پنجاب حکومت کا نیا قانون، عوامی فنڈز سے حکومتی تشہیر کو قانونی تحفظ دینے کی تیاری
اشاعت کی تاریخ: 12th, June 2025 GMT
پنجاب حکومت نے ایک نئے متنازعہ قانون کی تیاری مکمل کر لی ہے جس کے تحت عوامی آگاہی کے نام پر سرکاری فنڈز سے حکومتی تشہیری مہمات کو قانونی تحفظ فراہم کیا جائے گا۔
یہ بھی پڑھیں: پنجاب حکومت کی جانب سے اخباروں میں اشتہارات، رانا ثنااللہ بھی بول پڑے
میڈیا رپورٹس کے مطابق ’عوامی آگاہی و معلومات ترسیل بل 2025‘ پنجاب اسمبلی کے موجودہ سیشن میں منظوری کے لیے پیش کیا جائے گا۔
مجوزہ بل کے تحت حکومت کو نہ صرف عوامی مہمات کو قانونی حیثیت دینے کا اختیار حاصل ہوگا بلکہ یہ قانون عدالتوں کے فیصلوں پر بھی اثرانداز ہوگا، اس بل کی منظوری کے بعد یکم جنوری 2024 سے جاری تمام سرکاری اشتہاری مہمات کو قانونی تحفظ حاصل ہو جائے گا۔
یہ بھی پڑھیں: کس دور حکومت میں میڈیا کو سب سے زیادہ سرکاری اشتہارات دیے گئے؟
بل کی دفعہ 5 کے مطابق حکومت کو اپنے ترقیاتی منصوبوں کو نام دینے اور ان کی بھرپور تشہیر کا اختیار حاصل ہوجائے گا۔ مزید برآں اس قانون کے بعد حکومت کی جانب سے کی جانے والی تشہیر کو کسی بھی عدالت میں چیلنج نہیں کیا جا سکے گا اور صرف اندرونی تحقیقات کا اختیار باقی رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پنجاب اسمبلی پنجاب حکومت تشہیری مہم عوام پیسا قانونی تحفظ.ذریعہ: WE News
کلیدی لفظ: پنجاب اسمبلی پنجاب حکومت تشہیری مہم عوام پیسا پنجاب حکومت کو قانونی
پڑھیں:
افغانیوں کو دکان و گھر کرائے پر دینے والے مالکان پر 79 مقدمات درج
—فائل فوٹوراولپنڈی ریجن میں غیر قانونی طور پر مقیم افغان شہریوں کے خلاف کریک ڈاؤن جاری ہے۔
آر پی او کے ترجمان کے مطابق راولپنڈی، اٹک، جہلم، چکوال اور مری پولیس کی کارروائیاں جاری ہیں، افغان شہریوں کو دکان اور گھر کرائے پر دینے والے مالکان کے خلاف 79 مقدمات درج کیے گئے ہیں۔
پاکستان میں مقیم غیرقانونی افغان شہریوں کی وطن واپسی کے لیے طورخم سرحدی گزرگاہ کھول دی گئی۔
ترجمان آر پی او نے بتایا ہے کہ غیر قانونی طور پر مقیم 14342 افغان شہری واپس بھجوائے جا چکے ہیں، جبکہ غیر قانونی طور پر مقیم 1523 افغان شہریوں کو ہولڈنگ سینٹر منتقل کیا جا چکا ہے۔
آر پی او کے ترجمان کا کہنا ہے کہ شہری غیر قانونی طورپر مقیم غیر ملکیوں کو مکان، دکان یا گاڑی کرائے پر ہرگز نہ دیں، غیر قانونی طور پر مقیم غیر ملکی کسی قسم کا کاروبار، خرید و فروخت یا ملازمت نہیں کر سکتے۔
ترجمان آر پی او نے یہ بھی کہا ہے کہ قانونی طور پر مقیم غیر ملکی اپنی رجسٹریشن متعلقہ تھانے میں کروائیں۔
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد