سندھ کا34 کھرب51 ارب87 کروڑ کا بجٹ پیش
اشاعت کی تاریخ: 13th, June 2025 GMT
سندھ کا اگلے مالی سال کیلئے چونتیس کھرب اکاون ارب ستاسی کروڑ روپے کا بجٹ آج سندھ اسمبلی کراچی میں پیش کیاگیا ۔سندھ کے وزیراعلی سید مراد علی شاہ نے جن کے پاس وزیرخزانہ کا قلمدان بھی ہے ، بجٹ تجاویز پیش کرتے ہوئے گریڈ ایک سے سولہ تک سرکاری ملازمین کی تنخواہوں میں بارہ فیصد اضافے اور گریڈ سترہ سے بائیس تک کے ملازمین کی تنخواہوں میں دس فیصد اضافے کا اعلان کیا ۔
وزیراعلی نے ریٹائرڈ ملازمین کی پنشن میں آٹھ فیصد اضافے کا اعلان کیا ۔انہوں نے خصوصی ملازمین کے کنوینس الائونس میں اضافے کا بھی اعلان کیا ۔بجٹ میں جاری اخراجات کیلئے دوہزار ایک سو انچاس اعشاریہ چار ارب روپے مختص کیے گئے ہیں۔تعلیم کے شعبے کیلئے پانچ سوتئیس اعشاریہ تین ارب روپے مختص کیے گئے ہیں جو موجودہ مالی سال کے مقابلے میں بارہ اعشاریہ چار فیصد زیادہ ہے ۔
صحت کے شعبے کیلئے تین سو چھبیس اعشاریہ پانچ ارب روپے مختص کیے گئے ہیں۔صوبائی سالانہ ترقیاتی پروگرام کیلئے پانچ سو بیس ارب روپے ، ضلعی ترقیاتی پروگرام کیلئے پچپن ارب روپے اور غیرملکی امداد والے منصوبوں کیلئے تین سوچھیاسٹھ اعشاریہ سات دو ارب روپے رکھے گئے ہیں۔
انہوں نے اعلان کیاکہ کراچی میں ٹرانسپورٹ کے نظام کو جدید بنایا جائے گا اور لوگوں کی سہولت کیلئے شہر میں پچاس برقی بسیں چلائی جائیں گی۔وزیراعلی نے کہاکہ زرعی اصلاحات پر بھی خصوصی توجہ دی گئی ہے ۔انہوں ںے کہا کہ دو لاکھ سے زیادہ کاشتکاروں کو بے نظیر کارڈ جاری کیے جائیںگے تاکہ انھیں سبسڈی اورجدید زرعی مشینری فراہم کی جاسکے۔
اشتہار
ذریعہ
ذریعہ: Al Qamar Online
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ