کیا جاسکتا ہے۔
ٹیپ سیلیکٹ ٹول کے ساتھ تصویر کے کچھ حصوں کو ہٹائیں یا تبدیل کریں۔
اسپاٹ ہیلنگ برش جیسے ٹولز کا استعمال کرتے ہوئے تصویر کے کسی بھی حصے کو صاف کیا جاسکتا ہے۔
مواد کو آسانی سے شامل کرنے یا تبدیل کرنے کے لیے فائر فلائی سے چلنے والی جنریٹو AI خصوصیات جیسے جنریٹو فل کا استعمال کریں۔
یہ بھی پڑھیں: آئی فون صارفین بھی اب مائیکرو سوفٹ پلیٹ فارم سے منسلک ہوسکیں گے
سلیکٹ اور میجک ٹول کے ساتھ درست انتخاب کریں۔
تصویروں کو جدید ٹولز سے ہٹائیں اور کلون سٹیمپ سے بہتر کریں۔
ایڈوب نے یہ بھی اعلان کیا ہے کہ ایپ کی مزید خصوصیات جلد پیش کی جائیں گی۔
یاد رہے کہ ایڈوب فوٹوشاپ کا بیٹا ورژن مفت دستیاب ہے، تاہم اس ایپ کے اپگریڈ ورژن کے لیے صارفین کو ادائیگی کرنا پڑسکتی ہے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فونز ایڈوب فوٹوشاپ اینڈرائیڈصارفین.
ذریعہ
ذریعہ: WE News
کلیدی لفظ: ا ئی فونز اینڈرائیڈصارفین اینڈرائیڈ صارفین ا ئی فون کے لیے
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار