---تصاویر بشکریہ سوشل میڈیا
سربراہ عوامی مسلم لیگ شیخ رشید کی عید قرباں کے موقع پر نجی ٹیلی ویژن کو دیے گئے ایک انٹرویو کا کلپ سوشل میڈیا پر وائرل ہوا جس میں وہ والدہ کو یاد کر کے رو پڑے۔
پاکستان کے سینئر سیاستدان شیخ رشید احمد عیدالاضحیٰ پر ایک بالکل مختلف انداز میں نظر آئے۔ وہ ہمیشہ اپنی پیش گوئیوں اور سادہ مگر برجستہ اندازِ گفتگو کی وجہ سے خبروں میں رہتے ہیں، مگر اس بار اُن کے جذباتی لمحے نے سب کو حیران کر دیا۔
شیخ رشید احمد نے اپنے حلقۂ انتخاب، اہلِ خانہ اور ووٹرز کے ساتھ عید منائی، تاہم قربانی کے وقت انہوں نے نجی ٹی وی سے گفتگو کی اور اس دوران وہ اپنی مرحوم والدہ کو یاد کرکے رونے لگے۔
سابق وفاقی وزیر داخلہ شیخ رشید احمد نے چاند رات کے موقع پر اپنی مرحومہ والدہ کی قبر پر حاضری دی۔
شیخ رشید گفتگو کے دوران جذبات پر قابو نہ رکھ سکے اور کہا میری ماں بہت مضبوط خاتون تھیں، ہم میں بہت جھگڑے ہوتے تھے جب میں چھوٹا تھا، لیکن وہ ہمیشہ میرے ساتھ رہیں، آج جب میں قربانی کر رہا ہوں، ان کی بہت یاد آ رہی ہے۔
شیخ رشید ماضی میں بھی متعدد بار اپنی والدہ سے محبت اور ان کے اثرات کا ذکر کرتے آئے ہیں۔ اُنہوں نے کہا کہ میری کامیابی، طالب علمی، سیاست سے لے کر قومی اسمبلی تک سب کچھ میری ماں نے اپنی آنکھوں سے دیکھا۔
ویڈیو دیکھنے والے بھی ان کے دکھ میں شریک ہوئے، سوشل میڈیا پر شیخ رشید کے اس لمحے کی ویڈیو تیزی سے وائرل ہو رہی ہے۔
یہ پہلا موقع ہے جب عوام نے ایک سخت لہجے والے سیاستدان کو ایک بیٹے کی طرح ٹوٹتا اور یادوں میں بکھرتا دیکھا۔
.ذریعہ: Jang News
پڑھیں:
چند سال قبل چوری شدہ موٹر سائیکل کا ای چالان اصل مالک کے گھر پہنچ گیا
کراچی:جدید فیس لیس ای چالان چند سال قبل چوری شدہ موٹر سائیکل کے اصل مالک کے گھر بھیج دیا گیا ، شہری کے گھر چالان پہنچنے پر وہ حیرت زدہ ہوگیا، ای چالان نے اے وی ایل سی اور شہر میں پولیس کے ناکوں کی کارکردگی پر بھی سوال اٹھا دیے ہیں کہ چوری کی موٹر سائیکل شہر میں گھوم رہی ہے لیکن اسے پکڑنے والا کوئی نہیں۔
تفصیلات کے مطابق گزشتہ روز کراچی کے ایک شہری نے انکشاف کیا کہ چند سال قبل میری موٹر سائیکل گھر کے باہر سے چوری ہوگئی تھی جس کا مقدمہ ٹیپو سلطان تھانے میں درج کرایا تھا ، شہری نے تعجب کا اظہار کرتے ہوئے کہا کہ میری چوری کی جانے والی موٹر سائیکل کا ای چالان 27 اکتوبر کو 5 ہزار روپے کا موصول ہوا۔
ای چالان کے مطابق موٹر سائیکل سوار نے ہیلمٹ بھی نہیں پہنا ہوا تھا ، شہری کا کہنا تھا کہ موٹر سائیکل چوری ہوئی تھی متعلقہ حکام میری موٹر سائیکل برآمد تو نہیں کرا سکے تاہم اس کی خلاف ورزی کا چالان مجھے ضرور بھیج دیا گیا۔
شہری نے پولیس حکام سے مطالبہ کیا ہے کہ میری موٹر سائیکل پر جس شخص کی بغیر ہیلمٹ کے تصویر حاصل کی گئی ہے اس کا سراغ لگا کر میری موٹر سائیکل برآمد کرائی جائے۔
یونیورسٹی روڈ کی خستہ حالت کے باعث پیدا ہونے والی گرد و غبار سے شہریوں کو روزانہ مشکلات کا سامنا کرنا پڑ رہا ہے