خان پور ڈیم میں پانی کے صرف 25 دن کے ذخائر باقی رہ گئے
اشاعت کی تاریخ: 14th, June 2025 GMT
خیبرپختونخوا اور پنجاب میں مسلسل کم بارشوں اور خشک موسم کے باعث پانی کی قلت میں اضافہ ہو رہا ہے، خان پور ڈیم جو کہ راولپنڈی اور اسلام آباد کی آبادی کے بڑے حصے کو پینے کا صاف پانی مہیا کرتا ہے اس میں بھی پانی کے ذخائر خطرناک حد تک کم ہو گئے ہیں۔
ڈان اخبار میں شائع رپورٹ کے مطابق خشک موسم کے باعث خان پور ڈیم میں پانی کے ذخائر انتہائی کم ہو گئے ہیں، سرکاری اعداد و شمار کے مطابق ڈیم میں موجود پانی ڈیڈ لیول سے صرف 11 فٹ دور ہے، پانی میں مسلسل کمی سے راولپنڈی اور اسلام آباد کے رہائشیوں کو آنے والوں دنوں میں مشکلات کا سامنا کرنا پڑ سکتا ہے۔
سرکاری اعداد و شمار کے مطابق خان پور ڈیم میں ڈیڈ لیول کی حد ایک ہزار 921 فٹ ہے جبکہ ڈیم میں موجودہ پانی کی سطح ایک ہزا 910 فٹ ریکارڈ کی گئی ہے۔ ڈیم میں روزانہ کی بنیاد پر پانی کی آمد 16 کیوسک جبکہ اخراج 127 کیوسک ہے، جس میں سے 96.
اگر روزانہ کی بنیاد پر پانی کی آمد اور اخراج میں واضح فرق برقرار رہا تو آئندہ آنے والے دنوں میں یہ صورتحال مزید ابتر ہوسکتی ہے۔
ایک عہدیدار نے بتایا کہ خان پور ڈیم میں اس سے فائدہ اٹھانے والوں بالخصوص سی ڈی اے اور آر سی بی کے لیے صرف 25 دن کے پانی کے ذخائر باقی رہ گئے ہیں۔ انہوں نے بتایا کہ اسلام آباد اور راولپنڈی کے رہائشی آبادیوں کو ملنے والے پانی کے باعث ڈیم کا روزانہ کی بنیاد پر 0.10 فٹ پانی کم ہو رہا ہے۔
ڈیم حکام نے مزید بتایا کہ زیادہ بارشوں والے علاقے بشمول مارگلہ کی پہاڑیاں اور گلیات میں معمول سے کم بارشیں کم ریکارڈ کی گئی ہیں جس سے صورتحال ابتر ہوئی، ڈیم میں مختلف جگہوں پرپتھر اور ٹیلے بھی واضح طور دکھائی دینے لگے ہیں، خصوصا اسپل ویز اور اس جگہ پر جہاں پانی کا اصل ذخیرہ موجود ہوتا ہے۔
انہوں نے بتایا کہ اگر آئندہ 10 سے 15 دنوں میں تیز بارشیں نہیں ہوئیں تو ڈیم کا پانی ڈیڈ لیول سے نیچے جانے کا امکان ہے۔
عہدیدار کے مطابق ڈیم میں پانی کے کم ہوتے ذخائر کی وجہ سے خیبرپختونخوا اور پنجاب کی زرعی زمینوں کے لیے پانی کی سپلائی ایک ماہ قبل ہی معطل کردی گئی تھی، حالیہ خشک موسم کی وجہ سے ٹیکسلا اور واہ کے علاقوں میں پانی کی سطح مسلسل کم ہو رہی ہے جس کی وجہ سے تفریح کے غرض سے ڈیم پر آنے والے شہریوں کی تعداد میں بھی واضح کمی دکھائی دے رہی ہے۔
ڈیم پر تفریحی کی سرگرمیاں کم ہونے کی بنیاد پر کشتی رانی کے شعبے سے جڑے افراد نے اپنی کشتیاں ڈیم کے سوکھے ایریا میں کھڑی کردی ہیں۔ خان پور ڈیم وفاقی دارالحکومت اسلام آباد سے 40 کلو میٹر اور ضلع ہری پور سے 15 کلو میٹر دور پوٹھار کی پہاڑی ریجن اور خیبر پختونخوا کے خان پور گاؤں کے قریب واقع ہے۔
Post Views: 2
ذریعہ
ذریعہ: Daily Mumtaz
کلیدی لفظ: خان پور ڈیم میں اسلام ا باد کی بنیاد پر کے مطابق میں پانی بتایا کہ کے ذخائر پانی کے پانی کی
پڑھیں:
ویزہ اوور سٹے پر ڈی پورٹ ہونے والوں کا نام پاسپورٹ کنٹرول لسٹ میں ڈالنا غیر قانونی قرار
اسلام آباد (اُردو پوائنٹ اخبارتازہ ترین۔ 03 جون2026ء) اسلام آباد ہائیکورٹ نے بیرونِ ملک سے صرف ویزہ اوور سٹے یعنی ویزہ کی مقررہ مدت سے زائد قیام کی بنیاد پر ڈی پورٹ ہونے والے پاکستانی شہریوں کے حق میں فیصلہ سناتے ہوئے ان کا نام پاسپورٹ کنٹرول لسٹ میں شامل کرنے کے حکومتی عمل کو غیر قانونی قرار دے دیا۔ اطلاعات کے مطابق اسلام آباد ہائیکورٹ نے ایک کیس کی سماعت کے دوران ریمارکس دیتے ہوئے واضح کیا ہے کہ اگر کوئی پاکستانی شہری کسی دوسرے ملک میں محض اپنے ویزے کی مدت ختم ہونے یعنی اوور سٹے کی وجہ سے پاکستان واپس ڈی پورٹ کیا جاتا ہے، تو اس کا نام پاسپورٹ کنٹرول لسٹ میں شامل کرنا سراسر قانون کی خلاف ورزی ہے۔ عدالت عالیہ نے اپنے فیصلے میں شہریوں کے بنیادی حقوق کی پاسداری پر زور دیتے ہوئے ریمارکس دیئے کہ محض ویزہ اوور سٹے کی بنیاد پر بیرونِ ملک سے ڈی پورٹ ہونا کسی بھی شہری کے بیرونِ ملک سفر کرنے اور وہاں روزگار حاصل کرنے کے آئینی حق پر پابندی لگانے کا جواز ہرگز نہیں بن سکتا۔(جاری ہے)
فیصلے میں واضح کیا گیا ہے کہ حکومت یا متعلقہ ادارے کسی بھی شہری کے سفر پر اس وقت تک پابندی عائد نہیں کر سکتے جب تک کہ اس کے خلاف کسی باقاعدہ سنگین جرم کا ثبوت نہ ہو، وہ ملک کے لیے کوئی سکیورٹی خدشہ نہ بن چکا ہو، یا اس کے خلاف کسی اور مجرمانہ سرگرمی کا ناقابلِ تردید ثبوت موجود نہ ہو۔
اہم خبر ، دوسرے ملک میں صرف اوور اسٹے پر ڈی پورٹ ہونے والے شہری کا نام پاسپورٹ کنٹرول لسٹ میں ڈالنے کو اسلام آباد ہائیکورٹ نے غیر قانونی قرار دے دیا " جب تک کوئی جرم ثابت نا ہو تب تک سفری پابندی عائد کرنا غیر آئینی غیر قانونی ہے " اسلام آباد ہائیکورٹ کا فیصلہ pic.twitter.com/zbQ5TmsKcV
— Saqib Bashir (@saqibbashir156) June 3, 2026 امید ظاہر کی جارہی ہے کہ اس فیصلے سے ان ہزاروں پاکستانیوں کو ریلیف ملنے کی توقع ہے جو نادانستگی میں یا مجبوری کے تحت بیرونِ ملک ویزے کی مدت ختم ہونے پر ڈی پورٹ کر دیئے جاتے تھے اور پاکستان پہنچنے پر ایف آئی اے یا پاسپورٹ حکام ان کا نام کنٹرول لسٹ میں ڈال کر ان کا پاسپورٹ بلاک کر دیتے تھے، جس سے ان کے دوبارہ بیرونِ ملک جانے کے تمام راستے بند ہو جاتے تھے، عدالت نے اب اس عمل کو قانون کے منافی قرار دے دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ