دبئی کے اقامہ کیلیے میڈیکل کی شرائط میں تبدیلی
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
دبئی (انٹرنیشنل ویب ڈیسک ) متحدہ عرب امارات کی ریاست دبئی کے اقامہ اور دیگر اہم عوامل کے لیے میڈیکل کی شرائط میں نئے قوانین لاگو کردیے ہیں۔
غیر ملکی میڈیا کی رپورٹ کے مطابق اقامہ سمیت ورک پرمٹ اور ڈرائیونگ لائسنس کے لیے بھی میڈیکل کے نئے قوانین عاید کردیے گئے ہیں۔
امارات الیوم کے مطابق یو اے ای اور دبئی حکومت کی جانب سے صحت کے نئے قانون کے ضوابط کی منظوری دے دی ہے، جن پر آئندہ ماہ جولائی کے اختتام تک نافذ العمل ہوگا، صحت کے نئے قوانین کا اطلاق اقامہ کے اجرا، ورک پرمٹ اور ڈرائیونگ لائسنس کے حصول پر بھی کیا جائے گا۔
رپورٹ کے مطابق خاندان کے افراد کے میڈیکل ٹیسٹ اور شادی سے قبل وراثتی امراض کے ٹیسٹ بھی کیے جائیں گے، امراض سے متعلق معلومات حاصل کرنے کے لیے خصوصاً دوران حمل مذکورہ ٹیسٹوں کو اہم قرار دیا گیا ہے۔
ذریعہ: Jasarat News
پڑھیں:
ریلوے میں خوشگوار تبدیلی دیکھنے کو ملی، پاک بزنس ایکسپریس کی افتتاحی تقریب سے وزیراعظم کا خطاب
تصویر سوشل میڈیا۔وزیراعظم شہباز شریف نے نے کہا ہے کہ ریلوے اسٹیشن آکر خوشی ہوئی، ایک خوشگوار تبدیلی دیکھنے کو ملی۔
وزیراعظم شہباز شریف نے پاک بزنس ایکسپریس کا افتتاح کردیا۔ اس موقع پر انھوں نے کہا کہ عام مسافروں کے لیے ٹرین کی تزین و آرائش بہتر انداز میں کی گئی، اشرافیہ نہیں عام آدمی کیلئے شاندار سفری سہولتیں فراہم کی گئی ہیں۔
وزیراعظم نے کہا کہ ٹکٹ کا پرانا نظام ختم کرکے جدید ڈیجیٹائز سسٹم متعارف کرایا گیا، صاحب حیثیت لوگوں کیلئے بزنس کلاس، برتھ، کچن اور ڈائننگ کی سہولتیں ہیں۔
انھوں نے کہا کہ یورپی ریلوے کی طرز پر پاکستان بزنس ایکسپریس کی تزین و آرائش کی گئی، پی ڈی ایم دور میں سعد رفیق نے ریلوے کو بہتر انداز میں چلانے کی کوشش کی۔
وزیراعظم نے کہا کہ سعد رفیق نے اراضی واگزار کرانے اور ریلوے اسٹیشنز بہتر بنانے پر کئی بار بریفنگ دی، سابق وزیر ریلوے سعد رفیق کو بھی خدمات پر کریڈٹ دیا جانا چاہیے۔
انھوں نے کہا کہ ریلوے کا پبلک ٹرانسپورٹ سے متعلق دنیا میں کلیدی کردار ہے، ریلوے کو ٹھیک کرنے کی ذمے داری حنیف عباسی کو سونپی، ریلوے کی بہتری سے متعلق میرا خواب شرمندہ تعبیر ہوتا نظر آ رہا ہے۔
وزیراعظم نے کہا ریلوے میں مثبت تبدیلی دل کو بھاتی ہے، پہلا قدم ہے، ابھی بہت منزلیں طے کرنی ہیں، ملک کے دیگر شہروں کی ٹرینوں کو بھی اسی طرز پر چلانا ہے۔
وزیراعظم شہباز شریف نے کہا کہ پاکستان نے جنگ میں بھارت کو تاریخی شکست دی، جنگ میں فتح کے بعد عالمی سطح پر پاکستان کا وقار بلند ہوا۔ فوج نے دلیری اور مہارت کے ساتھ دشمن کا مقابلہ کیا، تینوں مسلح افواج نے بھرپور تیاری کے ساتھ بھارت کا مقابلہ کیا، امریکی صدر ٹرمپ نے کئی بار کہا کہ انہوں نے جنگ رکوائی۔
وزیراعظم نے کہا یہ پاکستان کی سفارتی کامیابی کی زندہ جاوید مثال ہے، بھارت کے خلاف کامیابی سے جنگ جیتی ہے، افواج پاکستان نے بہادری کے ساتھ دشمن کا مقابلہ کیا۔
انھوں نے کہا ایئر فورس نے ہندوستان کا مقابلہ کیا، آج پاکستان کو اللہ تعالیٰ نے عزت دی ہے، ابھی سفر بہت لمبا ہے، پاکستان کو معاشی میدان میں ٹیم ورک کے ذریعے کامیابی ملی ہے، منہگائی اور پالیسی ریٹ میں خاطر خواہ کمی آئی ہے۔
وزیراعظم شہباز شریف کا کہنا تھا کہ چین کے ساتھ مل کر سی پیک ٹو پر کام کر رہے ہیں، امریکا کے ساتھ تعلقات بہتر کر رہے ہیں، صدر ٹرمپ نے کہا کہ انہوں نے پاکستان اور بھارت کے درمیان سیز فائر کروایا، یہ ہماری بڑی سفارتی کامیابی ہے۔
لیجنڈ ریسلر ہاگن ہارٹ اٹیک کے باعث چل بسے