ترکیہ: ازمیر میں پولیس اسٹیشن پر فائرنگ، 2 اہلکار جاں بحق،حملہ آور گرفتار
اشاعت کی تاریخ: 9th, September 2025 GMT
ازمیر: ترکیہ کے شہر ازمیر کے قریب پولیس اسٹیشن پر فائرنگ کے نتیجے میں 2 پولیس اہلکار جاں بحق جبکہ 2 زخمی ہوگئے۔ پولیس نے کارروائی کرتے ہوئے 16 سالہ مشتبہ حملہ آور کو گرفتار کر لیا۔
غیر ملکی میڈیا کے مطابق یہ واقعہ ازمیر کے مغربی علاقے بالچووا میں پیش آیا۔ ترک وزیر داخلہ علی یرلکایا کا کہنا ہے کہ فائرنگ میں ایک پولیس اہلکار شدید زخمی بھی ہوا ہے۔
وزیر داخلہ نے سوشل میڈیا پلیٹ فارم ایکس پر جاری بیان میں کہا کہ واقعے کے بعد پولیس نے فوری ردعمل دیتے ہوئے ملزم کو گرفتار کر لیا ہے اور تفتیش جاری ہے۔
میڈیا رپورٹس کے مطابق حملہ آور نے مبینہ طور پر شاٹ گن استعمال کی۔ فائرنگ کے بعد پولیس نے علاقے کو گھیرے میں لے کر سخت سیکیورٹی اقدامات نافذ کر دیے۔
ازمیر کے میئر جمیل توگای نے واقعے کو “غدارانہ حملہ” قرار دیتے ہوئے جاں بحق اہلکاروں کے لواحقین سے گہری تعزیت کا اظہار کیا۔
Post Views: 7.
ذریعہ
ذریعہ: Daily Mumtaz
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا