اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: محکمہ موسمیات نے وفاقی دارالحکومت اسلام آباد سمیت ملک کے مختلف علاقوں میں آئندہ 24 گھنٹوں کے دوران آندھی اور گرج چمک کے ساتھ بارش کی پیشگوئی کردی ہے جبکہ سندھ، بلوچستان اور خیبرپختونخوا کے بیشتر علاقوں میں شدید گرمی اور خشک موسم برقرار رہے گا۔
میڈیا رپورٹس کےمطابق محکمہ موسمیات کے مطابق اسلام آباد اور اس کے گردونواح میں چند مقامات پر آندھی اور گرج چمک کے ساتھ بارش کا امکان ہے، پنجاب کے بیشتر اضلاع میں موسم گرم اور خشک رہنے کی توقع ہے، تاہم راولپنڈی، گلیات، چکوال، جہلم اور ان کے گردونواح میں آندھی کے ساتھ چند مقامات پر ہلکی بارش کی پیشگوئی کی گئی ہے۔ میدانی علاقوں میں گرد آلود ہوائیں چلنے کا بھی امکان ہے۔
محکمہ موسمیات کےمطابق ادھر سندھ اور بلوچستان میں بھی گرمی کی شدت برقرار ہے،بلوچستان کے کئی علاقے شدید گرمی کی لپیٹ میں ہیں، جہاں درجہ حرارت 48 ڈگری سینٹی گریڈ تک پہنچ گیا ہے، سبی ملک کا گرم ترین مقام رہا، جہاں درجہ حرارت 48 ڈگری ریکارڈ کیا گیا۔ تربت میں 45، نوکنڈی میں 43، چمن میں 37، جب کہ زیارت میں نسبتاً معتدل درجہ حرارت 27 ڈگری سینٹی گریڈ ریکارڈ کیا گیا۔ ژوب میں پارہ 39 ڈگری تک پہنچا۔
ساحلی علاقوں میں بھی گرمی کی شدت کم نہ ہو سکی۔ گوادر میں درجہ حرارت 37 اور جیوانی میں 36 ڈگری سینٹی گریڈ ریکارڈ کیا گیا، جس سے مقامی آبادی کو شدید حبس اور گھٹن کا سامنا ہے۔
خیبرپختونخوا کے میدانی اضلاع میں بھی موسم شدید گرم اور خشک رہنے کا امکان ہے جب کہ بعض بالائی علاقوں میں بارش کی پیشگوئی کی گئی ہے۔ چترال، دیر، سوات، مالاکنڈ، مانسہرہ، شانگلہ، کوہستان، ایبٹ آباد، پشاور، کرم، کوہاٹ، وزیرستان اور اطراف کے علاقوں میں آندھی اور گرج چمک کے ساتھ بارش متوقع ہے۔
گلگت بلتستان اور آزاد کشمیر میں بھی چند مقامات پر تیز ہواؤں کے ساتھ ہلکی بارش کی توقع ہے، جس سے جزوی طور پر موسم خوشگوار ہونے کا امکان ہے۔
محکمہ موسمیات نے شہریوں خصوصاً بلوچستان اور سندھ کے میدانی علاقوں میں رہنے والوں کو ہدایت کی ہے کہ وہ شدید گرمی کے دوران بلا ضرورت دھوپ میں نکلنے سے گریز کریں، پانی کا زیادہ استعمال کریں اور مناسب احتیاطی تدابیر اختیار کریں تاکہ ہیٹ اسٹروک جیسے مسائل سے محفوظ رہا جا سکے۔
.ذریعہ: Jasarat News
کلیدی لفظ: گرج چمک کے ساتھ بارش بارش کی پیشگوئی محکمہ موسمیات علاقوں میں اسلام آباد امکان ہے میں بھی
پڑھیں:
عوام تیاری کرلیں: ملک بھر میں گرج چمک کے ساتھ بارش ہونے والی ہے
عوام تیاری کرلیں: ملک بھر میں گرج چمک کے ساتھ بارش ہونے والی ہے WhatsAppFacebookTwitter 0 17 September, 2025 سب نیوز
محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کردی ہے۔
محکمہ موسمیات کے مطابق ملک کے بیشتر علاقوں میں موسم خشک اور گرم رہنے کا امکان ہے تاہم بالائی خیبرپختونخوا، شمال مشرقی پنجاب، خطہ پوٹھوہار، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔
اس دوران شمال مشرقی پنجاب، کشمیر اور ملحقہ پہاڑی علاقوں میں بعض مقامات پر تیز بارش بھی ہونے کی توقع ہے۔محکمہ موسمیات نے اسلام آباد اور گرد و نواح میں چند مقامات پر بارش کا امکان ظاہر کیا ہے۔
راولپنڈی، مری، گلیات، جہلم، اٹک، چکوال، لاہور، سرگودھا، خوشاب، سیالکوٹ، نارووال، قصور، حافظ آباد، فیصل آباد، منڈی بہاؤالدین، گجرات اورگوجرانوالہ میں بارش کا امکان ہے۔
پشاور، سوات، کوہاٹ، مردان، دیر، چترال، بنوں، باجوڑ، ایبٹ آباد، صوابی اور مانسہرہ میں بارش کی توقع ہے۔ بلوچستان کے جنوبی علاقوں میں مطلع جزوی ابرآلود رہنے کا امکان ہے۔
سندھ کے بیشتر اضلاع میں موسم گرم اور خشک رہنے کی توقع ہے، آزاد کشمیر اور گلگت بلتستان میں تیز ہواؤں اورگرج چمک کے ساتھ بارش کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ ساحلی علاقوں میں موسم جزوی طور پر ابر آلود رہا تاہم بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اورگرج چمک کے ساتھ بارش ہوئی،اس دوران کراچی میں بھی ہلکی بارش ہوئی۔
کراچی میں موسم کیسا ہے؟
محکمہ موسمیات کے مطابق کراچی کا موجودہ درجہ حرارت 27 ڈگری سینٹی گریڈ ہے، آج زیادہ سے زیادہ درجہ حرات 32 ڈگری سینٹی گریڈ تک رہنے کا امکان ہے۔ ہوا میں نمی کا تناسب 92 فیصد ہے، جنوب مغرب سے 7 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ کراچی میں مطلع ابر آلود رہنے کے ساتھ ہلکی بوندا باندی کا امکان ہے۔
پنجاب میں مون سون بارشوں کا 11واں اسپیل 19 ستمبر تک جاری رہنے کا امکان
پروویشنل ڈیزاسٹر مینجمنٹ اتھارٹی (پی ڈی ایم اے) کے مطابق پنجاب بھر میں مون سون بارشوں کا 11واں اسپیل 19 ستمبر تک جاری رہنے کا امکان ہے۔
محکمہ موسمیات نے آئندہ 24 گھنٹوں میں پنجاب کے بیشتر اظلاع میں بارشوں کی پیش گوئی کی ہے۔
ڈی جی پی ڈی ایم اے کے مطابق راولپنڈی، مری، گلیات کے ندی نالوں میں بہاؤ میں اضافے کا امکان ہے، وزیراعلیٰ پنجاب کی ہدایات کے پیش نظر انتظامیہ الرٹ ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا کراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا پنجاب حکومت نے جی ایچ کیو حملے کیس کے جیل ٹرائل کا نوٹیفکیشن واپس لے لیا سکیورٹی فورسز کا خضدار میں آپریشن، 5 بھارتی حمایت یافتہ دہشت گرد ہلاک پٹوار سرکلز میں غیر قانونی عمل، اسلام آباد ہائیکورٹ نے ڈپٹی کمشنر کو طلب کر لیا جسٹس طارق جہانگیری کی سماعت کی آڈیو ویڈیو ریکارڈنگ حصول کی درخواست دائر سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سالCopyright © 2025, All Rights Reserved
رابطہ کریں ہماری ٹیم
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر