’یہ پہلگام واقعے کا جشن منا رہے ہیں‘، ششی تھرور کے گانا گانے پر بھارتی صارفین کی تنقید
اشاعت کی تاریخ: 5th, June 2025 GMT
پاکستان اور بھارت کے درمیان حالیہ کشیدگی کے بعد بھارت کا اعلیٰ سطحی سفارتی وفد گیانا، پاناما، کولمبیا اور برازیل میں ناکامی کے بعد اب واشنگٹن پہنچ گیا ہے۔ بھارت کے اس اعلیٰ سطح وفد کی قیادت سینئر سیاستدان ششی تھرور کر رہے ہیں۔
بھارت کی جانب سے بھیجے جانے والے اس وفد پر بھارتی صارفین ہی تنقید کرتے نظر آ رہے ہیں کیونکہ وفد میں شامل افراد کی گانا گانے کی ویڈیوز سوشل میڈیا پر وائرل ہو رہی ہیں۔
حال ہی میں ششی تھرور کی ایک ویڈیو سوشل میڈیا پر وائرل ہوئی جس میں انہیں گانا گاتے دیکھا جا سکتا ہے اس پر بھارتی صارفین کا کہنا تھا کہ حکومت کے نمائندے دنیا بھر میں سرکاری چرچ پر سیر و تفریح کرتے نظر آ رہے ہیں اور اپنی ساکھ بہتر کے بجائے وفد گانے گا رہا ہے۔
ایک صارف نے ویڈیو شیئر کرتے ہوئے لکھا کہ ٹیکس دہندگان کے پیسوں پر نوٹنکی ہو رہی ہے۔
This is the nautanki happening on tax-payers money.
Shameless!???? pic.twitter.com/XM5arpsvjc
— Manish RJ (@mrjethwani_) June 4, 2025
کارتک چوہدری لکھتے ہیں کہ انہیں پہلگام واقعے میں مرنے والوں کے ساتھ کچھ ہمدردی ہونی چاہیے۔
Should have some empathy for those who died ????????
— KARTIK CHAUDHARY (@kartik_chau) June 4, 2025
ایک ایکس صارف کا تنقید کرتے ہوئے کہنا تھا کہ یہ پہلگام میں ہونے والے واقعے کا جشن منا رہے ہیں، اسی بہانے ان کا ورلڈ ٹور بھی ہو گیا ہے۔
Yeah Phalgam ko celebrate kar rahay hein…… world tour ho gaya iss behnay
— John Gabriel (@johngabriell1) June 4, 2025
جہاں بھارتی صارفین ان پر تنقید کرتے نظر آئے وہیں پاکستانی صارفین نے بھی بھارتی وفد کا مذاق اڑایا۔ اظہر محمد خان نے لکھا کہ 26 سیاح بیویوں کے سامنے مار دیے گئے، پاکستان کے ہاتھوں بھارت کے کئی جنگی طیارے گر چکے، ٹرمپ نے کشمیر پر بھارت کی ’دو طرفہ‘ پالیسی کو مٹی میں ملا دیا۔ مگر ششی تھرور اور ان کا وفد تو سیر و تفریح کے لیے نکلے ہوئے ہیں جیسے کچھ ہوا ہی نہ ہو۔
چھببیس سیاح بیویوں کے سامنے مار دیے گئے، پاکستان کے ہاتھوں بھارت کے کئی جنگی طیارے گر چکے، ٹرمپ نے کشمیر پر بھارت کی “دو طرفہ” پالیسی کو مٹی میں ملا دیا۔ مگر ششی تھرور اور ان کا وفد تو سیر و تفریح کے لیے نکلے ہوۓ ہیں, جیسے کچھ ہوا ہی نہ ہو ????pic.twitter.com/nQGvmsbzW7
— Azhar M Khan (@AzharMKhan3) June 4, 2025
اینکر کرن ناز نے لکھا کہ انڈین وفد ڈپلومیٹک ٹرپ کو بھی بالی ووڈ فلم سمجھ کر ہی گیا تھا۔ جیسے فلموں میں ان کے ہیرو دنیا فتح کرتے ہیں یہ بھی یہی سوچ کر اپنا جھوٹ بیچنے گئے تھے، فلم تو بری طرح پٹ گئی۔ سامعین و ناظرین کو گانوں اور ڈانس سے لبھایا جارہا ہے۔ را فنڈنگ سے پاکستان مخالف فلمز بنائی جاتی ہیں۔
انہوں نے مزید کہا کہ عوام کے پیسوں سے یہ ناچنے گانے کے لیے دورے کررہے ہیں۔ یہ ٹرپ انڈین عوام کے ٹیکس کے پیسوں سے ہورہا ہے۔ وہی ٹیکس جس سے جنگی جہاز رافیل خریدے تھے۔ وہی جہاز جو پاکستان نے گرائے ہیں۔6 nil کی اتنی خوشی۔ ویسے ششی تھرور نہ اچھا جھوٹ بیچ پاتے ہیں نہ گا پاتے ہیں۔
انڈین ڈیلیگیشن ڈپلومیٹک ٹرپ کو بھی بالی ووڈ فلم سمجھ کر ہی گیا تھا۔جیسے فلموں میں انکے ہیرو دنیا فتح کرتے ہیں یہ بھی یہی سوچ کر اپنا جھوٹ بیچنے گئے تھے۔فلم تو بری طرح پٹ گئی۔سامعین و ناظرین کو گانوں اور ڈانس سے لبھایاجارہا ہے۔را فنڈنگ سے پاکستان مخالف فلمز بنائی جاتی ہیں۔عوام کے… pic.twitter.com/T5stW2Rxxr
— Kiran Naz (@kirannaz_KN) June 5, 2025
صحافی حامد میر نے لکھا کہ بھارت میں سوال اٹھایا جا رہا ہے کہ ششی تھرور پہلگام حملے میں مارے جانے والے بے گناہوں کا مقدمہ لڑنے امریکہ گئے تھے لیکن وہ تو وہاں گانے بجانے میں مصروف ہیں میرا سوال یہ ہے ان کا گانا سننے والوں میں اسدالدین اویسی بھی تشریف فرما ہیں کیا انہوں نے صرف گانا سنا یا خود بھی کچھ گایا؟
بھارت میں سوال اٹھایا جا رہا ہے کہ ششی تھرور پہلگام حملے میں مارے جانے والے بے گناہوں کا مقدمہ لڑنے امریکہ گئے تھے لیکن وہ تو وہاں گانے بجانے میں مصروف ہیں میرا سوال یہ ہے انکا گانا سننے والوں میں اسدالدیں اویسی بھی تشریف فرما ہیں کیا انہوں نے صرف گانا سنا یا خود بھی کچھ گایا ؟؟؟ pic.twitter.com/2gcxpEWNvU
— Hamid Mir حامد میر (@HamidMirPAK) June 5, 2025
واضح رہے کہ اس سے قبل وفد میں شامل خاتون اپنے دورے کے دوران گانا گاتی نظر آئیں جس پر انہیں تنقید کا سامنا کرنا پڑا۔ صارفین کا کہنا تھا کہ یہ پہلگام میں نشانہ بننے والوں کا مقدمہ لڑنے گئے ہیں یا گانا گانے۔ کئی بھارتی صارفین نے تنقید کرتے ہوئے کہا کہ بھارتی حکومت نے اپنا رویہ نہ بدلا تو بین الاقوامی سطح پر ساکھ ختم ہو جائیگی
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی وفد بھارتی وفد کے دورے پہلگام حملہ ششی تھرور
ذریعہ
ذریعہ: WE News
کلیدی لفظ: بھارتی وفد بھارتی وفد کے دورے پہلگام حملہ ششی تھرور بھارتی صارفین تنقید کرتے ششی تھرور پر بھارت بھارت کے گئے تھے لکھا کہ رہے ہیں کے لیے
پڑھیں:
ورلڈ کپ تیاریوں کے لیے سست وکٹوں پر تنقید مسترد، مائیک ہیسن کا دوٹوک مؤقف
پاکستان کرکٹ ٹیم کے وائٹ بال ہیڈ کوچ مائیک ہیسن نے آسٹریلیا کے خلاف جاری ون ڈے سیریز میں استعمال ہونے والی اسپن فرینڈلی وکٹوں پر ہونے والی تنقید کو مسترد کرتے ہوئے کہا ہے کہ سنہ 2027 ورلڈ کپ کی تیاریوں کے لیے ٹیم کی حکمت عملی جامع تحقیق اور مختلف حالات کے جائزے پر مبنی ہے۔
یہ بھی پڑھیں: ون ڈے ٹیم کی تشکیل پر مسلسل کام جاری، ورلڈ کپ کو ہدف بنایا لیا، مائیک ہیسن
پاکستان نے 3 میچوں کی سیریز کے پہلے ون ڈے میں کم اسکور والے سنسنی خیز مقابلے کے بعد 0-1 کی برتری حاصل کر رکھی ہے تاہم بعض کرکٹ مبصرین نے سوال اٹھایا تھا کہ آیا سست اور اسپن بولنگ کے لیے سازگار وکٹیں ٹیم کو 2027 کے ورلڈ کپ کے لیے مؤثر تیاری فراہم کر سکیں گی یا نہیں۔
سوشل میڈیا پلیٹ فارم ایکس پر اپنے بیان میں مائیک ہیسن نے کہا کہ یہ تصور درست نہیں کہ جنوبی افریقا کی تمام وکٹیں تیز اور باؤنس والی ہوتی ہیں۔
انہوں نے لکھا کہ میں یہ باتیں سن رہا ہوں کہ پاکستان میں موجودہ وکٹیں جنوبی افریقہ میں ہونے والے ورلڈ کپ کی تیاری کے لیے موزوں نہیں ہیں لیکن حقیقت اس سے مختلف ہے۔
I've been hearing a bit of chatter about the pitches here in Pakistan not being the ideal preparation for the World Cup in South Africa. It’s actually a topic I talked about on the latest #PCB podcast.
Firstly the World Cup is jointly hosted in South Africa, Zimbabwe and…
— Mike Hesson (@CoachHesson) June 1, 2026
ہیسن نے یاد دلایا کہ سنہ 2027 کا آئی سی سی مینز کرکٹ ورلڈ کپ صرف جنوبی افریقا میں نہیں بلکہ زمبابوے اور نمیبیا میں بھی کھیلا جائے گا جہاں متعدد میدانوں پر اسپنرز کو نمایاں مدد ملتی ہے۔
مزید پڑھیے: ورلڈ کپ سے قبل پاور پلے اور مڈل اوورز میں بہتری ضروری ہے، ہیڈ کوچ مائیک ہیسن
انہوں نے کہا کہ زمبابوے اور نمیبیا میں ایسے کئی وینیوز موجود ہیں جہاں اسپن ایک اہم عنصر ہوتا ہے اور پاکستان کو وہاں بھی میچز کھیلنے ہیں۔
پاکستانی ٹیم کے ہیڈ کوچ نے سال 2024 میں جنوبی افریقا کے دورے کا حوالہ دیتے ہوئے کہا کہ پارل میں کھیلے گئے ون ڈے میچ میں بھی اسپن بولنگ نے اہم کردار ادا کیا تھا جو اس بات کا ثبوت ہے کہ جنوبی افریقہ کی تمام وکٹوں کو یکساں طور پر تیز اور باؤنس والی قرار نہیں دیا جا سکتا۔
انہوں نے مزید کہا کہ یہ تاثر کہ جنوبی افریقا کی ہر وکٹ رفتار اور باؤنس کے لیے مشہور ہے حقیقت پر مبنی نہیں۔
مزید پڑھیں: دوسرا ون ڈے: آسٹریلیا کی پاکستان کے خلاف بیٹنگ جاری
نیوزی لینڈ سے تعلق رکھنے والے کوچ نے شائقین کو یقین دلایا کہ ٹیم مینجمنٹ نے ورلڈ کپ کے حوالے سے تفصیلی تحقیق کی ہے اور آئندہ 18 ماہ کے دوران مختلف حالات اور وکٹوں پر کھیلنے کی بھرپور تیاری کی جائے گی تاکہ پاکستان عالمی ایونٹ کے لیے ہر ممکن طور پر تیار ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کی اسپن فرینڈلی وکٹس پاکستان کی سلو وکٹس پاکستانی پچز پاکستانی وکٹس مائیک ہیسن ورلڈ کرکٹ کپ 2027
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ